Study Group (Maize)								Sesotho sa Leboa
Re nepiša Sehlophathuto sa Ficksburg
Instructions:
Folio strap: Tsebišo
Byline: Johan Kriel, molomaganyi wa profense wa Lenaneotlhabollo la Balemi la Grain SA
Use the South African map and show where Ficksburg is
Leina la sehlophathuto
Sehlophathuto sa Imperani (Ficksburg). 
Mafelo ao a direlwago ke sehlophathuto
Ficksburg le Rosendal.
Palo ya maloko a sehlophathuto
Maloko a 35. 
Nagatemego ye e ka dirišwago go tšweletša mabele
Dihektare tše1 510.
Palomoka ya dihektare tše di bjetšwego sehleng sa 2010/2011
Dihektare tše 289. 
Ke ka lebaka lang ge go na le nagatemego ye e sa dirišwego?
Mabaka ao a šitišago go bjala ga dihektare tše dingwe gape ke a a latelago:
Mathata a go hwetša dikadimo tša go lefela tšweletšo;
Tlhaelo ya ditlhamo tše di tshepegago;
Mmu wa pH ya fase;
Maemo a fase a fosfate mmung;
Mathata ao a hlolwago ke diruiwa tše di tšwago Lesotho;
Naga ye e latšwago mengwagangwaga;
Tlhaelo ya thušo go tšwa go Mmušo; le
Beng ba naga ke dihlopha, ka fao ga go bonolo go hwetša tšhelete ya go lefela tšweletšo.
Sehlophathuto se kopana gakae?
Maloko a Sehlophathuto sa rena a kopana kgwedi le kgwedi go rerišana lenaneo la korong le kgwedi ye nngwe le ye nngwe ya bobedi go rerišana lenaneo la lehea. 
Mehola ya go ba leloko la Sehlophathuto se ke efe?
Re dutše re tseba seo se diragalago intastering ya mabele le gona re tseba dibaka tšeo di lego gona temong. Re na le motheo wa thušo woo o re thekgago ge go na le bothata. 
Na go na le tsenelelano ya Sehlophathuto le balemikgwebo?
Re fela re kopana le batšweletšikgwebo ba bangwe difantising ke moka re ikwa re le karolo ya setšhaba sa balemi ka kakaretšo. 
Na o ka rata go kopana le Sehlophathuto sa batšweletšikgwebo mme o ka re go bohlokwa go dira bjalo ka baka lang?
Go bohlokwa gore rena batšweletši re bolele ka lentšu le tee. Motšweletši yo a hlabologago ke motšweletšikgwebo wa dijo wa ka moso. Go thoma mmogo, go boledišana le go thušana go tlo tiiša batšweletši bohle. 
