sotho.3030.yourworld_tvguide
NAKO YA TV!
E NTJHAFADITSWE
Isaiah Washington eo e leng sebapadi sa dipale o bua ka karolo ya ho ba mmolayi eo a e bapalang paleng ya Romeo Must Die, eo e leng phetolelo e ntjha ya pale ya Shakespeare ya Romeo And Juliet. (Tshitwe 29, 8pm, SABC1)
O nahana hore filimi ena e tshwana hantle le buka ya Shakespeare ya Romeo and Juliet"
Ho bonahala e ka ho tsamailwe ho qotswa dibukeng tse kang Othello, Julius Caesar le tse ding tse ngata.
Ekaba karolo ya sebapadi sa bolo Jet Li e a qabola"
E, ho jwalo. Jet ke motho ya qabolang, ya mosa, e tla ba naledi.
Filimi ena e bua ka twantshano pakeng tsa meetlo e mmedi. O ka reng ka mahlaso ao a dipina tsa hip-hop.
A monate haholo. Hip-hop ke indasteri e nang le dibilione tsa tjhelete mminong. Dibini tsa hip-hop di kenya difaha tsa mabenyane tse bitsang moputso wa beke kaofela bathong ba bang. Ona ke o mong mokgwa o babatsehang wa ho bapatsa oo molaodi wa filimi ena, Joel Silver a reng ba bangata ha ba o hlokomele.
E QOTSITSWE:
www.asianconnections.com
THE INCREDIBLES (Tshitwe 26, 7.30pm, SABC3)
Lentswe la mokaubere wa Hollywood, Samuel L Jackson le utlwahala filiming ena. Banyalani ba babedi ba tlameha ho beha meja fatshe ba iphelele bophelo bo tlwaelehileng ka lebaka la dikoloto. Ka mora moo ba a thaba ha ba bitsetswa mosebetsing ho tla pholosa lefatshe hape.
SEO O KA SE SHEBELLANG
DON'T BE A MENACE (Tshitwe 12, 10.15pm, SABC1)
Bara ba ha Wayans ba etsa seo ba se tsebang - ba natefisa difilimi tse ding. Kgetlong lena ba hlahella filiming ya Boyz n the Hood and Juice. Ashtray (Marlon Wayans) o boela lapeng mme o thabela ho kopana le ntatae le metswalle ya hae.
PEARL HARBOR (Tshitwe 13, 10pm, SABC1)
Ho futuhelwa ha Japan koung ya Pearl ho totobetse hore ke mosebetsi wa Rafe le Danny bao e leng baetapele ba sesole, e bile e le metswalle. Eitse ha Rafe a thunngwa a idibana, ke ha Danny a nanarela kgarebe ya hae, Evelyn. Ho tla etsahalang ha Rafe a hlaphohelwa"
TSEO O KA DI SHEBE-LLANG
Lebella se tla o makatsa
Dipale tsa marato kgweding ena: Ba bang ba na le mabaka a ho keteka, ha ho ba bang seo e ka ba mohlolo.
Mamokete o a hlonama ha a utlwa hore Jacob o kula haholo le hore o tla hlokahala ha a sa etswe opereishene. Suffocate o thabela ho fihla ha Pule, empa ho ne ho phakise ho hlaka hore Pule ha e sa le moshemane ya monyane eo Suffocate a neng a mo rometse sekolong sa poraefete.
Mantaha - Labohlano, 6.30pm, e-tv
Mmbangiseni ha a thabe ha Peter a tlisa ditokomane tsa tlhalano. E nngwe taba ntle ho moo, diabo tse ngata di mokotleng wa letlole la Dakalo. Mampho yena o lehlohonolo o lekile ho theha kgotso pakeng tsa hae le Miriam mme ba qala ho tshwarelana. Mantaha ho ya ho Labone, 9pm, SABC2
Samuel ha ho kgefutso, o maphathephathe ka ditlhophiso tsa mokete wa Khaphela wa ho tswa bosoweng, ha a na le tjhelete. Glayds o thabela motho ya itseng. Ebe Khethiwe o tla amohela memo ya Khaphela
Mantaha - Labohlano, 8pm, SABC1
Ho boima ho Daniel ho pata pinyane ena ya hae. O tla etsa jwang ha Nadia a utlwa hore masalla a Leticia a moo jareteng ya hae" Palesa ha a na lehlohonolo; Lefa o hlahisa ditaba tsa ngwana eo a neng a mo fumane pele ho lenyalo, mme Palesa o a kgathatseha.
Mantaha - Labohlano, 7.30pm, e-tv
DIFILIMI TSA MARATO
TSE PELE
Khaso e ikgethang Keresemeseng ena
Shebella mokete wa Miss SA ka ho otloloha ho tswa Sun City Superbowl. Lebella ntho e ntle haholo ho tswa dibining le dinaleding tsa rona tsa Afrika Borwa
Bahlophisi ba Miss World ba ratile Afrika Borwa haholo ngwahola, mme ba kgutlisetsa mokete ona kwano le monongwaha. Se fetwe ke bokgabane le botle bona.
Lotho ya dihlopha tse 32 tsa ho qetela tse tla nka karolo Mohopeng wa Lefatshe wa 2010 wa FIFA e tla etswa kgweding ena mane Cape Town International Convention Centre mme e tla bontshwa lefatsheng ka bophara.
E tsheheditswe ke Cell C mme World Gospel Powerhouse, ke lenaneo le nehang setjhaba monyetla wa ho kgetha sebini sa bona sa bodumedi. Sheba hore ke mang mohlodi.
SABC e se e le nako e telele e re tlisetsa mmino o monate wa Joyous Celebration. Selemong sena e re tlisetsa tsa moraorao ho re boloka re tsoseletsehile moyeng Keresemeseng ena. [s]
E bokeleditswe ke: Ntokozo Maseko
