Naa ke bo mang bao ba ka kgopelago thekgo ya mašeleng go tšwa go DWAF?
Molemi o dumelelwa thekgo ya mašeleng go tšwa go DWAF go e šomišetša hlabollo ya tšhomišo ya meetse a temo, ge fela molemi e:
le modudi wa Afrika Borwa;
le moleloko wa setšhaba se sengwe le se sengwe seo se bego se gateletšwe;
le moleloko wa Mokgatlo wa Tšhomišo ya Meetse goba wa sehlongwa se sen-gwe le se sengwe seo se dumelelwago ke DWAF, ebile a na le:
i naga ya temo goba a kgona go fihlelela naga ya temo;
ii tumelelo ya go šomiša meetse, ntle le ge go nyakega thekgo ya mašeleng go ka reka meetse, ebile iii a na le dinyakwa tša hlabollo ya tšhomišo ya meetse a temo gomme a palelwa ke go ba le tšhelete go e šomišetša se.
Naa o ka kgopela Thekgo ya Mašeleng go tšwa go DWAF bjang
Dintlha tša dikgokaganyo tša diofisi tša DWAF KAPA BOHLABELA
GAUTENG
KAPA BODIKELA
KAPA LEBOWA
LEBOWA BOHLABELA
OFISI YA BOSETŠHABA YA DWAF
Lefelo la Dikgokaganyo: 0800 200 200
THUŠO YADITŠHELETEGo TlabelaBalemi Bao ba Hlokago Didirišwa Tlhabollo ya Tšhomišo ya Meetse a Temo
Naa ke ka lebaka la eng DWAF e fana ka thušo go balemi ba go hloka didirišwa?
Tona wa Kgoro ya Merero ya Meetse le Dithokgwa o nyaka go kgonthišiša gore motho yo mongwe le yo mongwe o fihlelela meetse a go lekana, gore dibo tša meetse di šireleditšwe, di šomišwe, di hlabollwe, di bolokwe, di laolwe ka mokgwa wa go lekalekana wa go dulela ruri, mme meetse ao a abje leswa go hlabolla ditšhaba tšeo di bego di sa elwe tlhoko.
Go sa lebelelwe tlhabollo ya go bonala mo go infrastraktšha ya tlhomo ya meetse a temo mo Afrika Borwa, dikgoba kabong le phihlelelo ya infrastraktšha ye e swanetše go bonala, kudu go balemi ba rena ba go hloka mo Afrika Borwa. Go lebeletšwe lebaka didirišwa le, DWAF e na le lenaneo la thekgo ya tšhelete leo le nago le dihlophana tša thekgo tšeo di hlametšwego hlabollo ya tšhomišo ya meetse a temo ya balemi ba go loca didirišwa.
Go lebeletšwe dikarolo tša 61 le 62 tša Molao wa Naga wa Meetse, 1998 (Molao wa bo 36 wa 1998) (Molao), Kgoro e hlamile ditsela tša go latelwa go melawana le pholisi yeo e tla thušago kabong ya thušo ya ditšhelete go hlabollo ya tšhomišo ya meetse a temo ya balemiši ba go hloka. Se se tla kgonthišiša kabo ya meetse ya go tshepagala le kabo ye e lekanago ya meetse gore go be le hlabollo ya ikonomi le leago tša go ikema, go akaretšwa phedišo ya bodiidi.
Naa ke kabo ya mohuta ofe ya tšhelete yeo e abiwago?
Thušo ye ya tšhelete e abja ka mokgwa wa mphiwafela goba thekgo ya mašeleng.
Dihlophana tše tše tshela tša thekgo ya tšhelete di a abiwa:
Mphiwafela godimo ga tshenyagalelo ya go thoma motheo wa kabo ya meetse ka bontši
Dithušo tša mohuta wo di abelwa kago le/ goba mpshafatšo ya motheo go swana le mekero, melokoloko ya diphaephe, diteišene - kgolo tša dipompi, matamo a meetse ka bontši, mafelo a go kga meetse le didirišwa tša go laola meetse. Dithušo tše di thuša gape tshepetšong ya ditokišo (mohlala. ditefelong tša go tšwa go ditirelo tša ditherišano le meakanyetšo), gammogo le ditefelo tša didirišwa tša mošomo wa meetse a mantši.
Thekgo ya mašeleng tshepetšong le thekgong ya mešomo ya meetse le taolo ya didirišwa tša meetse le ditefelo tša go ya fase ga boemo
Thekgo ye ya mašeleng e fedišitšwe ka nako ya meng-waga ye tshela, gomme e abelwa go thuša balemi ba go hloka didirišwa bao e lego karolo ya:
merero ya meetse ya mmušo yeo e laolwago ke DWAF; merero ya meetse ya mmušo yeo e sepetšwago le go hlokomelwa ke Mekgatlo ya Tšhomišo ya Meetse goba dihlongwa tše dingwe tša go dumelelwa le go ba molaong;
ye mengwe ya Mekgatlo ya Tšhomišo ya Meetse goba dihlongwa tše dingwe tša go dumelelwa le go ba molaong.
Dithekgo tša go reka meetse ao a tshwanetšego (ditokelo tša tšhomišo) go nošetša;
Dithekgo tše tša tšhelete di tla thuša balemi ba go hloka go fihlelela meetse a swanetšego go
šomišetšwa mošomo wa temo, le dihlabollo tše diswa gammogo le kgodišo ya tšeo di bego gona.
Dithekgo go dithuto tša kgonagalo ya lephelo le letseno gammogo le nyakišišo ya hlabollo ya diprojeke tša tšhomišo ya meetse a temo;
Dithekgo tša go hlahla Makgotla a Taolo ya Tšhomišo ya Meetse goba dihlongwa tše dingwe tša go dumelelwa le go ba molaong go tše:
taolo ya maleba ya kabo ya meetse a go nošetša;
mananeo a tšhomišo le poloko ya meetse; gammogo le mahlakore a taolo ya ditšhelete, hlabollo ya tokišetšo ya kgwebo, tekanyetšo le molao.
Dithekgo tša ditanka tša meetse a pula go tšweletšo ya dijo tša malapa gammogo le tšhomišo ya ditšweletšwa tše dingwe tša ka lapeng.
