sotho.799.cover (lira)
TSHOHE
SELEMO le selemo, Lira o ba le ntho e tshosang eo a e etsang. Haufinyane o sa tswa bonahala a sesa nokeng ya Zambezi, a thabile ho le monate. Selemong sena le teng o rerile ho hong - ho fofa ka pharatjhute. Ke motho ya etsang dintho ka hloko, ha ke rerile ho etsa ntho, ke a e etsisisa," ho rialo ngwanana enwa ya dilemo di 29.
O hlahetse Wattville, Ekurhuleni, mme mabitso a hae a nnete ke Moipone Lerato Molapo. Mmae o mo reneketsa ka la Ndu. Ngwanana enwa, o hotse le hona ho ithutela mosebetsi wa ho sebetsa ka ditjhelete, empa o ne a o nyahlatse, a kena mminong moo a fihlileng teng a ipitsa ka Lira.
"Batswadi ba ka ha ba a ka ba thabela bohato boo," ke yena eo a hopola tsa kgale. "Ke ne ke kgethe accountancy hobane e le yona thuto eo ke neng ke e tseba haholo. Lapeng ba ne ba sa batle ho be teng ya kenang ho tsa bonaledi."
Empa jwale ke a tshepa ba fetotse mohopolo wa bona. Lira o ne a hape kgau ya Best Performance le ya Pina e Pele ka talente ya hae eo a e qadileng a le dilemo di 16 feela. Ka nako eo, ba ne ba dula Daveyton, setsing sa talente ya mmino. "Ke hona mona moo talente ya ka ya mmino e qadileng teng," ho bolela Lira. "E ne e re ha ke bina, batho ba re ke tswere." Leha ho le jwalo, o ne a qale ka ho iphapanyetsa talente ena ya hae. "Ke tshepa hore bohle re na le moo re nang le bokgoni teng mme re tsepamise maikutlo a rona haholo teng," ho rialo Lira. "Ke motle haholo mosebetsing wa matsoho le ho akanyeng. Ka hoo, ke nahana hore, architecture e ne e tla ntokela ho feta accountancy. Leha ho le jwalo, ha ke nke ho ithuta ha ka e le tshenyo ya nako. "E ntse e le ntho e nepahetseng hore leha o le sebini, o be le bo bong bokgoni. Sena se tla nthusa haholo bophelong ba ka, haholoholo ka lehlakoreng la kgwebo.
"Ke tla kgothaletsa ba bang mona mminong ho nka dithuto tsa taolo ya ditjhelete kapa tsa molao, di tla ba tswela molemo."
Ba bangata ba ne ba re Lira ha a ya kgetha ka nepo ha a ne a tlohela mosebetsi a kena mminong. Dibekeng tse pedi feela a lahlile mosebetsing wa hae, ka selemo sa 2000, o ne a nkwe ke 999 ya Arthur Mafokate. O ne a tsebiswe ho Arthur ke ausiae.
Ka yena, ba ne ba na le morero wa ho tla kenya R&B hodima kwaito eo ya bona. Kgetho ya bona ha a ekaba ya tsamaya hantle jwalo ka ha ho ne ho nke Lira dilemo tse ka bang tharo kaofela hore a ntshe albamo ya hae ya pele - All My Love ka 2003. O ne a qetelle a se a rata ho ikwahlaya ka ho tlohela ha hae mosebetsi.
"Ke o tloheletseng mosebetsi wa ka?" ke seo a neng a ipotsa sona ka nako e nngwe. "Ha ke bone ha mmino ona o tla ntswela molemo hobane ke a bona hore ntho e nngwe le e nngwe e hloka thupello ya yona.
"Ke ne ke tlamehe ho ba le boikarabelo ka bonna, mme ka qala ho hlokomela hore khampane ya ho hatisa yona mosebetsi wa yona feela ke ho tlatselletse ho seo ke seng ke ena le sona. Ha ho na nako ya masawana, motho o tlameha ho sebetsa. Seo se ne se nkahe, ka kgona ho nka mmino jwalo ka kgwebo, e seng jwalo ka ntho ya boithabiso," ho bolela Lira.
"Phapang e kgolo haholo mminong wa Afrika le wa US le Yuropa ho na le seo re tlwaetseng ho se bontshwa thelevesheneng. Batho ba etsa dimilione tsa diranta ka albamo e le nngwe feela. Mona o ke se ke! Mona o tlameha ho sebetsa ka thata, e seng taba ya ho dula o phuthe matsoho, o thabele ho hlahella ho TV. O tlameha ho utlwisisa hore o ke se bapale ka menyetla. O tlameha ho hlophisa bokamoso ba hao o hlomphe le batshehetsi ba hao."
Ka 2006, Lira o ne a fetole mawa, a kena khampaneng e ntjha ya Sony BMG. Ka mora moo, o ne a ntshe setlabolane sa albamo, Feel Good, se nang le mantswe a reng:
I just wanna feel good everyday
I wanna wear a smile upon my face
I wanna feel the joys of the day
I wanna feel alive in every moment.
E ne e tswe pele ho Metro FM mme ya ba ya mo hapela le kgau ya Record Of The Year le ya SAMA Video Of The Year dikgaung tsa mmino tsa Afrika Borwa tse tshehetswang ke ba ha MTN le ya Best Jazz Album ho tsa Metro FM.
Ka lebaka la tjhebeho ya hae e ntle ho tswa setshwantshong se ho CD ya hae, ba ha Woolworths ba ile ba mo sebedisa dipapatsong tsa bona ngwahola.
