Jane(Maize) (350 words)							Sesotho sa Leboa
Mohumagadi Jane o re…
Folio strap: 
Photo: Use a photo of Jane 
Re swanetše go fela re ema re ipotšiše gore na ke eng seo re se dirago? Go araba potšišo ye ka botlalo re swanetše go akanya le seo re sa se dirego. Re thoma ka tšeo re sa di dirego:
Ga re diriše bakontraka ba bašweu go lema naga ya batšweletši ba baso.
Ga re “lemele” batho, ke go re ga re direle balemi mošomo wa bona.
Ga re leke go fa batho sebaka sa go lema ge ba kile ba ba le dibaka tša mohuta woo nakong ye e fetilego. 
Ga re dire nke re thuša batho mola go se bjalo (window dressing).
Ga re leke go hodiša bao ba rekago ditšweletšwa ka go tiiša maemo a bona a BEE.
Ga re leke go hodiša bao ba rekišago dinyakwapšalo (inputs) ka go tiiša maemo a bona a BEE.
Tšeo re di dirago ke dife?
Re tšwetša batšweletši ba baso pele – bao ba ikemelago le gona ba kgotlelelago. 
Re ruta batšweletši ba baso gore ba kwešiše mabaka ao a ba gapago go dira tšeo ba di dirago. 
Re hlohleletša batšweletši go diriša methopotlhago ka botlalo. 
Re bontšha batšweletši ba baso ka moo ba swanetšego go hlokomela naga ye ba e dirišago. 
Re thuša batho go diriša tšeo ba nago le tšona go itlholela ditseno le go tšweletša dijo tša go iphepa le go fepa motse wa bona le ge e ka ba setšhaba sa rena. 
Re swaragane le go fetola temo – go tloga go intasteri ye e bušwago ke batho ba bašweu go ya go yeo e akaretšago batho ba ditšo tšohle le merafe yohle. 
Re thuša batho bao ba kgonago go tsenela naga – nagakopanelo, naga ye e hirwago le ge e ka ba naga ye e lego ya bona (go diriša naga ka mokgwa wa go swarelela le wa go hlagiša poelo).
Re leka go dirišana le dikgoro tšohle tša mmušo go lomaganya thušo ye e fiwago batšweletši. 
Re loga maano a go kgontšha batšweletši go hwetša metšhene le ditlhamo. 
Re loga maano a go kgontšha batšweletši go hwetša thušo ya tšhelete (grants) go dikgoro tša mmušo. 
Gantši ke a nyama ge ke ekwa gore go na le batho bao ba “lemelago” batšweletši ba baso. Go na le mekgatlo le ge e ka ba batho ba ba itšego bao ba dirišago naga ya balemi ba baso go ikhola mme ba re ke “tlhabollo ya batšweletši”. Ge motšweletši yo mošweu a diriša naga ye e lego ya motšweletši yo moso o swanetše go e hira, go e lefela, le go dumela gore o hira naga ka nepo ya go itemela. Re kgopela gore batho ba se ke ba dira mo nkego ba thuša batšweletši mola go se bjalo.
