sotho.692.crying
Ha lesea le tefa
Motswetse ha lesea le lla, o tseba hantle hore ho na le se sa lokang, ebe keng jwale" Ka nako e nngwe molaetsa ha o totobale hantle
e bokeleditswe ke PRIMROSE WILLIAMS
setshwantsho ka GREAT STOCK!
N
ERE KA HA lesea ha le tsebe ho bua, ho tefa le ho bokolla ke ona feela mokgwa wa ho hlahisa tletlebo ya lona kapa hona ho kopa thuso. Motswetse o phakisa ho hlokomela hore seo seboko se bolelang - a kgone ho le thodisa hanghang ka ho phakisa ho etsa seo le se batlang pele le halefa. Leka ho shebisisa tsena tse latelang ha lesea la hao le bokolla...
'Ke lapile'
Lesea le lla ka mokgwa o mong ha le lapile. Boiphihlelo ba hao bo tla o thusa ho hlokomela seo. Ha le lapile, le bokolla le bile le bula molomo kapa le nyanya menwana kapa le leka ho phopholetsa letswele. Ho a thabisa ho fepa lesea ka nako pele le lla.
'Ke batla ho bohla'
Athe ha le lla le qeta ho ja teng, hangata le bontsha hore le pipitletswe mme jwale le kopa ho thuswa hore le bohle. Le behe lehetleng o ntano le sidila ka mokokotlong.
'Ke metsi'
Masea a mang ha a senye nako ho bolela hore a metsi, a batla ho tjhentjhwa leleiri athe a mang ha a na taba leha a se a ithomme. Le mona o tla kgona ho bona hore jwale lesea la hao le batlang. Leleiri le metsi kapa le nang le mantle le phumula lesea mme le le utlwise bohloko. Ho dula o le tjhentjha kgafetsa ho thibela ho phumuha mme lesea le kgona ho dula le thabile.
'Ke hatsetse'
Masea a thabela ho dula a futhumetse, ke ka hona e reng ha a hatsetse, jwalo ka ha o le hlobodisitse hore le hlape kapa o le tjhentjha, le o bontsha hore ha le rate ka ho bokolla. Ha ditsebe, nko le molala le tsona di bata ha o di thetsa, tseba hore le fela le hatsetse e le kannete. Leha ho le jwalo, se le tentshe tlolo ya molao hobane le tla boela le tletleba. Ha le atise ho tsetsela haholo ha le fufuletswe jwalo ka ha le hatsetse empa ha molala kapa ka mora tsebe ho ena le mofufutso, tseba hore le tenne diaparo tse futhumetseng tlolo.
'Ke kgathetse'
Leha masea a rata ho tsotellwa haholo empa ka nako e nngwe le leng le ka qetella le se le halefile haholo e le hore le kgathetse.
Eya le lona sebakeng se phodileng moo o tla kgona ho le koeetsa hantle, o le binele, o le sidile ka mehetleng kapa o le bidikise hodima hao. Empa ha seo sohle se sa o tswele molemo, ho le hlapisa ka metsi a fofo ho ka boela ha kgatholla mmele wa lona.
'Nthabise'
Ebe lesea le dibeke di tsheletseng le ka ba le bodutu" E. Dipatlisiso di bontshitse hore masea a batla ho phela le batho. Ka nako e nngwe le tsetsela feela hobane le batla ho o bona kapa hore o le tjhentjhe lehlakore. Le binele kapa o le paqamise sebakeng se sele hore le se kgathale ke ho bona ntho e le nngwe.
'Ke a tshaba'
Di ngata dintho tse ka tshosang leseanyana la hao. Le ka nyaroswa ke lerata mme la bokolla kapa ha le sisinngwa ka matla le sa lebella.Ka nako e nngwe le tla tshaba batho ba bang kapa tsona diphoofolo. Le behe sefubeng ho wena. Ho ba haufi le wena ho tla le thusa hore le ikutlwe le bolokehile.
'Ho bohloko'
Ha le se le bokolla ha bohloko, ho ebe ho totobetse hore le a opelwa. Le hlahlobe hore ebe le sa ntse le paqame hantle kapa tjhe kapa e sebe diaparo di sothehile di le utlwisa bohloko kapa le hlajwa ke sepelete sa ho tlama leleiri kapa le tlanngwe ha bohloko ke kgwele ya kobo. Ha le ntse le bokolla o sa bone lebaka, le hlobodise o bone moo molato o leng teng.
