Member (Maize)								Sesotho sa Leboa
Na ke swanetše go dira bjang ge ke nyaka go ba leloko la Grain SA?
Folio strap: Koketšamohola
Byline: Jane McPherson, molaodi wa Lenaneotlhabollo la Batšweletši la Grain SA 
Motho yo mongwe le yo mongwe yo e lego motšweletši wa mabele a ka ba leloko la Grain SA. Go na le mehuta ye e fapanago ya boleloko bja mokgatlo wo, eupša mehuta ye e tsebalegago go feta ye mengwe ke bolelokokgwebo bjo bo feletšego (full commercial membership) le boleloko bja dihlophathuto. 
Tefo ya bolelokokgwebo bjo bo feletšego ke R2/tone godimo ga tone ye nngwe le ye nngwe ya mabele yeo e fihlišwago, eupša palomoka ya tefo ga e be ka fase ga R570 (go akaretša le VAT). 
Go na le boleloko bja sehlophathuto bjoo leloko le bo lefelago R10 ka ngwaga. Ge go na le batho bao ba kganyogago go hloma sehlophathuto le go ba leloko la Grain SA, re kgopela gore ba ikgokaganye le Mohlankedi wa Tlhabollo wa kgauswi – maina le dinomoro tša bona di gatišitšwe letlakaleng la ka morago la lengwalotaba le. Nepo ya dihlophathuto ke go swara dikopano ka mehla go ahlaahla dintlha tšohle tše di amanago le tšweletšo ya mabele. Godimo ga fao, ge o le leloko la Grain SA o kgona go tsenela dithuto tše mmalwa tšeo di rutwago ke Grain SA ngwageng wohle. 
Re kganyoga gore batšweletši ba ba hlabologago ba fetoge malokokgwebo a a feletšego a Grain SA ka boati ka go lefa tefo ya R2/tone godimo ga tone ye nngwe le ye nngwe yeo ba e bunago. Grain SA e hloka boleloko bja gago gore e kgone go rerišana le bakgathatema legatong la batšweletšamabele bohle mono Afrika-Borwa. 
