sotho.999.yourfood-lesson
tagliatelle (RIBBON PAsta)
* 400g cake flour
* 3 dikgaba (45ml) letswai
* 4 mahe
1. Kopanyetsa letswai le folouru sejaneng.
2. Bula lesoba borareng, tshela mahe, o kopanye ho etsa hlama e bonolo.
3. Arola hlama habedi. Dubella karolo e nngwe letlapeng le fafaditsweng ka folouru metsotso e 10-15. E ale, o e akgele moyeng mme o e fetole. O ka eketsa folouru ha ho hlokahala hore e se kgoramele letlapeng. Tswelapele le ho e ala, o ntse o e akgela moyeng ho fihlela e ba bobejana.
4. E sehe ka bolelele e be bophara ba 2mm. (Ha pasta e se e butswitse e tla kokomoha habedi.)
5. Behella hlama ena e kgabetsweng ka thoko. Ala karolo ya bobedi o nne o e akgele hodimo jwalo ka ya pele.
6. Pheha pasta metsing a belang a nang le letswai. Jwalo ka ha e le foreshe, e tla butswa metsotsong e 3-5. O se ka e pheha ho feta. E minye metsi mme o e boloke e futhumetse. O ka e fepela le diresepe tse latelang
Dikeletso
Bedisa pasta metsing a mangata.
Ha se setlamo ho sebedisa letswai
Pasta e pheheha hantle mofuthung o hodimo.
Haeba o tla tshela sauce, se e hlatswe pasta. Starch sa yona se tla thusa sauce e itshwarelle ho yona pasta.
Creamy ham and chicken tagliatelle
* 1 kgaba (15ml) oli
* 1/2 eie e kgabetsweng
* 1 difuba tsa kgoho tse kgabetsweng ka bolelele
* 1/2 kopi (125ml) frozen peas
* 80g ham, e kgabelwe
* 1 kopi (250ml) thick cream
* letswai le pepere
* parsley e foreshe
1. Futhumetsa oli paneng, o hadike eie metsotso e 2. Tshela nama le dierekisi o hadike metsotso e 5-6.
2. Theola mofuthu, o tshele ham, lebejana mme o noke. Tshola, o e boloke e futhumetse. Kgabisa ka parsley. Fepela le pasta.
E ka fepela ba 2
Pasta with tomato and viennas
* 2 dikgaba (30ml) oli
* 1/2 eie, e kgabelwe
* 1 sekaqa garlic, e hlahlathwe
* 1 tamati, e ntshwe dithootse e kgabelwe,
* 3 dikgaba (45ml) tomato sauce
* 3 Vienna sausages, tse dilae
* 1 kgaba (15ml) tswekere
* letswai le pepere
1. Futhumetsa oli paneng, o hadike eie le garlic metsotso e 3 ho fihlela e butswa.
2. Tshela tomato sauce, di-vienna le tswekere, o phehe metsotso e 10 ho fihlela sauce e tiha. Noka ho natefisa, o fepele le pasta.
E ka fepela ba 2
E meng mekgwa
Meroho e kang pepere e ka sebediswa.
EASY TOMATO SAUCE
* 3 dikgaba (45ml) oli
* 1 eie e kereitilweng
* 1 sekaqa garlic, e hlahlathilweng
* 2 ditamati, di ebolwe di kgabelwe
* 2 dikgaba (30ml) tomato paste
* 2 dikgaba (30ml) tswekere
* letswai
1. Futhumetsa oli paneng, o hadike eie le garlic.
2. Tshela tamati le tomato paste. Fuduha, o phehe metsotso e 10 mofuthung o tlase.
3. Tshela tswekere le letswai ho natefisa, fepela le pasta ho ntse ho tjhesa.
Keletso
Bakeng sa tatso e reberebe ya tamati, tshela 1 kgabana (15ml) tomato sauce. [s]
Ditshwantsho: Kim Thunder
TSE MATHEMALODI
Dithuto tsa mopheho
le Ntwenhle Mpanza
Ho bobebe ho feta ka moo o nahanang ho iketsetsa pasta lapeng. Latela ditaelo le mehato ya rona mme o tla iponela
