sotho.828.trivia
KA mora ho atleha ha opereshene ya ho kenyetsa diphio ka 1953 mane Amerika, Christiaan Barnard (Pudungwana 8, 1922 - Loetse 2, 2001) o ne a etse ya pele Afrika Borwa ka 1959 ka ho etsa diteko tsa ho kenyetsa pelo phoofolong.
Barnard o ne a kenyetse pelo ya motho lekgetlo la pele sepetleleng sa Groote Schuur, Kapa mohla la Tshitwe 3, 1967.
Opereshene eo e ne e nke dihora tse robong a thuswa ke abutiae Marius le ba bang ba 30. Motho ya neng a kenyetswe pelo ke Louis Washkansky ya neng a le dilemo di 54. O ne a na le lefu la tswekere mme la pelo lona le ne le phekolehe.
"Ha ho boima ho nka qeto ya ho etswa opereshene ya mofuta ona ha o le lekgatheng jwalo ka monna enwa," ka mora moo, Barnard o ne a ngole pale ka boithaopo ba Washkansky ba ho etswa opereshene.
"Haeba tau e o lelekisetsa lebopong la noka e tletseng dikwena, o ka nna wa ikakgela nokeng ka tshepo ya hore o ka atleha ho sesa o tshelele ka mose wane ho noka." Pelo o ne a e fumane ho Denise Darvall, ya neng a hlokahale kotsing ya koloi mohla la Tshitwe 2.
Dr Marius Barnard o ne a hlalose opereshene ka mokgwa ona: "Chris o ne a dule metsotswana a sheba mme a phahama, a re 'Tjhe e a sebetsa.'"
Washkansky ka mora moo, o ne a phele matsatsi a 18 pele a bolawa ke pneumonia.
Opereshene ena e ne e nkwe e le katleho e kgolo.
BONA SESOTHO December 2008
1967, Tshitwe 3:
Professor Christiaan Barnard o ne a kenyetse motho pelo lekgetlo la pele
BOITHABISO
Dipapadi tsa mefutafuta
DIKGUDU
Dikgudu ke dihahabi tsa lefatsheng tse itshireletsang ka kgaketla direng tsa tsona.
Kgaketla ena e kopane le mmele.
Dikgudu ha di lekane, ho teng tse nyane le tse finyellang boleleleng ba dimitara tse pedi.
Tse tshehadi, di tjheka mekoti eo di behellang ho yona, di behela lehe le le leng ho ya ho a 30. Di atisa ho behela bosiu mme di kwahele mahe ao ka lehlabathe. Mahe ao a siuuwa moo mme a nke matsatsi a 60 ho ya ho a 120 pele a qhotswa.
Dikgudu tsena di ja dimela.
Tse ding dikgudu ho bolelwa ha di phela dilemo tse fetang tse 100. Ka lebaka lena, di nkuwa e le letshwao la bophelo bo bolelele jwalo ka mane China.
Tsohle ka...
Bontsha tsebo ya puo ya hao. Setshwantsho ke mohlala, ke eng eo o e bonang?
"Mpa ya motho e mela lera le letjha matsatsing a mang le a mang a mararo"
NTLOKGOLO ya sona e mane Parow, Kapa, Ajax CT e ne e thehwe ka 1999, ho kopangwa Seven Stars le Cape Town Spurs, nakong eo sehlopha sa Holland sa AFC Ajax e namelang le dinaheng tse ding.
Ajax CT ha a e kaba ya atleha ho fihlela ka 2006/07 nakong eo e neng e kwetliswa ke Muhsin Ertuğral, moo e neng e qete selemo e le boemong ba bone lokong ya PSL. E ne e hape le Mohope wa ABSA ha e ne e hlola Sundowns ka 2-0 ho makgaolakgang.
Ka Pherekgong 2007, Ajax CT e ne e hlole sehlopha seo e neng e tswa ho sona ka 3-1 papading ya setswalle.
Craig Rosslee ke yena mokwetlisi ha jwale.
Dintlha tse ngata tseo Ajax e kileng ya hlola ka tsona ke 5-1 ha e ne e hlola Moroka Swallows ka 2006. Tse ngata tseo ba hlotsweng ka tsona tsona ke 6-0 ha ba ne ba hlolwa ke Orlando Pirates ka 2004.
Clifford Ngobeni wa Ajax Cape (o ne a hlahe mohla la 27 Phupjane, 1987, Soweto, Gauteng) ha jwale o ditekong ho AFC Ajax.
NA O NE O TSEBA
Motho a le mong ho ba 20 o na le kgopo e le nngwe ho feta palo e tlwaelehileng
Marangrang a ditshwantsho
Setshwantsho ke mohlala wa seo o tlamehang ho se ngola masakaneng.
Ena ke kgwedi ya bo 12 ya selemo, e leng ya ho qetela almanakeng ya Gregory mme ke e nngwe ya tse supileng tse nang le matsatsi a 31. December o tswa lebitsong la Selatini decem, le bolelang leshome hobane e ne e le ya leshome almanakeng ya Maroma. Mona ka borwa, ke kgwedi e matsatsi a malelele selemong.
Nalane ya Afrika Borwa
1956
December 5: Baipelaetsi ba 156 ba ne ba tshwarwe mme nyewe ya bona e ne e nke dilemo tse nne mane Drill Hall, Joburg.
1961
December 16: Umkhonto we Sizwe e ne e thehwe.
1962
December 10: Martin Luther King le Morena Albert Luthuli ba ne ba thakgole letsholo la ditokelo tsa botho mme ba ipiletsa twantshong ya "Kgenthollo."
1996
December 10: Molaotheo o motjha o ne o pasiswe.
2007
December 18: Jacob Zuma e ne e be mookamedi wa ANC.[s]
BONA SESOTHO December 2008
