﻿

Thomelo ka elektroniki  ya ditlaleho tsa tshebetso tsa lekgetho le ditefo

Tlhaloso
Mehato e latelwang
Molao o sebediswang
Maemo a tshebeletso
Ditjeo
Diforomo tse tlatsuwang
Dintlha tsa bao o ka iteanyang le bona

Tlhaloso

Electronic Filing  ke e nngwe ya diteko tseo e leng karolo ya Lenaneo la SIYAKHA le ka hara South African Revenue Service . Sepheo sa matla sa e-Filing ke ho lokisetsa balefi ba lekgetho le ditsebi tsa lekgetho ho romela ditlaleho tsa tshebetso tsa lekgetho le ditefo ka mokgwa wa elektroniki.

Nakong ya jwale, ditlaleho tse latelang tsa tshebetso di a fumaneha:

Pay-As-You-Earn  
Skills Development Levy  
Unemployment Insurance Fund  - 
Value-Added Tax  
Provisional Tax  
Request for tax directive 
Request for extensions 
Secondary Tax 
Additional Payments
Request for Tax Clearance Certificate
Transfer Duty
Stamp Duty
Reportable Arrangements
Tax Practitioner Registration
VAT Vendor Search
Personal Income Tax 
Advanced Tax Ruling 

Balefi ba lekgetho ba nehwa monyetla wa ho fumana, ho tlatsa, ho romela le ho lefa ditlaleho tsa tshebetso tsa lekgetho ka dikgoro tse tshepahalang tse sireletshehileng tsa tefo nakong ya dihora tse 24 ka letsatsi.

Balefi ba lekgetho, difeme tsa di-akhaontente le ditsebi tsa lekgetho ba lakatsang ho romela diforomo tseo e leng tsa bona tsa lekgetho, kapa ba romelang diforomo tsa lekgetho lebitsong la basebedisi ba ditshebeletso tsa bona, ba kgona ho ngodisa ho tshebetso ka ho sebedisa Inthanethe. Ha ho na disebediswa tse ikgethang tse hlokahalang – ho hlokahala feela kgokahano ya-web le tshebetso e maemong ya Windows.

Hodimo

Mehato e latelwang

Balefi ba lekgetho ba lakatsang ho romela ditlaleho tsa tshebetso le ho lefa ka elektroniki ba tlameha ho ngodisa ho tshebeletso ya e-filing ya ha SARS.

Eya ho SARS eFiling
Kgetha konopo ya ho ngodisa lehlakoreng la letsoho le letshehadi mme o kgethe mofuta wa ngodiso o loketseng wena.
Hang ha tshebetso ya ngodiso e phethahetse, o tla fumana khoutu e poraefete ya ho fihlella le password ya ho fihlella tshebeletso e fumanehang.
Khoutu e poraefete ya ho fihlella le password di tla ntshuwa feela hang ha molefi wa lekgetho kapa moemedi wa molefi wa lekgetho a netefaditswe ho ya ka dikgato tsa taolo bakeng sa tshaeno ya elektroniki.
Dintlha tse tshwanelehang tsa molefi wa lekgetho di tla netefatswa ka ho bapiswa le tsa database ya sehlooho ya SARS mme molefi wa lekgetho o tla amohelwa jwalo ka mosebedisi wa e-file bakeng sa dihlahiswa tse tshwanelehileng.
Ha ho ntshuwa ditlaleho tsa tshebetso, SARS e tla ntsha ditlaleho tsa tshebetso tsa elektroniki ho tlhophisetso ya tshebeletso ya e-filing ya SARS. Molefi wa lekgetho jwale a ka tlatsa mme a romela ditlaleho tsa hae tsa tshebetso ka elektroniki. SARS a ke ke be a hlola a romela diforomo tsa pampiri ho mosebedisi wa e-File.
Tshebeletso ya e-filing e tla romela kgopotso ho molefi wa lekgetho, mohlomong ka SMS kapa e-meyile, e mo tsebisang hore tlaleho e se e loketse ho tlatswa kapa ho romelwa.
Molefi wa lekgetho o tla sebedisa khoutu ya hae e poraefete ya ho fihlella le password ho fihlella tlaleho ya tshebetso.
Kopo e theilweng ho Web e hlahisa ka ho iketsahalla tlhahisoleseding ya tlaleho ya tshebetso jwalo ka tlalehong ya tshebetso e tlwaelehileng e hatisitsweng. Molefi wa lekgetho jwale o tla tlatsa tlaleho ya tshebetso ho website.
Hang ha molefi wa lekgetho a tlatsitse tlaleho ya tshebetso, tlhahisoleseding e kentsweng tlalehong ya tshebetso e tla netefatswa ka botlalo. Dipalo tsohle di balwa ke tshebetso ho fokotsa monyetla ofe kapa ofe wa ho tsamaisa tlhahisoleseding e fosahetseng.
Molefi wa lekgetho o na le kgetho ya ho lefa ha a romela tlaleho ya tshebetso mme a ka etsa tefo e jwalo nakong efe kapa efe pele ho letsatsi le balletsweng.

Leha tshebetso ena e utlwahala eka ke marangrang, tshebedisong hantlentle e bobebe e bile e a phakisa. Tshehetso e bohole ba founu feela setsing sa rona sa Call Centre  se nang le basebeletsi ba lekaneng le Support Desk  ya ho o tataisa tshebetsong.

Hodimo

Molao o sebediswang

Income Tax Act, 1962  

Hodimo

Maemo a tshebeletso

Ha ho nako e behilweng bakeng sa tshebeletso ena.

Hodimo

Ditjeo

Tshebeletso ke ya mahala.

Hodimo

Diforomo tse tlatsuwang

Tlhahisoleseding ho nehelanwa ka yona kgokahanong ka inthanethe.

Hodimo

Dintlha tsa bao o ka iteanyang le bona


