Kopo ya ho ngodisa letshwao la kgwebo
Re a tsotella Re ya ikamahanya Re ya sebeletsa
Ditshebeletso tsa batho
Ditshebeletso tsa Mekgatlo
Ditshebeletso tsa dinaha tsa ka ntle
Kgetha puo
Kopo ya ngodiso ya tshireletso ya seqatjwatlhahiso
Kopo ya ho ngodisa letshwao la kgwebo
Kopo ya ho ngodisa tokelo ya boqapi
Kopo ya ho ngodisa moralo
Dintlha tsa boikgethelo
Hatisa leqephe lena
Romela leqephe lena ka e-mail
Iteanye le rona
Mmapa wa saete
Leqephe la ho qala
Ditshebeletso tsa Mekgatlo
Boqapi ba kelello
Ngodiso ya boqapi ba kelello
Kopo ya ho ngodisa letshwao la kgwebo
Kopo ya ho ngodisa letshwao la kgwebo
Letshwao la kgwebo ke lebitso la sehlahiswa, lepetjo kapa letshwao. Le hlwaya ditshebeletso kapa thepa ya motho e mong mme le e etse e fapane ho thepa le ditshebeletso tsa e mong. Mehlala e kenyeletsa:
Letshwao: Letshwao la Nike le kang lena "v", kapa "M" wa MacDonalds
Kahoo lebitso la kgwebo ke lentswe kapa kopanyo ya mantswe (mohlala, Kentucky Fried Chicken). Lepetjo ke mobolelo o mokgutshwane kapa polelo mme letshwao ke setshwantsho kapa letshwao le kgethehileng. A nehelana ka ho hlwaya ho kgethehileng mmarakeng, mme a ka sebediswa ho dihlahiswa esita le ho ditshebeletso.
Ha letshwao la kgwebo (lebitso la kgwebo, lepetjo kapa letshwao) le ngodisitswe, ha ho motho e mong ya ka sebedisang letshwao lena la kgwebo, kapa le tshwanang le lona. Ha sena se etsahala, sephetho e ka ba diqoso tsa molao. Ho kile ha ba le dinyewe tsa molao tse kgolo mona Afrika Borwa jwalo ka ha MacDonalds (USA) a neng a qosa mohwebi wa dijo tse potlakang mona Afrika Borwa ya neng a sebedisa sebedisa letshwao la "M" le tshwanang le la hae.
Fumana foromo ya TM1 mme o e tlatse ka dikopi tse tharo. Dikopi tse pedi ke tsa ho sebediswa ofising mme ya boraro e bolokwa ke wena jwalo ka bopaki ba hao ba kopo.
Lefa tefo ya ngodiso ka pele kapa e romele mmoho le kopo.
Ngola diphahlo tsohle kapa ditshebeletso tseo o ratang ho sebedisa letshwao la kgwebo ho tsona sebakeng sa 57 foromong ya TM1.
Eba sedi ka ho fetisisa hore o se ke wa kenya diphahlo kapa ditshebeletso tsa mefuta e fapaneng tlasa kopo e le nngwe ya letshwao la kgwebo. Ha o etsa jwalo, o tla eletswa ho lokisa totobatso ho kenyeletsa le diphahlo kapa ditshebeletso tsa mofua oo wa totobatso. Bakeng sa tse ding, o tlameha ho kenya kopo e fapaneng botjha.
Sebaka 74 sa TM1 aterese ya tshebeletso" ke aterese eo o tla fumana dikgokahano tsohle tse tswang ofising ya Trade Mark Letshwao la Kgwebo. Ha aterese ena e tjhentjha, o tlameha ho tsebisa Lefapha ka mokgwa o tshwanelehileng ka ho kopa "ho tjhentjha aterese ya tshebeletso" Foromong ya TM2.
Ha kopo ya hao e kgotsofatsa ditlhoko tsohle tse molaong, o tla abelwa letsatsi la kopo le nomoro. Dikgokahano tsohle tse ding le ofisi di tla ba le nomoro eo ya kopo. Leha ho nka dikgwedi tse 18 ho ngodisa letshwao la kgwebo, o ka qadisa ho le sebedisa hang hang ha o fumane nomoro ya kopo.
Ha letshwao la hao la kgwebo le amohetswe ntle ho dipehelo, o tshwanetse ho le bapatsa ho Patent Journal (Jenale ya Tshireletso ya Seqatjwa), e phatlalatswang kgwedi le kgwedi ke Government Printer (Kgatiso ya Mmuso).
Ka mora moo setjhaba se dumelletswe nako ya dikgwedi tse tharo ho kenya dikganyetso.
Lefa bankeng o sebedisa khoutu ya moreki.
Molao o sebediswang
Maemo a tshebeletso
Ho ka nka dilemo tse pedi hore ngodiso ya letshwao la kgwebo e phethahatswe.
Ditjeo
Dintlha tsa bao o ka iteanyang le bona
Provinse:
Toropo:
Mohala:
Aterese ya moaho:
Aterese ya poso:
Letsatsi la ho qetela leo dintlha di lekotsweng butjha ka lona:
Iteanye le rona
Mmapa wa saete
Dipehelo le maemo a tshebediso
