Phela ho ya ka letshwao la MBAB 
Letshwao la semmuso la MBAB le se le phethetswe. Hoo ho o dumella jwale ka setho sa MBAB ho pepesa ka motlotlo botho ba hao ba MBAB le boitelo ba hao profesheneng ena. O ka sebedisa letshwao lena dikareteng tsa hao tsa kgwebo, mangolong a hao diphephetjhaneng tsa hao tsa diteboho, dikhotheisheneng, diinvoiseng, masedinyaneng, dipampitshwaneng, websaeteng ya hao, motekenong wa hao wa imeili le dipapatsong tsa hao. Ngolla Marion Boers ho office@translators.org.za mabapi le Leano la Letshwao la MBAB le felletseng le khophi ya hao ya molao ya letshwao.
Diketsahalo tsa dikgokahanyo tsa MBAB 
Setho sa MBAB sal Lekgotla Michelle Rabie o tla be a phatlalatsa wekshopo ya ya e tummeng ya sehloho sa: “How to Market Yourself as a Freelance Language Practitioner” Durban ka la 17 Lwetse 2010 le Bloemfontein ka la 22 Mphalane 2010. Ofisi ya MBAB e tla romela diforomo tsa boingodiso haufinyana. O se ke wa fetwa ke monyetla ona wa ho ithuta ho hong ho hotjha, ho kopana le le batho ba tshwanang le wena ka mehopolo le ho natefelwa ke  diphomosetso tse mathemalodi.
Setho sa Lekgotla Manzo Khulu o ile a hlophisa kopanong e atlehileng Johannesburg ka Motsheanong ho fuputsa kgonahalo ya ho hlomamisa chapter ya tshehetso ya ditho tse sebetsang ka dipuo tsa MaAfrika. O tla boela a hlopha kopano e latelang eo e tla ba ka Phato eo le yona e tla ba Johannesburg. Dintlha tse mapi le letsatsi le sebaka sa kopano di tla tsebiswa haufinyane.
Ho ketekwa ha Letsatsi la Matjhaba la Bofetoledi 2010 (International Translation Day 2010) ke MBAB ho tla ba ka Labone la 30 Lwetse Yunivesithing ya Johannesburg. Sehloho sa letsatsi e tla ba netefatso ya boleng mme ketsahalo ena e tla kenyeletsa kgakolo ya buka ya  phetolelo ya mareo ya dipuo tse ngata ke modulasetulo wa MBAB Anne-Marie Beukes le setho sa MBAB Mamė Pienaar.
MBAB Boland e tla be e keteka selemo sa bomashome a mabedi sa ho thehwa ha yona selemong sena ka seminare le moketjana wa boithabiso o tla tshwarwa mafelong a beke ya 18/19 Lwetse. Dintlha di tla latela.
Ka kopo ikopanye le ofisi ya MBAB haeba o kgona ho fana ka thupello kapa o na le mehopolo kapadikopo tsa diketsahalo tseo o lakatsang ha Mokgatlo o ka o hlophisetsa tsona.
Mohope wa Lefatshe 2010
O ne o le moo? Haeba o ile wa nka karolo ho fetoleleng/ho tolokeng tse mabapi le ke tsahalo ena (pele kapa kamorao) ka kopo re tsebise. Re lakatsa ho ho bokeletsa tlaleho  ka mofuta wa mosebetsi wa puo oo Mohope ya Lefatshe o ileng wa o etsetsa baahi ba Afrika Borwa. Re romelle tlhahisoleseding ho Marion mona office@translators.org.za.   
Botho
Ditho tse ntjha: Marisan Blignaut, Danielle Boxshall-Smith, Ronny Diatezoya. Nosipho Dlomo, Siya Lokwe, Priscilla Mahlangu, Lizė-Marie Marais, Nomfanelo Matlatse, Malungi Mbhele, Boitumelo Phalatse, Ben Steyn.
Mafu: Malgorzata Johnson, Pieter de Kock.
Dinyehelo ho Letlole la Ntshetsopele: R Harm, W Nolting
Tse hapang maikutlo
Setho sa MBAB Olivier Flėchais o ile a ba le poisano le lenaneo la seyalemoya sa SAfm. “Word of Mouth” ka la 4 Phupu 2010 mabapi le ho sebetsa jwaleka toloko le mofetoledi. Puisano ena e fumaneha ho www.safm.co.za. 
Ho ntshetsapele le ho hokanya mareo a ikgethang mafapheng ohle a dipuo tsa semmuso tsa Afrika Borwa, Lefapha la Bonono Le Setso le hlophisitse Buka ya Setjhaba ya Boingodiso ya Diporojeke tsa Mareo. Bathahaselli bohle ba mareo ba kgothaletswa ho ngodisa diporojeke tsa bona le Tshebeletso ya Dipuo ya Setjhaba, ho phema phetaphetako ya diporojeke ke dihlopha tse fapafapaneng tse sebetsang mafapheng a tshwanang. Sepheo sa Buka ena ya Boingodiso ke ho netefatsa hore ho be le mohlodi o le mong wa pokeletso ya mareo a diporojeke a  ngodisitsweng, a tla kgona ho fihlelwa ke basebedisi bohle. Buka ena ya boingodiso e fumaneha websaeteng ya Lefapha www.dac.gov.za/http://terminology.dac.gov.za/.  Dipotso di ka lebiswa ho Mof. Alet Oelofse (012 4413827), Mong. Lutamo Ramuedzisi (12 441 3844) kapa Mong Solly Mnisi (12 441 3851).
