Study Group (Maize)								Sesotho sa Leboa
Re nepiša Sehlophathuto sa Khanyayo
Instructions:
Folio strap: Sebopego
Byline: Ian Househam, Molomaganyi wa Profense wa Lenaneotlhabollo la Balemi la Grain SA 
Use the South African map and show where the Northern Eastern Cape is.
Seswantšho sa 1: Sehlophathuto sa Khanyayo kopanong ya sona.
Seswantšho sa 2: Mna Magidela, Modulasetulo wa Sehlophathuto sa Khanyayo, o eme leheeng la gagwe.
Leina la Sehlophathuto
Sehlophathuto sa Khanyayo.
Sehlophathuto se se theilwe kae?
Se theilwe nageng ya dipolasa, dikilometara tše e ka bago tše 60 go tloga Bizana, lefelong la Leboa-bodikela la Kapa, fao go hlokegago infrastraktšha goba go nago le infrastraktšha ye nnyane fela.
Boleloko bja sehlophathuto 
Sehlophathuto se se akaretša maloko a 100.
Nagatemego ye e hwetšagalago 
Go na le dihektare tše 100 tšeo di ka dirišetšwago tšweletšo.
Palomoka ya dihektare tšeo di bjetšwego sehleng sa 2010/2011
Dihektare tše 40.
Mabaka ao a dirago gore nagatemego yohle e sa bjalwe
Tlhokego ya letlotlo.
Tlhokego ya dinyakwapšalo (inputs).
Tlhokego ya ditlhamo.
Tlhokego ya magora.
Klimate – mathomong a sehla sa 2010 dipula di nele morago ga nako mme mmu wa go koloba kudu wa šitiša pšalo.
Batšweletši ba kgole le barekiši ba dinyakwapšalo tša go swana le monontšha, peu le dikhemikhale. 
Maloko a sehlophathuto a kopana gakae?
A kopana le ba Grain SA kgwedi le kgwedi mme a kopana ka boona beke le beke go ahlaahla tša bolemi. 
Mehola ya go ba leloko la sehlophathuto ke efe?
Mehola e akaretša phetišetšo ya tsebo, dikahlaahlo tša sehlophathuto le go bona mekgwa ye e nepagetšego ya temo ya go swana le go tšea dišupommu, pšalo, tirišo ya dibolayangwang le diteko. Maloko a sehlophathuto sa Khanyayo a bile le mahlatse ka go tsenela Thuto ya Tsebišo ya Lehea.
Na go na le tsenelelano efe kapa efe gare ga maloko a sehlophathuto le batšweletšikgwebo?
Gonabjale batšweletšikgwebo ga ba gona tikologong yeo.
Na Grain SA e hotše sehlophathuto se ka tsela efe?
Maloko a sona a humane tsebo ka go tsenela dikopano tša sehlophathuto, tšeo di a kgontšhitšego go ahlaahla le go neelana mehola le dipoelamorago tša mekgwa ye e nepagetšego ya go bjala. 
Ditekotaetšo di bile le khuetšo mabapi le mehola ya tirišo ya dikhemikhale le monontšha.
Ka baka la popo ya sehlophathuto ba kgonne go bopa le sehlopha sa theko seo se rekago dikhemikhale le menontšha. 
