sotho.504.trivmay
Hlahloba tsebo ya hao...
BONA SESOTHO - May 2008
1. Ke se fe sehlopha se neng se thehwe ke Ishmael Lesolang, Strike Makgatha le Johnny Kubheka mohla la Mphalane 10, 1947?
A) Moroka Swallows.
B) Lamontville Golden Arrows.
C) Orlando Pirates.
2. Bolong: Wayne Roberts, Musa Otieno le Mogogi Gabonamong ba bapalla sehlopha se fe?
A) Moroka Swallows.
B) Santos Football Club.
C) Jomo Cosmos.
3. "Re kopane ntshetsopeleng" ke lepetjo la toropo e fe Afrika Borwa?
A) Johannesburg.
B) Tshwane.
C) Bloemfontein.
4. Bela Bela e Limpopo e tsebisahala ka la...?
A) Nylstroom.
B) Warmbaths.
C) Pietersburg.
5. Kremlin e fumaneha toropong e fe Russia?
A) Odessa.
B) Leningrad.
C) Moscow.
6. Ke masepala o fe ya ruileng ya neng a thehwe ka ho kopanya Sandown le Bryanston?
A) Kempton Park.
B) Soweto.
C) Sandton.
7. Golden Gate Bridge e fumaneha toropong e fe Amerika?
A) Los Angeles.
B) San Francisco.
C) New York.
8. Toropo ya Sabie, Waterval Boven le Badplaas di fumaneha lebatoweng le fe Afrika Borwa?
A) Mpumalanga.
B) KZN.
C) Free State.
9. Ke naha e fe Afrika e neng e fumane boipuso mohla la Hlakubele 6, 1957?
A) Kenya.
B) Uganda.
C) Ghana.
10. ... mme mookamedi wa pele wa naha eo ke?
A) Kenneth Kaunda.
B) Kwame Nkrumah.
C) Julius Nyerere.
11. E na le boya, e bolele ba 1,3cm. E a fofa, e rata tswekere. E a loma, e be e shwe. Re bua ka eng?
A) Notsi.
B) Mamodukule.
C) Seboba.
12. Ke mang ya neng a tume ka pina ya Don't Worry, Be Happy ka 1988, a ba a hapa kgau ya Grammy ya ho ba Pina ya Selemo?
A) Michael Jackson.
B) Bobby McFerrin.
C) Herbie Hancock.
13. Ke efe toropo eo ho so kang ho bapallwa diolimpiki ho yona?
A) Antwerp.
B) Montreal.
C) New York.
14. Ke e fe toropo ya Afrika Borwa e 33°57'29"S, 25°36'00"E, 770km ka botjhabela ho Kapa?
A) Port Elizabeth.
B) George.
C) East London.
15. O di fumana kae "Pyramids Of Giza"?
A) Peru.
B) Ekgepeta.
C) Isiraele.
DIPOTSO
BOITHABISO
DIKARABO: 1/A; 2/B; 3/A; 4/B; 5/C; 6/C; 7/B; 8/A; 9/C; 10/B; 11/A; 12/B; 13/C; 14/A; 15/B.
Bopa lentswe
Sheba hore o ka bopa mantswe a makae a Senyesemane a tlhaku di nne kapa tse hlano mantswe a ka masakaneng. Tlhaku e kgubedu e bohareng e be teng mantsweng ohle. Ka hoo, sheba hore o ka bopa lentswe o sebedisa ditlhaku tseo. Tlhaku e sebediswe ha nngwe feela.
Dinoha, dinoha, dinoha feela!
"Re robala le dinoha, re ja le dinoha, re phela le dinoha, ha re di tshabe," ho bolela ngwanana ya dilemo di 14 wa motsana o haufi le Calcutta, India, a bua ho Wall Street Journal.
"Ha ke qala ke robala betheng, moswa o hlwella hodima ka, empa o se ka wa ntematsa," ho rialo e mong wa baholo ba motseng oo.
E ka hodimo ho 3 000 meswa e phelang hara motse oo mme ha se hangata e lematsang batho hobane e iphelela le bona ka kgotso. Ha ho etsahetse, ya loma motho, setjhaba
se dumela hore medimo e tla fa mathuela matla a ho mo alafa.
Meswa e ratwa haholo ke batho ba motseng oo mme matswantle a bolela ha e loma jwalo ka ha ona a kgollwa hore dinoha tseo di na le meya a mebe.
Dipapadi tsa pele tsa diolimpiki di ne di bapallwe naheng ya Athens, Greece, ka 1896.
E, empa e hlile ke ya ka?
Ho hapa kgau ya Oscar ho ka o kgothatsa mosebetsing wa hao wa difilimi. Motho ohle o tseba seo! Seo batho ba sa se tsebeng ke hore ho tloha ka 1950, bahlodi ba kgau ena ha ba a dumellwa ho e rekisetsa mang kapa mang pele ba ka qala ka ho e rekisetsa beng ba yona ka $1. Haeba mohlodi a hana ho etsa jwalo, beng ba yona ba a e nka.
Dikgau tse se nang dipehelo tse kang tsena, di rekiswa fantising le setjhabeng ka dimilione tsa diranta.
u
CANGO CAVES
Mahaha a bitswang Cango Caves a ne a fumanehe dilemong tse dimilione tse 4 500 tse fetileng! A mane tlasa thaba ya Swartberg, haufi le toropo ya Oudtshoorn mane Kapa Bophirima.
Leha a le bolelele ba sebaka sa 4km, empa ke kotara feela ya sebaka seo moo batho ba dumeletsweng ho etelwa teng.