Kgatiso ya moraorao ya Infoterm Newsletter e fumaneha interneteng http://infoterm.info/pdf/activites/INL/INL _136.pdf.  Lesedinyana  lena ke la semmuso le hlahiswang kgweditharo ya International Centre for  Terminology (Infoterm), e hlahisang babadi ba yona leseding ka dintshetsopele tsa moraorao mafapheng a mareo. Hape e fana ka tjhabisetso ka diketsahalo tsa moraorao le tse tla etsahalang nakong e tlang tsa ditho tsa Infoterm le mahatammoho a yona.
Dikopo tsa dikri tsa Wits BA Publishing Studies Honours tsa 2011 di buletswe jwale. Thuto ena e loketse bao ba nang le thahasello ya mosebetsi ya ho phatlalatsa kapa ba sentse ba sebeletsang baphatlalatsi kapa ba batlang ho ba baqolotsi indastering  ya diphatlalatso. Dikopo bakeng sa 2011 di kwallwa ka la 30 Pudungwana 2010. Bakeng sa tjhabisetso ya dikateng tsa thuto ena, ikopanye le Colleen Dawson ho colleen.dawson@wits.ac.za kapa ho 011 615 2335. Mabapi le tjhabisetso ya ho ingodisa ikopanye le Merle Govind ho merle.govind@wits.ac.za kapa 011 717 4140. Bakeng sa tjhabisetso e feletseng etela http://web.wits.ac.za/Academic/Humanieties/SLLS/Disciplines/PublishingStudies. 
Disebediswa tsa khomputa le Diwebsaete
WikIdioms, bukantswe ya maele ya dipuo tse ngata, e teng ka dipuo tse fetang 30, baabi ba 100 le dipolelo tse 30 000. E ya ho http://www.wikidioms.com. 
Wordfast LLC, mofani wa sesebediswa sa phetolelo sa poloko ya mareo sa khomputa e sa tswa hlahisa Wordfast Anywhere, e leng phetolelo ya poloko ya mareo e fumanwang websaeteng eo e leng sesebediswa se etseditsweng ho nolofaletsa bafetoledi le dibaka tsa phetolelo ho ka fumana thepa ya poloko ya mareo (TM) sebakeng se bolokehileng sa ho fetolela se inthaneteng. Bakeng sa tjhabisetso e feletseng  e ya ho: http://www.wordfast.com   
Diketsahalo le kopo ya dingolwa
Synthesis Vol.4 (2011): Translation and Authenticity in a Global Setting: Kgatiso ena ya lesedinyana sepheo sa yona ke ho tsepamisa maikutlo ho disebediswa tse mahlonoko tsa phetolelo nakong ya jwale eo boo lefatshe le angwang ke diketsahalo ka kakaretso. haholoholo dintlheng tsa netefatso yaboitsebahatso ba lefatshe lohle/lebatowa. Ho mengwa dingolwa dihlohong tse amanang le dipolotiki, tsa phetolelo, sebaka sa phetolelo, mekgwa ya phetolelo, phetolelo kamoo e angwang ke diketsahalo tsa lefatshe ka bophara ka teng, phetolelo le ho tshelwa ha meedi le bothata ba phetolelo. Dikopo tse felletseng (mantswe a 8000-1000) ba keng sa dingolwa le dipotso tse ka bang teng di  lebiswe ka imeili ho Issue Editors Dionysios Kapsaskis (d.kapsaskis@roehampton.ac.uk) le Lucile Desblache  (l.desblache@roehampton.ac.uk) ka bobedi. Letsatsi la qetelo la ho romelwa ha dilelekela ke 30 Pundungwana 2010 mme la ho romelwa ha dingolwa ka botsona ke 30 Lwetse 2011. Bakeng sa tjhabisetso e felletseng tadima: http://www.enl.uoa.gr/synthesis/about.htm   
Diphatlalatso, Setso le Seriti sa Mokgatlo: Wekshopo ya halofo ya letsatsi Stellenbosch University Language Centre ka la 26 Phato 2010. Letsatsi la ho qetela la boingodiso ke 17 Phato 2010. Bakeng sa tlhahisoleseding e feletseng ikopanye le Audrey Poole ho 021 808 2167 kapa ho taalsentrum@sun.ac.za.  