O maketse jwale
O fepile lesea le kgotshe, le bohlile, le tjhentjhilwe leleiri, o sa tswa le hlapisa, ha le kule empa le ntse le tefa. Ebe ho senyehile kae jwale"
Ha lesea le ntse le se na kgotso le ka mora ho netefatsa hore le tshwarehile hantle, e ka nna ya ba le pipitletswe.
Le pipitlelwa ho tloha le le dibeke di pedi ho ya ho tse tharo feela le hlahile mme maemo a mpefale haholo ha le fihla dibekeng tse 6. Tse monate ke tsa hore ana mathata a a fela ha le fihla dibekeng tse 16 tsa ho hola.
Mohlomong seboko sena se ba teng ka nako e tshwanang kamehla. Ka nako e nngwe ho lla hona ho qetella ho entse hore le tlale moya ka mpeng e leng se etsang hore le pipitlelwe hape, le boele le bokolle le ho feta. Ka nako e nngwe ho tlama lesea matshwafong ho ka thusa.
Ka nako e nngwe le thabiswa ke ho petjwa le ho sidilwa ka mokokotlong.
Bososela hle, mme
Ka nako e nngwe lesea le etsa o qetelle o le tlasa kgatello. Masea a kgona ho o utlwa ka moo o ikutlwang ka teng mme le ona a kgathatsehe, a tefe. Ha o thabile, o lokolohile, le lona le ba jwalo.
Ha se hangata lesea le llang haholo jwalo ka ha le etsa ha le sa tswa hlaha. Ha le ntse le hola, le ya le natefelwa ke ho bona dintho tse ding mme ha le qeta selemo teng, le be se le ena le mekgwa e meng ya ho hlahisa maikutlo a lona, le sa sebedise ho lla feela.[s]
gweee!
BONA SESOTHO - March 2006
u
t
BONA SESOTHO - March 2006
Na le a kula"
ATHE ha lesea le dutse le tefile teng, ho ka nna ha etsahala hore ebe le a kula. Ho bonolo ho hlokomela ha le tshwerwe ke mokgohlane, hobane o tsamaisana le mamila a mangata le motjheso. Buisana le ngaka kapa le mooki o utlwe hore o ka le thusa jwang.
Tshwaetso ya ditsebe ke e nngwe e ka opisang ditsebe tsa lesea ka tsela e tshabehang. Ho tefa le ho hlobaela ke tse ding tsa dintho tseo o ka bonang ka tsona ha lesea le ena le tshwaetso.
Athe ha le le dikgwedi di mmalwa teng, ha le lla le hula tsebe ha bohloko ka nako e nngwe. Mokgwa o mong feela o ka thusang lesea la hao ke hore o le ise ngakeng kapa tliliniking. Mohlomong o tla be a se a kile a hlajwa nale ya pele ka nako eo mme mmele wa hae o bontshitse hore o nka nale jwang.
Hangata, masea a qala ho medisa a le dibeke di 10 mme ke nakong ena moo hape a tefang haholo haholoholo ha a utlwa bohloko nakong eo a lekang ho hlafuna. Ka nako eo meno a tswang, marenene a ruruha a be mafubedu mme ke hona nakong ena moo le mmele o qetellang o tjhesa haholo.
Le tla ba le diqenqe, le budule mathe mme le hlobaele. O ka le rekela moriana wa ho medisa o sidilwang mareneneng le ho hong ho hlafunwang kapa o mo nehe leha e le sehwete kapa dibiskiti tse thatana.
Na ho tefa ha lesea ke sesupo sa mathata" Ha se hangata empa ha le tefa le bile le ena le mokgohlane, le le pelo e ntsho, le hlatsa, le tsholla, le kgophohile, le sataletse molala, le kgohletse le phuana, le tshaba kganya, tseo tsohle ke disupo tsa hore le a kula.
Leka ho le potlakisetsa ngakeng kapa tliliniking hobane maemo a ka mpefela haholo ha lesea le sa le lenyenyane.
