sotho.1732.shaving
KUTA HANTLE
Mahare
Boikgethelo ke ba hao jwalo ka ha ho na le mefuta e fapafapaneng ya mahare eo o ka kgethang hara ona. E meng ya ona e kgona ho tjhentjhwa, ha e meng yona e sa kgone, o le sebedisa o le lahle.
A SA BITSENG: Clicks twin-blade le sebedise o le lahle, R12,99 a le 8.
HA TJHELETE E DUMELA: Gillette Fusion, R109,99.
Ha o qala
Ho molemo ho iphotla pele o qala ho ikuta, ka ho etsa jwalo, o bolaya dikokwanahloko, o hlwekise letlalo, o tlose le makgekgeba le hona ho nolofatsa tsona ditedu.
SE SA BITSENG: Sesepa! (se bitsa ka tlase ho R3).
HA TJHELETE E DUMELA: Clarins Active Face Wash, R205 ya 125ml.
TSA BANNA
Aftershave
E thusa ho hlwekisa letlalo ka mora ho kuta.
E SA BITSENG: Aqua Velva Ultra Sport Aftershave, R35,99 ya 100ml.
HA TJHELETE E DUMELA: Clarins After Shave Soother, R315 ya 75ml. [s]
Shaving cream
Ha e le sa maemo, sesepa sena se kgona ho alafa maqeba a lehare.
E SA BITSENG: Clicks Barber Shave Foam, R15,99 ya 200ml.
HA TJHELETE E DUMELA: Clarins Smooth Shave, R170 ya 150ml.
O se lebale ditedu tsa hao hle monna! Ho di kuta, ke mokgwa wa bohlokwa wa ho ntlafatsa tjhebeho
KUTA DITEDU TSA HAO KA MAKGETHE NTLE LE MATHATA A LETHO
Iphotle ka metsi a futhumetseng ho bula masobana a letlalo.
Itlotse ka sesepa sa ho kuta marameng ho ya molaleng.
Ema motsotso kapa e mmedi hore ditedu di be bonolo.
Kuta o lebisa moo di robaletseng ka teng. (Mohlala, haeba di metse di lebile hodimo, kuta o lebisa hodimo.)
Kuta o tlosa marameng o lebisa molaleng. O tla qetela ka seledu le ka hodima molomo hobane tsa teng di thata, di hloka nakwana hore di be bonolo.
Tsamaisa lehare hantle, o se ka le hatella o ntse o le pudutsa kgafetsa.
Sebedisa letsoho le leng ho hula letlalo hore o kgone ho kuta hantle, o se ka itsheha.
Ha o se o qetile, pudutsa sefahleho hantle ka ho feletseng ka metsi a phodileng mme o itlhakole hantle.
EISH!
O reng ka "sepiriti"? Haeba o ka kgona ho tiisetsa ho longwa ke sona, ho lokile! Sepiriti sena se hlwekisa letlalo (esitana le hloohong ha o beotse) Boikgethelo ke ba hao, o ka sebedisa aftershave kapa sona sepiriti!
