sotho.431.bread
Thabisa ba lelapa ka monko wa masutsa a bohobe boo o ipaketseng bona lapeng
diresepe le setaele ka GEMINI FOOD PROMOTIONS
ditshwantsho ka KIM THUNDER
No-knead Wholewheat Bread
Disebediswa
1 pakana (1kg) wholewheat flour
1 kgabana (5ml) letswai
1 pakana (10g) instant yeast
1/4 kopi (60ml) oli (ha o rata)
4 dikopi (1 litara) metsi a fofo
1/2 kopi (125ml) raisins (ha o rata)
Mokgwa
1. Kopanya folouru le letswai. Fafatsa tomoso ka hodimo.
Tshela oli, metsi le morara. Duba hantle ka kgaba ya lepolanka.
2. Tshela hlama ka hara di-loaf tin tse pedi tse tlotsitsweng ka mafura. Kwahela ka pampiri ya clingwrap o e behe mofuthung hore e kokomohe.
3. Baka ontong eo e leng kgale e besitswe ka mofuthu wa 180oC metsotso e 40 (ho fihlela bo utlwahala ekare bo lephaka ho o bo phaphatha).
4. Bo ntshetse rakeng. Bo fodise hanyenyane pele bo jewa.
E etsa dilofo tse 2
Ditjeho: R7,65
Potato And Cheese Bread
Disebediswa
2 dikopi (500ml) self-raising flour
3 ditapole tse ebotsweng tsa kereitwa
2 dikgabana (10ml) letswai
1 1/4 dikopi (310ml) Cheddar cheese, e kereitilweng
1 lehe
5 dikgaba (75ml) lebese
Mokgwa
1. Kopanya folouru, ditapole, letswai le kase. Di kopanye hantle ka fereko.
2. Fehla lehe le lebese o tshele motswakong. O dube hantle ho etsa hlama.
3. Ntshetsa hlama letlapeng le tlotsitsweng hanyenyane ka folouru o e dube hantle. Bopa dibolwana o di behe hodima baking tray e tlotsitsweng ka mafura. Di tlotse ka lebese. Etsa dikwere ka hodima ka thipa e bohale.
4. Baka ontong ya mofuthu wa 180oC metsotso e 45-50.
E etsa lofo feela
Ditjeho: R10,15
Extra Special Beer Bread
Disebediswa
1 kgaba (15ml) oli
1 eie e kgabetsweng,
1 green pepper,
e kgabetsweng
1 pakana (500g)
self-raising flour
1 kgabana (5ml) letswai
1 x 340ml kotikoti ya biri
1/2 kopi (125ml) Cheddar cheese,
e kereitilweng
Mokgwa
1. Futhumetsa oli, o hadike eie le green pepper. Di tlose mofuthung.
2. Sefa folouru le letswai mmoho. Tshela biri o dube. (Ha e le thata, tshela metsinyana.) Tshela eie le green pepper le kase.
3. E kenye ka hara loaf tin e tlotsitsweng ka mafura o bake ontong ya 180oC hora kapa ho fihlela bo butswa.
4. Bo tlohele bo folle ka paneng pele o bontsha.
Bo ka jewa bo tjhesa kapa bo bata.
E etsa lofo feela
Ditjeho: R9,18
Texan Corn Bread
Disebediswa
1 kopi (250ml) folouru
1 kopi (250ml) phofo ya poone
1 kgaba (15ml) tswekere
1 kgaba (15ml) baking powder
3 mahe a fehlilweng
3/4 kopi (185ml) fat free milk
2 dikgaba (30ml) mafi
4 dikgaba (60ml) oli
3/4 kopi (185ml) poone
e ka dikotikoting
1 red pepper e kgabetsweng
1 red chilli e kgabetsweng
1 eie e kgabetsweng
curry powder
Mokgwa
1. Kopanya folouru, phofo ya poone, tswekere le baking powder mmoho.
2. Tshela mahe, lebese, mafi le oli bohareng ba phofo o dube. Qetella ka ho tshela poone ya dikotikoti, pelepele le eie.
3. Tshela hlama ka hara pane ya ho baka ya boholo ba 30 x 20cm. Fafatsa le curry powder. Baka ontong ya mofuthu wa 180oC metsotso e 35.
4. E fodise hanyenyane pele o e seha dilae.
Ditjeho: R12,78 [s]
Masutsa a
bohobe
BONA SESOTHO - May 2007
Extra Special Beer Bread.
Re qetile nako e ngata kitjheneng, mathata a manyane, a ka fetoha mathatahadi. Ke ana maano a ka o bebofaletsang bophelo
Ho bula dikwahelo
Ho thata ho bula sekwahelo sa botoro" E re re o thuse!
Baetsi ba dibotlolo ba etsa dikwahelo tsa tsona di kgone ho kwaleha ka mokgwa wa hore ho se kene moya le hore dijo di dule di le foreshe nako e telele. Ntho ena e thibelang hore ho se kene moya, ke yona e etsang hore botlolo e se bulehe ha bonolo.
Ho na le ditsela tse pedi tsa ho bula. Tshela metsi hodima sona. Ya bobedi, o ka nka kgaba ya thupa kapa thipa, o otle sekwahelo sena mahlakoreng. O ka leka ho e bula ka lesela le mongobo.
Ho tlhotla lamunu!
Ha ho monate o fetang ho tlhotla lamunu e le hore o tsebe ho natefelwa ke lero la yona. Haeba o rata dilamunu, ke ona mokgwa o bobebe wa ho di tlhotla...Pele o ka tlhotla lamunu, qala o e inele metsing a tjhesang metsotso e 15. O tla makala ka moo e tlang ho sisa ka teng.
Ha o batla ho fafatsa tlhapi ka lamunu, qala ka ho e ranthanya ka fereko pele, ho seng jwalo, e tla farasa motho ohle. Ho bobebe ha jwalo feela!
Hlwekisa poone
Poone e besitsweng e monate haholo ha e bile e tlotsitswe ka botoro. E a latsweha! Empa he ho na le poone ena e tsamayang e o kena menong, o ka rarolla bothata boo ka hore o qale o kenye poone eo ka metsing mme o e hohle ka borashe pele o e besa.
Tamatisoso
Bana ba rata Tamatisoso... Empa he mathata ke hore ha e tshelehe ha bobebe, ba e ba qetelle ba se ba sebedisa kgaba. Se etsang hore e se ke ya tswa ha bobebe, ke bokahare boo ba botlolo. Ho ka qoba mathata ana, kenya straw kapa thipa lehlakoreng. Ho bonolo jwalo
feela! [s]
Thuso ya kitjheneng
BONA SESOTHO - May 2007