"Ke e rata haholo feshene ya Afrika Borwa," ke yena eo. "E ntle, e a boheha. Diakanyi tsa kwano, di nthusitse haholo jwalo ka ha di kgonne ho nkakanyetsa feshene e ntshwanelang.
"Ha ke etela mose ho mawatle, mmele wa ka o mosesane, botle, lebala le diaparo tseo ke di aparang, di ntswela molemo. Ba mpona ho tsona hore ke Moafrika mme ba nthabele. Ba atisa ho qoqa le nna ka diaparo le tjhebeho ya ka."
Lira o a kutile manyetse a hae.
"Ke ne ke le ditlhong ho a kuta, empa e itse ha ke se ke a kutile, ka ba motle, ha hlahella le tshobotsi e ntjha!" O bolela ha tshobotsi ena ya hae e boetse e hlahella hantle setshwantshong sa hae se ho CD ya hae, Dumisa, eo pina e reheletsweng ka yona CD ena a letsang katara eo a neng a ithekele yona dilemong tsa ho feta, nakong eo mathata a neng hlwele manolo hodimo ho yena.
O BOLELA ha a se na thupello mminong. "Ke a imamela ha ke bina. Ha ke ne ke etsa albamo ya ka ya pele, diletsa tsohle ke ne ke di utlwa ka hloohong ena ya ka - empa ha nka ba ka kgona ho hlalosetsa mohlahise kapa tsona dibini tse ding seo.
"Haesale ke kgona ho letsa katara le piano, ke se ke ipona le nna ke se ke tshwana le dibini tsena tse ithutetseng mmino. Ke se ke kgona jwale ho sebedisa lentswe la ka ka nepo - le kgona ho tsamaisana hantle le diletsa."
E nngwe ntho eo a ratang ho bua ka yona, ke bophelo ba hae ho tsa marato "E, ke nnete, ke ratana le lekgowa, Robin Kohl. Ke yena ya ntlhahiseditseng albamo ya ka ya pele, le ena e ntjha.
"Re na le dilemo tse robedi re ratana mme re se re dutse mmoho tse nne kaofela."
Ba na le motse mane Randburg, Joburg.
"Ke rata jarete ena ya ka hobane e etsa e ka ha ke toropong. Ha ke sa ya mosebetsing, ke itulela lapeng mme ha ke tshase le mekgabiso ena ya sefahleho.
"Tjhe ha
ho seo nka tletlebang ka sona selemong sena. Dintho tsohle di ntlela hantle, ke nahana, hore boitshepo le ho phuthuloha, ke tsona tse bileng le kabelo e kgolo katlehong ya ka." [s]
Ha a
BONA SESOTHO June 2008
difohle
Ho se tshabele hole, ke seo sebini sena sa Afrofusion se kgollwang ho sona . . . Pale le kgokahanyo ka Patricia McCracken, ditshwantsho ka Ivan Naude, moriri le mokgabiso wa sefahleho Nthato Mashishi, setaele Marina Walsh
B0NA LEQEPHE LA KANTLE
Lira o ne a kgotsofetse ka mora ho phatlalatswa ha albamo ya hae mane Milan, ka mora moo a fetela Fiji moo, a neng e ilo bina teng.
Diaparo: Truworths; mabenyane: Attitude
TSA BOPHELO BA KA
Hore o tle o atlehe bophelong, o tlameha ho feta mathateng.
Ho hloleha ha ka ho ba le tjhelete ya ho phethisa ditoro tsa ka, ho ne ho nnyahamise haholo, ka ba ka ipolella hore ke se ke hlolehile. "Ke ne ke batle ke tlohela, ke boela mosebetsing, empa ka beta pelo ka ya pele. Ke ne ke rata ho etsa seo ke neng ke se labalabela. Ha ke qala, ke ne ke nyahama, ke tetebela maikutlo, ke dula ke ferekane, empa jwale, dintho di motjheng.
Dintho di ne di fetohe mohlang ke neng ke tlohela masawana, a ho nna ke tletleba ka hona le hwane, ke nahane hore ho teng mang ya tla hlaha kwana a nthuse hore ke atlehe.
Basotho ba ne ba sa fose ha ba re 'bophelo bo naka di maripa' hobane hore o atlehe, o tlameha ho feta mathateng a maholo. Ntho e thata haholo bophelong, ke ho latela ditoro tsa hao. E ba phephetso e kgolo bophelong."
BONA SESOTHO June 2008
Diaparo: Edgars; mabenyane: Attitude; dibutshi: Woolworths
BONA SESOTHO June 2008
RE LEBELETSENG
Lira o qetella albamo ya hae e ntjha e tla tswa mohla la 1 Loetse. Dipina tsohle tse ho yona o ingoletse tsona ntle ho tse pedi tseo a sebeditseng ho tsona le RJ Benjamin, ya neng a mo ngolle, Iris, albamong ya Feel Good. Nakong eo re neng re qoqa le yena, o ne a ntse a lohotha ka pina e tla phatlalatsa monate wa ho dula Afrika Borwa.
"Pineng ena, ha ke rate ho sebetsa ke le mong, ka hoo, ke tla leka ho ya le dikonsareteng, ke fumane metswako teng. Ke sena seo o ka se lebellang...
E ntse e na le motswako wa Latin American jwalo ka Feel Good.
Ha ho felle moo, o ka lebella ho hong jwalo ka motswako wa Afro ballad - e kang ya Letta Mbuli.
Ha di felle moo, le ba ratang ho tjeka, le bona ha ke a ba siya ka thoko, ke ba nahanetse jwalo ka ha le bona ba tla fumana se ba loketseng."
B0NA LEQEPHE LA KANTLE
Diaparo: Truworths; mabenyane: Attitude; dieta: ke tsa Lira
