sotho.813.yourfood_FFF
etsa phaello ka DIKUKU
CHOC-CHIP & RAISIN CUP CAKES
Nako ya ho lokisa: Metsoso e 90
Nako ya ho pheha: Metsotso e 20
E etsa tse: 12
* 1/2 dikgaba (7,5ml) active dried yeast
* 1/2 kopi (125ml) metsi a futhumetseng
* 1 kgabana (5ml) tswekere
* 275g plain flour
* 4 mahe a fehlilweng
* 60g castor sugar
* bohashana ba letswai
* 115g majarine, e nolofaditsweng
* 90g raisins
* 115g plain chocolate chips
* 1 lehe le fehlilweng
1. Kopanyetsa yeast, metsi le tswekere sejaneng. Kopanya, beha moo ho futhumetseng metsotso e 10.
2. Fuduella 100g folouru ho fihlela e ba hlama e boreledi. Tshela mahe, tswekere le letswai. Tshela folouru e setseng, kopanya ho fihlela e ba hlama e bonolo.
3. Beha sebakeng se futhumetseng metsotso e 45 o kwahele ka clingwrap ho fihlela e kokomoha.
4. Fehla majarine, o tshele di-raisins le chocolate chips.
5. Tlotsa muffin tin ka mafura, o tlotse le hodimo ho thibela ho kgoramela. Tshela hlama ho di-muffin moulds e be halofo. Beha sebakeng se futhumetseng metsotso e 20 ho fihlela e kokomoha.
6. Beha onto mofuthung wa 200°C. Tlotsa bokahodimo ba hlama eo ka lehe lena le fehlilweng. Baka metsotso e 20. Fodisa metsotso e 5 pele o di ntshetsa rakeng ya terata.
Ditjeho: R24
Kuku ka nngwe: R2
APPLE GINGER CAKES WITH LEMON ICING
Nako ya ho lokisa: Metsotso e 15
Nako ya ho pheha: Metsotso e 25
E etsa tse: 12
* 250g majarine, e nolofaditsweng
* 1 1/2 dikopi (375ml) dark brown sugar
* 3 mahe a fehlilweng
* 1/4 kopi (60ml) golden syrup
* 300g plain flour
* 1 1/2 kgabana (7,5ml) bicarbonate of soda
* 2 dikgaba (30ml) ground ginger
* 1 kgaba (15ml) ground cinnamon
* 1 kopi (250ml) apole e kereitwe
* 2/3 kopi (170ml) metsi a tjhesang
Lemon Icing
* 160g icing sugar
* 1 kgabana (5ml) majarine, e nolofaditsweng
* 1 kgaba (15ml) lero la sirilamunu
1. Beha onto ho 180°C. Ala di-paper cases ho di-muffin tin.
2. Kopanyetsa mahe, majarine le tswekere sejaneng ho fihlela di kopana. Tshela mahe ka bonngwe. Tshela sirapo.
3. Tshela metswako e ommeng e sefilweng, apole le metsi. Tshela motswako ka kgaba ho di-paper case.
4. Baka metsotso e 25. Tlohela dikuku metsotso e mehlano pele o di ntshetsa rakeng ya terata.
5. Lemon icing. Sefela icing sugar sejaneng se bolokang mofuthu. Tshela majarine le lero la sirilamunu e lekaneng ho etsa hlamanyana. Beha sejana seo paneng e nang le metsi a belang, fuduha ho fihlela icing e qhibidiha. Tshela hodima dikuku tse futhumetseng o sebedisa kgaba.
