Profile (Maize)									Sesotho sa Leboa
Tsebana le … Monica Mathamba
Instructions:
Folio strap: Tsebišo
Byline: Lawrence Luthango, molomaganyi wa profense wa Lenaneotlhabollo la Balemi la Grain SA
Photo: Use pic of Monica
Monica Mathamba o dula Lefelong la Taolo la Mthatha Mbozisa moo e lego leloko la Mokgatlo wa Balemi wa Mbozisa. Monica o lema naga ye e lego nagengkopanelo mme o kgonne go ageletša mašemo a gagwe a dihektare tše di selelago. 
Monica o tsenetše dithuto tše di latelago tša Grain SA: Tsebišo ya Tšweletšolehea le Thuto ye e Phagamego ya Tšweletšolehea. Monica o kaonafaditše go tšweletša lehea ga gagwe ka go diriša tsebo le bokgoni bjoo a bo humanego ka go ba leloko la Grain SA. O be a tšweletša ditone tše tharo le seripa godimo ga hektare (3,5 tone/hektare), eupša gonabjale o tšweletša ditone tša nne le seripa godimo ga hektare (4,5 tone/hektare). 
Ditshenyegelo mabapi le tšweletšo ya dibjalo tša gagwe o di lefela bjang?
O lefela ditshenyegelo tša gagwe ka boyena mme o belaetšwa ke mokgatlo wa tšhelete woo a kgopelago kadimo go wona ka ge o dumelela dikadimo morago ga nako mola sehla se fetile. 
Dinyakwapšalo (inputs) tša gagwe o di hwetša kae?
Monica o reka dinyakwapšalo tša gagwe dikoporasing tša Mthiza Farmers Co-op le East Cape Co-op. Ditheko e tloga e le tša godimo mme barekiši ga ba thuše bareki ka go ba fa dikeletšo tša thekniki. 
Tema ye e kgathwago ke ba mmušo temong ke efe mme ba e phethagatša bjang?
Tema ye e kgathwago ke ba mmušo ke go fa batšweletši keletšo le bokgoni bja thekniki le ge e ka ba go hloma infrastraktšha. Monica o re mmušo ga o kgathe tema ye o swanetšego go e kgatha ka ge o sa phethagatše maikemišetšo a wona. 
Katlego ya gagwe o gopola gore e theilwe godimo ga eng?
Monica o gopola gore katlego ya gagwe e theilwe godimo ga phišego le go šoma ka maatla. O kgolwa gore dipoelo tša gagwe di kaonafaditšwe ke tirišo ya peu ya mapastere (hybrid seeds), monontšha le dibolayangwang tša go laola mengwang. Lenyaga Monica o kganyoga go reka didirišwa tše dingwe gape, kudu segašetši sa mohuta wa boom sprayer. 
