sotho.2196.python
Dihahabi dijong
KA bobedi ba tsona di dilemo di pedi feela mme motho ohle ya tlang moo ho tla reka biri, ha a di natse. Di fetjwa ha nngwe ka mora matsatsi a leshome mme phofu ya teng ha e kgone ho baleha. O ka lebella hore Houdini le Cecilia ba ka hlabehiswa ke seo, empa ha ho jwalo.
Houdini le Cecilia ke ditlhware. Ka bobedi, di boima ba 45kg mme di bolelele ba dimitara tse tharo.
Mohlomong e tla re di tsofala, ka dilemo tsa bo 2030, di tla be di le boima bo fihlellang ho 100kg le bolelele ba dimitara tse hlano!
"Ke dihahabi tse bonolo," ho rialo Craig Exall, ya bolokileng dihahabi tsena ka hara tanka mane lebenkeleng la hae le rekisang jwala hona mona Thekong. "Ke dilemo di leshome jwale ke ruile ditlhware tsena, empa di sa ntomme habedi feela. Ka bobedi ba ona makgetlo ana, e ne e le nna ya phoso hobane ke ile ka se natse tlhokomediso ya tsona.
"Ha di se di halefile, di a sotheha mona molaleng mme mesifa ya teng e satalle. Ho molemo ho di siya di le notsi letsatsi kaofela kapa a mabedi."
Craig ka nako e nngwe o otlolla maoto le tsona moo mabenkeleng a Yellowwood Park haufi le lebenkele la hae. Ke tlameha ho botsa potso e hlakileng - o otlolla maoto jwang le dihahabi"
"Ke di tlama ka thapo," ke yena eo. "O tlama thapo, o tsamaye le yona." Ha jwalo feela, Ke ntho e ka etsahalang.
Dihahabi tsena ha di atise ho tshoswa ke dikoloi tse fetang, empa batho ba fetang ke bona ba dutseng ba tshohile ha ba bona dinoha tsena tse bolelele ba dimitara tse tharo di itsamaela.
Princess Sikotoyi, o sebetsa lebenkeleng leo la jwala, leha a sa rate ho atamela ho tsona, empa ha a na mathata ho potoloha moo hara tsona.
"Pele, ke ne ke tshaba, empa jwale, ha ke sa di tshaba," ke yena a ntse a tsheha. Ha ke rate ho itlwaetsa tsona hobane ha ke hlile ha ke di nepe ha di halefile."
Craig hape o a di lokolla hore di ithapolle ka lebenkeleng ka moo dihoranyana. "Di e di potolohe kapa di hlwelle le moo dishelofong. Ka nako e nngwe di e di nyarele le ka difenstere, empa hangata, di potoloha ka mona ka hare," ho rialo kgarebe ya hae. Mang kapa mang a ka di tshwara, ha di halefe."
Ha ho bobebe ho ka bolela hore dihahabi tsena di bitsa kapa di leleka bareki, empa seo Craig a se bolelang, di etsa mosebetsi o moholo wa ho tlisa batho lebenkeleng.
"Batho ba bang ba kenela ho tla bona tsona feela, empa hobane ba a di tshaba, ha ba atamele ho tsona. Ka mora ho di shebella ba le sebakana, ba e ba botse hore na ba ka di thetsa."
Dinako tsa dijo di bontsha hantle hore dinoha tsena ha di lonya jwalo ka ha o di bona. "Cecilia ke yona e bohale," ho rialo Craig.
"Ha ke akgela mmutlanyane feela ka hare, ke yona ya pele ho o tlolella - ho longwa ke dinoha tsena ho tshwana le ho otlwa ke motho e moholo. Ka nako le motsotso o tla e bona e se e ikgarile ka mmutlanyane oo."
Phofu ya yona e a phakisa ho shwa hobane e kgona ho e kwala methapo e tsamaisang madi mme e shwe ka metsotswana feela. Ka mora moo, e o kwenya o ntse o feletse, e o qale ka hloohong.
Batho ba bangata ba ipolella hore noha e kalo ka ena, e ka ja batho, athe ha ho jwalo. Di ke ke tsa kgona ho kwenya ngwana.
Empa seo ha se thotofatse bohale ba sehahabi sena.
Ha noha e qala e ikgara ka motho, ho ka mo thusa, o tlameha ho e harolla, o e qale ka mohatleng ka mona. "Ha ke intshitse le tsona, ke di lebela ka le ntjhontjho, empa ha ke so ka ke kopana le mathata," ho rialo Craig.
Craig o ne a ena le ditlhware tse 18 pele, empa jwale di se di le robedi. Ho tsona tseo, e nngwe ya tsona e boima ba 100kg mme e boima haholo hore a ka e tlisa lebenkeleng. "E hloka banna ba ka bang bararo ho e kokomosa," ho rialo yena.
Leha Houdini le Cecilia di dula ka hara tanka e nyane - empa di phela ha monate.
Ho bonahala e ka Cecilia e emere. Ha ho tikatiko hobane ha e yo e nngwe noha e tlwaetseng ho fihla moo lebenkeleng mme sena se bontsha hantle haholo hore molato ke wa Houdini.
Leha o bona Princess a tshwere biri, yena ha a bo thetse le ho bo thetsa. Mohlomong o tla nwa mohlang dinoha tsena di ithabisang ka mora ho tswala.[s]
BONA SESOTHO - February 2006
LE LETONA:Ragan le Craig le e nngwe ya ditlhware tsa bona.
SE SEHOLO: Ke ka moo a otlollang maoto ka teng le tlhware.
Dinoha tse phelang!
pale le ditshwantsho ka GAVIN FOSTER
le na le se
Lebenkele lena
hohelang...
KA HODIMO:Patron Dave Todd o ikatametsa haufi le tlhware.
BONA SESOTHO - February 2006
LE LETSHEHADI: Leha batho ba di tshaba ditlhware tsena, empa ba ntse ba rata ho di thetsa.
