sotho.1455.FFFF
Dikuku le dibiskiti
Citrus pound cake
Nako ya lokisa: Metsotso e 35
Nako ya ho baka: Hora le metsotso e 10
E etsa: Dilae tse 12 ho ya ho tse 16
Kuku
* 250g majarine
* 1 kopi (250ml) castor sugar
* 4 mahe
* 2 dikopi (500ml) cake flour
* 1/2 kgabana (2,5ml) baking soda
* 1 kgaba (5ml) baking powder
* 1/2 kgabana (2,5ml) makgapetla a lamunu
* 1/2 kgabana (2,5ml) makgapetla a sirilamunu a kereitilweng
* bohashana ba letswai
* 2 dikgaba (30ml) lero la sirilamunu
* 2 dikgaba (30ml) lero la lamunu
Citrus Glaze (e etsa 250ml)
* 2 dikopi (500ml) icing sugar
* 1/2 kgabana (2,5ml) makgapetla a sirilamunu a kereitilweng
* 1/2 kgabana (2,5ml) makgapetla a lamunu a kereitilweng
* 1/4 kopi (60ml) lero la lamunu
1. Kopanyetsa majarine le tswekere sejaneng ho fihlela ho kopana. Tshela mahe ka bonngwe, o ntse o a fehla hantle.
2. Kopanyetsa folouru, baking soda, makgapetla le letswai sejaneng se lekaneng.
3. Tshela majarine butle butle motswakong wa folouru o ntse o duba ho fihlela ho kopana. Tshela lero la ditholwana, o ntse o duba ho fihlela ho kopana.
4. Tlotsa cake tin ya boholo ba 23cm ka mafura le folouru. Tshela hlama ka hare mme o bake ontong e seng e le mofuthung wa 160°C hora.
5. Citrus Glaze. Kopanyetsa metswako yohle pitseng. Bedisa metsotso e 10.
6. Sebedisa toothpick kapa skewer ho hlahloba hore e se e butswitse. Tshela glaze ka potlako e tsebe ho monyela. E fodise metsotso e 10. E ntshetse rakeng ya terata.
Quick Mix Fruit Cake
O ka e lokisa kgwedi pele o e sebedisa. Ha e ntse e qeta nako e telele, e ntse e rua ka tatso. Lokisa fruit mix e sa le pele: sheba mohato 1.
Nako ya ho lokisa: Fruit mix: e tlohele bosiu kaofela; Kuku: Metsotso e 30
Nako ya ho baka: Dihora tse 2-2 1/2
E etsa: Dikwere tse 20
* 750g fruit cake mix tsa ha baker's (di-raisins, sultanas, makgapetla a lamunu le a sirilamunu)
* 100g red glacé cherries, di kgabelwe hane
* 150g tswekere e sootho
* 1 1/2 dikopi (375ml) lero la apole
* 360g self-raising flour
* 1 kgabana (5ml) mixed spice
* 1/2 kgabana (2,5ml) ground ginger
* 2 methwebe e mesweu e fehlilweng
* 1/4 kopi (60ml) oli
* 1/3 kopi (80ml) lebese
* 2 dikgaba boranti kapa sherry, (ha o rata)
* 1 kgaba (15ml) bo bong boranti, (ha o rata)
1. Kopanyetsa dihlahiswa tsa ha baker's mmoho sejaneng, di-cherries, tswekere le lero la apole. Kwahela ka clingwrap, o e tlohele bosiu kaofela.
2. Sefela folouru mixed spice le ground ginger sejaneng.
3. Kwaholla fruit mix, kopanya mahe, oli, lebese, boranti folouru le di-spice.
4. Ala baking paper ka hara baking tin ya boholo ba 22cm e tswele kantle ka 5cm. Tshela motswako ka ho lekana ho baking tin. Kgabisa ka di-cherries ka hodimo ha o rata.
5. Baka ontong e seng e le mofuthung wa 160°C dihora tse 2-2 1/2.
6. E tlotse ka boranti e ntse e le pitseng, o kwahele ka foil, o e fodise.
7. Rekisa kuku ka dilae, kapa dikwere jwalo ka kuku ya Keresemese.
Apricot & CHerry crumble cake
Nako ya ho lokisa: Metsotso e 20
Nako ya ho baka: Hora
E etsa: Dikwere tse 12
Kuku
* 200g majarine, e nolofaditsweng
* 225g castor sugar
* 255g self-raising flour
* 1 kgabana (5ml) baking powder
* 3 mahe, a fehlilweng
* 2 dikgaba (30ml) lebese
Filling
* 150g vanilla yoghurt
* 300g diapolekose tse ebotsweng, tsa ntshuwa ditholwana (1x 410g kotikoti e minywe lero)
* 150g mixed red le green glacé cherries
Crumble
* 25g majarine, e nolofaditsweng
* 3 dikgaba (45ml) self-raising flour
* 3 dikgaba (45ml) demerara sugar
* 1 kgabana (5ml) ground cinnamon
1. Kuku. Kopanyetsa majarine, tswekere, folouru, baking powder, mahe le lebese sejaneng.
2. Ala baking paper ho baking tin ya boholo ba (21x30cm). Tshela motswako ka hare. Baka metsotso e 25 ontong e seng e le mofuthung wa 180°C.