Ditjeho: R36
Kuku ka nngwe: R3
BONA le Food For Fun And Funds di o hlahlella hore o ka iketsetsa phaello jwang ka dikuku tsena
SMARTIE CUP CAKES
Nako ya ho lokisa: Metsotso e 15
Nako ya ho pheha: Metsotso e 20
E etsa tse: 18
* 225g majarine, e nolofaditsweng
* 225g castor sugar
* 225g self-raising four
* 1 kgabana (5ml) baking powder
* 4 mahe
* 1 kgabana (5ml) vanilla essence
Icing
* 375g icing sugar, e sefilweng
* 225g majarine, e nolofaditsweng
* bohashana ba letswai
* Smarties kapa mofuta ofe feela wa dipompong
1. Beha onto ho 175°C. Beha di-paper case tse 18 ho di-muffin tin.
2. Kopanyetsa majarine, tswekere, folouru, baking powder, mahe le vanilla essence sejaneng. Fehla ka electric whisk metsotso e 2-3 ho fihlela motswako o kopana o ba bobebe.
3. Tshela motswako ho di-paper cases. baka metsotso e 20.
4. Tlosa ontong, fodisa metsotso e mehlano pele o di ntshetsa rakeng ya terata.
5. Icing. Kopanyetsa icing sugar, majarine le letswai sejaneng ho fihlela ho kopana. Fafatsa icing hodima dikuku. Kgabisa ka di-smarties.
(Beha dikuku tse sa kgabiswang ka sejaneng se sa keneng moya ho fihlela matsatsi a mararo, kapa ho freezer ho fihlela dikgweding tse tharo).
Ditjeho: R26
Kuku ka nngwe: R1,50
Keletso ya ho phuthela
Ha o rekisa ka leshome le metso e mmedi: lebokose ke R2.
Bakeng sa matsatsi a tswalo kapa lenyalo: ho phuthela ho ka o bitsa R5.
TJHELETE, NAKO LE TSEBO
Kgweding ena re lekola dintho tse tharo tse sebedisitsweng ke borakgwebo ba atlehileng. Haeba e ne e se ka lebaka la dintho tsena, ba ka be ba sa atleha.
TJHELETE
Borakgwebo ba bangata ba kgollwa hore o ke se kgone ho theha kgwebo hobane ba ipolella hore e hloka tjhelete e ngata.
Ha ho jwalo. Rakgwebo eo ke neng ke sebedisana le yena, o ne a batla ho qala kgwebo ya ho thotha thepa. O ne a pake koloi ya hae setsing sa tsa kgwebo mme a tsamaya a kena kgwebo le kgwebo a botsa ka moo a ka thusang ka koloi ya hae ka teng.
Khampane e nngwe e ne e mo nehe diphahlo tse 10 hore a di thothe. Ka mora beke, khampane eo e ne e mo letsetse ya mmotsa hore a ka kgona hore a thothe diphahlo tse 700 dikgweding tse latelang tse tharo. O ne a sebedise monyetla oo mme ba utlwana le ka tjhelete. O ne a nke lengolo leo la tumellano mme ka lona a kgona ho fumana ho tshehetswa ka tjhelete hore a reke koloi. Ha ho tjhelete e kalo e neng e hlokahale ho yena, lengolo leo feela le ne le mo tswele molemo.
Hlalefa, nka bohato mme tjhelete e tla itlela!
NAKO
Jwalo ka tjhelete, nako e tlameha ho sebediswa ka bohlale, e seng bohlaswa.
Ipotse hore na dintho tsena tseo o senyang nako ya hao ho tsona di tla o tswela molemo o fe bokamosong ba hao. O sebedisa nako ya hao ka bohlale, kapa o a e senya?
Borakgwebo ba sebele ha ba senye nako.
TSEBO
Re tlameha ho fetola tsela eo re nahanang ka yona, o tlohele hore o re "Nke se kgone." O hloka tsebo ho ka etsa sena.
Re phela nakong eo tsebo fumanehang ka bonolo. O ka e fumana ho Internet. Bakeng sa ho ipotsa hore "nka etsa eng jwang?" Ipotse hore "Ke mang ya ka nthusang ho etsa sena?"
O tla iponela hore ho tla ba bobebe jwang ho fumana batho ba ka o thusang ho theheng kgwebo ya hao.
KGWEDING E HLAHLAMANG: Business Plan e thusa jwang katlehong ya kgwebo.
Lluwellyn Diedericks