Seboka sa Matjhaba sa TM-Europe 2010 sa Botsamaisi sa Phetholelo:  Krakow, Poland, 30 Lwetse–1 Mphalane 2010. Mohoo: Projeke le theknoloji Botsamaisi le tjhebelopele ya Kgwebo bakeng sa Phetholelo le industeri ya Lehae. Wekshopo ya pele ho seboka e ka la 29 Lwetse 2010. Boingodiso bo buletswe. Tjhabisetso e eketsehileng:  http://www.tm-europe.org   
Seboka sa Matjhaba: Karolo ya Phetholelo ho Aheng Setjhaba, Botjhaba le Botjhaba bo pharaletseng. New Delhi, 16-19 Tshitwe 2010. Se hlophuweng ka kopanelo ke Mokgatlo wa India wa Bafetoledi le Linguaindia Foundation. Seboka se tla tsepamisa maikutlo karolong ya phetholelo ho maemong a India. Bona http://www.itaindia2010.php bakeng sa tjhabisetso e eketsehileng ya tsepamiso ya maikutlo le mehoo. Dilelekela tsa dingolwa di tshwanela ho be di rometswe ka la 30 Phato 2010 ho bongodi ba ITAINDIA ho info@itaindia.org.  
Seboka sa IALB-TRADULEX-Language and Business Today and Solution for Tomorrow: Lisbon, Portugal, 1-2 Mphalane 2010. Se hlophuwe ke International Association Language and Business (IALB) dikgokahanyo tsa matjhaba tsa Tradulex, seboka se tla tsepamisa maikutlo ho diphetoho tse etsahetseng indastering ya dipuo tse bakilweng ke mathata a moruo w a lefatshe a sa tswa feta. Tjhabisetso e eketsehileng:  http://www.tm-europe.org   
Seboka sa Borobedi sa Matjhaba le Dipontsho sa ho Fetisetsa Puo ho Ditaba tsa Kutlopono: Phethoho ya Digital Sebakeng sa Ditabeng tsa Kutlopono ke thuso kapa tshitiso? Berlin, Germany, 6-8 Mphalane 2010. Bankakarolo ba buisana ka diphetoho le dintlafatso ho ditaba tsa lefatshe ka ho tsepamisa maikutlo ho fetisetsweng ha puo. Tjhabisetso e eketsehileng:  http://www.languages-media.com/index.php
Seboka sa 16 sa Matjhaba  sa Mokgatlo wa Mabitso sa Afrika Borwa (NSA): Homo Nominans – Mankind, the namer: Club Myknos, Western Cape, 26-28 Mphalane 2010. Seboka se tla fuputsa lefatshe la ho rea mabitso le tjheseho e tutileng ya botho ho rea dintho. Bakeng sa tjhabisetso e felletseng ikopanye le Bertie Neethling ho bneethling@uwc.ac.za. 
Sebkoka sa Matjhaba sa Dithuto tsa ka mora Dekri tsa Phetolelo le ho Toloka (IPCITI) 2010: Ho tloha ho Nahaneng ho ya ho Phatsimeng – Mehopolo e Metjha, ho hlophisa botjha le kgahlamelo e ntjha: Yunivesithi ya Manchester, UK, 29-31 Mphalane 2010. Sena ke seboka sa botshelela ka tatelano ya sehloho sena, se o maikemisetso as sona e leng ho neha bafuputsi ba batjha monyetla wa ho abelana diphuputso tsa bona le ho nka karolo ketsahalong e bonahalang ya dikgokahanyo tsa matjhaba. Dipotsiso di ka lebiswa ho ipciti2010@manchester.ac.uk. Tjhabisetso e feletseng e ka fumanwaho: http://www.ipciti.org.uk/ 
Sekolo sa Lehlabula sa Dithuto tsa  Phetolelotsa Afrika: Yunivesithing ya Stellenbosch, 29 Pudungwane–4 Tshitwe 2010. E fuwa ke Lefapha ladithuto tsa  Afroasiatic,  Puo ya Matsoho, le thupello Puong ya Yunivesithi ya Freisitata le Lefapha la puo ya SeAfrikanse le Sedatjhe Yunivesithing ya Stellebosch, Sekolo sa Lehlabula ke sa bathuti ba bongaka le/kapa barupelli dithutong tsa phetolelo ka sepheo sa ho sebeletsa ho isa sehlohong sa phetolelo ya dithuto tsa Afrika.  Tjhabisetso e eketsehileng:
http://www.ufs.ac.za/SSTSA
Seboka sa FIT sa  XIX sa Lefatshe: San Francisco, USA, 1–4 Phato 2011. Mohoo wa seboka sena ke "Ho kopanya Ditso". Letsatsi la ho qetela la ho etsa dikopo ke 10 Tshitwe 2010. Tjhabisetso e felletseng:  www.fit2011.org  
Phetolelo ya Seafrikanse:Ettienne van Zyl, Anne-Marie Beukes
Phetolelo ya Setswana: Peter Mekgwe, Pauline More
Phetolelo ya Sezulu: Manzo Khulu 
Phetolelo ya Sexhosa: Thokozile Mabeqa, Angelinah Dazela
Phetolelo ya Sesotho: Mike Mahase
Phetolelo ya siSwati: Benjie Shongwe
Phetolelo ya Sepedi: Mapule Moswane
Dintlha tsa go ikgolaganya le Setheo:
Marion Boers. Mogala: 011 803-2681. Fekese: 0866 199 133. Imeili: publications@translators.org.za
Irene Dippenaar. Mogala: 079 492 9359. Fekese: 086 511 4971. Imeili: registrar@translators.org.za