3. Crumble. Tswaka metswako yohle sejaneng sa ho kopanyetsa.
4. Filling. Tshela yoghurt, diapolekose le di-cherries hodima kuku. Fafatsa crumble.
5. Baka ontong e seng e le mofuthung wa 180°C metsotso e 40. E tshole o e fodise. E fepele e futhumetse jwalo ka pudding kapa o e fodise o e sehe dikwere.
Peanut and white chocolate Biscuits
Nako ya ho lokisa: Hlama: Metsotso e 30;
E tlohele: Dihora tse 4
Nako ya ho baka: Metsotso e 10 pakana ka nngwe
E etsa: Dikwere tse 30
Hlama
* 2 dikopi (500ml) tswekere e sootho
* 1 kopi (250ml) majarine kapa botoro e nolofaditsweng
* 2 mahe
* 1/2 kgabana (2,5ml) vanilla essence
* 2 1/2 dikopi (625ml) cake flour
* 1 kopi (250ml) krakley wheat flour
* 1 kopi (250ml) matokomane a thubilweng
* 1 kgabana (5ml) baking soda
* bohashana ba letswai
Topping
* 1/2 kopi (125ml) white cooking chocolate
* 1/4 dikopi (60ml) matokomane a thubilweng
1. Hlama. Kopanyetsa tswekere, majarine, mahe le vanilla essence sejaneng ka lesokwana.
2. Tshela metswako e setseng ya hlama. Kopanya.
3. Ala wax paper ho loaf tin ya boholo ba 1,5-litre, tshela hlama. Kwahela ka clingwrap, e boloke sehatsetsing dihora tse 3-4.
4. E ntshe ho loaf tin, o lahle wax paper. Ala hlama e be morumo wa 5mm letlapeng le fafaditsweng ka folouru. E sehe dikwere tsa 5cm ho baking try e sa tlotswang ka mafura.
5. Baka dikgethe ontong e seng e le mofuthung wa 180°C metsotso 8-10. E behe rakeng ya terata hore e fole.
6. Topping. Qhibidihisa tjhokoloeiti ho microwave kapa pitseng mofuthung o tlase. E fafatse hodima dibiskiti. Fafatsa matokomane, o tlohele ho sete.
E etsa dipakana tse 12 o ye le tsona ho workshop ya ho baka. [s]
Iketsetsa tjhelete ka ho baka dikuku le dibiskiti tse dutlisang mathe
MELAO E 12 YA KATLEHO
Karolo 1
Dilemong tse ka bang 80 tse fetileng Napoleon Hill o ne a ngole buka e bitswang Think And Grow Rich.
Ho yona o fumana dikeletso tse 12 tsa kgwebo kajeno. Kgweding ena re bua ka tse tsheletseng tsa tsona.
1. Itshware hantle
Jwalo ka rakgwebo, o tlameha ho sheba menyetla mathateng ohle. Ke ona mokgwa wa ho ba rakgwebo. Mathata a mang le a mang o kopanang le ona a o bula mahlo ka monyetla wa kgwebo le haeba o ne o sa lebella. Tjhentjha tsela eo o shebang dintho ka yona, dintho di tla tjhentjha le ho wena.
2. Phela hantle
O tlameha ho hlokomela mmele wa hao. Ha o itlhokomela o tla matlafala mme kgala e bonahale kgwebong. O tlameha ho ba le letsatsi leo o shebanang le bophelo ba hao ka lona - o otlolle maoto kapa o je disalate bakeng sa di-burger kapa ditjhips.
3. Dikamano tse ntle
Borakgwebo ba bangata ba tsepamisa maikutlo a bona tabeng ya kgwebo ba lebale ho ikahela dikamano tse ntle le bareki. Ho bona ho bapatsa le phaello ke tsona tsa bohlokwa ho feta batho. Ke bolela ho basebetsi le bareki ka ho tshwana. Ha o ka itlwaetsa ho sebedisana hantle le batho, o tla makala ho bona molemo o tla o una ho seo. Ba tla tshepahala, mme ba o thuse.
4. Se tshabe
Kenella - ho bobebe ha jwalo! Ke e ke bone borakgwebo ba bangata ba tshaba diphephetso. Jwalo ka ha ramahlale e mong a boletse, ha re tshoswe ke ho se tsebe ha rona, empa re tshoswa ke bokgoni ba rona. Ka hoo, itshepe. Phahamisa mohala o letsetse batho o kope thuso, o tla makatswa ke molemo o tla o fumana.
5. Eba le ditoro ka bokamoso ba hao
Jwalo ka ha ba bolela, e ba le ditoro tse kgolo, o tla atleha. Ditoro tsa hao di tla phethahala. Rera ka hloko.
6. E ba le tumelo
Itshepe. Ha o itshepa, o na le tumelo, dintho di tla etsahala. Dula o ikgopotsa seo o se batlang mme o dule o ntse o hopola boinehelo bo o emetseng ho ka fihlela toro eo ya hao. Tumelo le ho nka bohato, ho tshwana hantle le letswai le pepere - ke di ya thoteng di bapile.
Jwale ke nako ya ho sebedisa Melao ena e tsheletseng ya Katleho. Ke a tshepa ho fihlela ha jwale, ha ho seo re se buileng ka tjhelete. Mohlomong sena se a bontsha hore ho bolelwang ha ho buuwa ka katleho. Se fetwe ke kgatiso e latelang e buwang ka melao ena e meng e tsheletseng.
Lluwellyn Diedericks