Haesale a tsebisahala ho tloha dilemong tsa bo 1700 mme matshwao a ntshing tsa ona, a bontsha hore ho ne ho le teng batho ba neng ba phela ho ona mehleng ya kgalekgale.
Dipapadi tsa mefutafuta
Hlahloba tsebo ya puo ya hao. Setshwantsho ke mohlala, ke eng seo o se bonang?
BONA SESOTHO - May 2008
t
Hlahlamanya mantswe ana ka nepo.
BONA SESOTHO - May 2008
Tshukudu
Re nahana hore tshukudu ke phoofolo ya Afrika. Empa nnete ke hore ditshukudu di fumaneha le dihaneng tse ding tsa lefatshe...
Ditshukudu tsa India Mane India di a fumaneha mme ho behwa ha tsa teng e le tsona tse dinaka di kgolo ho di feta mme di fumaneha Nepal le Assam mane India.
Ditshukudu di a fumaneha Pakistan, Burma esitana le China. Le tsona jwalo ka diphoofolo tse ding, di fokotsehile jwalo ka ha batho ba ntse ba ata.
Letlalo la tsena tsa India, le morumo haholo le bile le mahwashe.
Ka boholo, di ntse di lekana le tsena tsa Afrika jwalo ka ha e tona e le boima ba 3 000kg tse tshehadi tsona e le 1 500kg.
Di na le lenaka le le leng le fihlellang boleleleng ba 100cm.
Ditshukudu tsa Java
Tsena ke tse ding tsa dibata tse kotsi lefatsheng ka bophara. Ho ya ka dipalopalo tsa 2002, ho nahanelwa ha ho se ho setse tse ka bang 60 feela mane Java (Indonesia) le Vietnam.
Le tsona di na le lenaka le le leng, boya bo bonyane le letlalo le morumo.
Tse kgolo di boima ba 1 000kg mme ke tse tona feela tse nang le manaka.
Ditshukudu tsa Sumatra
Tsena di mmalwa haholo mme di na le boya bo bongata hape di fumaneha haholo Borneo mane Sumatra.
Tsena ke tse ding tsa diphoofolo tse mmalwa haholo lefatsheng - mme ho nahanelwa ha ho setse tse ka bang 300 feela.
Tshukudu e kgolo ya Sumatra e bophahamo ba 130cm le boima ba 700kg.
Jwalo ka diphoofolo tsohle tsa Afrika, le tsona di na le manaka a mabedi, mme le leholo e le lena le ka pele. [s]
Thatolla
BOITHABISO
TSA LEFATSHE
Ha o se na kgotso ho wena, ha ho moo o tla e fumana teng.
Marvin Gaye
Ha re bineng
Tsela ya ho tlosa lehlabathe la lewatleng maotong
KE MANG ENWA?
LEHLABATHE la lewatleng ekaba mathata. Le kena hohle! Empa jwale o ka makatsa metswalle ya hao ka ho tlosa lehlabathe lena le manamang, le letswai ka potlako pele o kena koloing kapa tekesing.
Seo o tlamehang ho se etsa, ke ho tsamaya o tshwere powder ya masea mokotleng wa hao.
Ha o se o batla ho oroha, fafatsa powder ka letsohong mme o e tlotse hohle moo ho nang le lehlabathe teng. Powder ena e tla monya mongobo o saletseng mme lehlabathe lona le tla itlohela. Maoto le ditlhafu tsa hao jwale di tla sala di hlwekile di nkga ha monate ka lebaka la powder ena!
Raúl Castro
MOPRESIDENTE e motjha wa Cuba, Raúl Modesto Castro Ruz, o hlahile mohla la 3 Phupjane, 1931. Ke kgorula lapeng labo la bashanyana ba bararo. Ka 1953, o ne a thusetse Fidel ha ba ne ba hlokofatsa Moncada Barracks, tekong ya bona ya ho ketola mmuso wa Fulgencio Batista. Morero wa bona o ne o nyope mme Raúl le abutiae, ba ne ba ahlolelwe dikgwedi tse 22 tjhankaneng.
Ka 1955, ba ne ba lokollwe mme ba leba Mexico moo ba neng ba kopane le "Che" Guevara eo e neng e be motswalle e moholo wa Raúl, mme le yena o ne a tle ho tla ba thusa mmomoring oo wa bona.
O ne a kgethelwe ho ba Letona la Sesole ho tloha ka Mphalane 1959. A kotsomale setulo seo ho fihlela ka Hlakola 2008.
O ne a roriswa ka ho kgothaletsa abutiae ho tlisa diphetoho ho tsa temo, e leng se neng se nyolle dijo Cuba ka mora ho ba thuso e neng e tswa mmusong wa Russia e fele.
Mohla la 24 Hlakola, 2008 Palamente ya Cuba e ne e kgethe Raúl jwalo ka mopresidente. Raúl o ne a tshetlehe puo ya hae ka mora moo.
Leha Fidel Castro a tumme naheng ya hae ka puo e telele, empa Raúl yena ha a tshetleha puo, ha a tlose mahlo a hae pampiring eo a e balang. [s]
Pina ya pele ya e nang le morethetho o re o bitsang wa rap kajeno, o ne o hatiswe pele ho mmino wa hip-hop kapa ona wa rap o tlwaeleha haholo. Pina eo ke Here Come The Judge. E ne e hatiswe ke rametlae, Pigmeat Markham ka 1968. E ne e be boemong ba bo 19 naheng ya Amerika le UK selemong seo.
BONA SESOTHO - May 2008
Batla lentswe
Fumana lentswe ka ho bala o lebisa pele, morao, hodimo, tlase kapa o tshekalla. Tsikeletsa lentswe leo o le fumanang mme o le hlakole lenaneng la a ka thoko.
