

Kopo ya ho ngodisa letshwao la kgwebo


Tlhaloso

Letshwao la kgwebo ke lebitso la sehlahiswa, lepetjo kapa letshwao. Le hlwaya ditshebeletso kapa thepa ya motho e mong mme le e etse e fapane ho thepa le ditshebeletso tsa e mong. Mehlala e kenyeletsa:

Lebitso la tshebeletso /sehlahiswa: Standard Bank
Lepetjo: "Simpler, Better, Faster" 
Letshwao: Letshwao la Nike le kang lena "v", kapa "M" wa MacDonalds
Sebopeho se ikgethang: Botlolo ya Coca Cola

Kahoo lebitso la kgwebo ke lentswe kapa kopanyo ya mantswe . Lepetjo ke mobolelo o mokgutshwane kapa polelo mme letshwao ke setshwantsho kapa letshwao le kgethehileng. A nehelana ka ho hlwaya ho kgethehileng mmarakeng, mme a ka sebediswa ho dihlahiswa esita le ho ditshebeletso.

Ha letshwao la kgwebo  le ngodisitswe, ha ho motho e mong ya ka sebedisang letshwao lena la kgwebo, kapa le tshwanang le lona. Ha sena se etsahala, sephetho e ka ba diqoso tsa molao. Ho kile ha ba le dinyewe tsa molao tse kgolo mona Afrika Borwa jwalo ka ha MacDonalds  a neng a qosa mohwebi wa dijo tse potlakang mona Afrika Borwa ya neng a sebedisa sebedisa letshwao la "M" le tshwanang le la hae.

Ha o batla ho tseba haholwanyane, e ya go Companies and Intellectual Property Regsitration Office.

Mehato e latelwang

Hokahana le Companies and Intellectual Property Regsitration Office.
Fumana foromo ya TM1 mme o e tlatse ka dikopi tse tharo. Dikopi tse pedi ke tsa ho sebediswa ofising mme ya boraro e bolokwa ke wena jwalo ka bopaki ba hao ba kopo.
Lefa tefo ya ngodiso ka pele kapa e romele mmoho le kopo.
Ho hlwaya mofuta o nepahetseng wa thepa kapa ditshebeletso, e ya ho: Nice Classification - 8th edition. Ho seng jwalo, etela ofisi ya rona e Pretoria.
Tlatsa mofuta sebakeng sa 51 foromong ya TM1.
Ngola diphahlo tsohle kapa ditshebeletso tseo o ratang ho sebedisa letshwao la kgwebo ho tsona sebakeng sa 57 foromong ya TM1.
Eba sedi ka ho fetisisa hore o se ke wa kenya diphahlo kapa ditshebeletso tsa mefuta e fapaneng tlasa kopo e le nngwe ya letshwao la kgwebo. Ha o etsa jwalo, o tla eletswa ho lokisa totobatso ho kenyeletsa le diphahlo kapa ditshebeletso tsa mofua oo wa totobatso. Bakeng sa tse ding, o tlameha ho kenya kopo e fapaneng botjha.
Sebaka 74 sa TM1 . Ha aterese ena e tjhentjha, o tlameha ho tsebisa Lefapha ka mokgwa o tshwanelehileng ka ho kopa "ho tjhentjha aterese ya tshebeletso" Foromong ya TM2.
Ha kopo ya hao e kgotsofatsa ditlhoko tsohle tse molaong, o tla abelwa letsatsi la kopo le nomoro. Dikgokahano tsohle tse ding le ofisi di tla ba le nomoro eo ya kopo. Leha ho nka dikgwedi tse 18 ho ngodisa letshwao la kgwebo, o ka qadisa ho le sebedisa hang hang ha o fumane nomoro ya kopo.
Ha letshwao la hao la kgwebo le amohetswe ntle ho dipehelo, o tshwanetse ho le bapatsa ho Patent Journal , e phatlalatswang kgwedi le kgwedi ke Government Printer .
Ka mora moo setjhaba se dumelletswe nako ya dikgwedi tse tharo ho kenya dikganyetso.
Ha ho na le dikganyetso tse amohetsweng, Registrar of Trade Marks  o bitsa pitso pakeng tsa mokopi le mohanyetsi.
Ha ho se dikganyetso tse amohetsweng, ho ntshuwa Trade Mark Registration Certificate .
Letsetsa mohala ho dti customer contact centre  .
Lefa bankeng o sebedisa khoutu ya moreki.

Molao o sebediswang

Trademark Act, 1993  

Maemo a tshebeletso

Ho ka nka dilemo tse pedi hore ngodiso ya letshwao la kgwebo e phethahatswe.

Ditjeo

R85 bakeng sa ho tsoma matshwao a teng a kgwebo

R266 bakeng sa mofuta ka mong wa letshwao la kgwebo

Diforomo tse tlatsuwang

Application for registration of a trade mark, TM1 
Application, notification or request to the Registrar, TM2 

Dintlha tsa bao o ka iteanyang le bona


