Jane(Maize)									Sesotho sa Leboa
Mohumagadi Jane o re…
Folio strap: 
Byline: 
Bjalo ka ge o le motšweletši (goba monglapa) o na le eng? Na o kgona go tsenela le go diriša naga, mebaraka, ditrekere goba didirišwa? Maikemišetšo a rena ba Lenaneotlhabollo la Balemi a theilwe godimo ga potšišo ye: “Na o na le eng mme rena re ka go thuša bjang go kaonafatša tirišo ya tšeo o nago le tšona?” 
Ge o kgona go tsenela naga na o e diriša bjang gonabjale? Na o ka e diriša bokaone, mme ge go na le seo se go šitišago go dira bjalo, ke sefe? Re kgolwa gore motšweletši yo mongwe le yo mongwe a ka thušwa go tšweletša poelo ye kaone ka go diriša methopo yeo e lego gona bokaone. 
Go ba motšweletšikgwebo go ra gore o swanetše go tšweletša go fetiša tšeo ba lapa la gago ba di hlokago. Ge o rekiša setšweletšwa go ra gore o thuša go tiiša toto ya dijo, ka fao le wena o swanetše go thušwa. Rena ba Grain SA re rata go go thuša. 
Selemo se se bile le ditlhohlo tše mmalwa. Sa mathomo, dithekišo tša fase tša mabele di šitišitše batšweletši go fiwa dikadimotšweletšo. Le ge re lekile tšohle tšeo re di kgonago go lota thušo ya ba Kgoro ya Temo ya Setšhaba, ba paletšwe ke go thuša batšweletši ba rena. Bao ba kgonnego go bjala ba tshwentšwe ke sehla seo se thomilego se omile, ka fao mabaka a go bjala e be e le a mabe. Ke moka dipula tša thoma mme ga se tša ba tša khula. Gonabjale tlhohlo ke mengwang ye e sa laolegego le dibjalo tše di betwago ke meetse. 
Le ge go le bjalo, dithekišo tša mabele le dipeu tša oli di hlatlogile mme maitekelo a bao ba bjetšego a ka putswa. Thekišo ya korong le yona e nameletše mme sehla se se tlago re bona o ka re se tlo swanela pšalo ya korong gabotse (mafelong ao a lebanego). 
Re šoma ka maatla go thea kamano ye botse le Kgoro ya Tlhabollo ya Dipolasa le Mpshafatšo ya Naga. Re holofela gore re tla kgona go le begela ka tšwelopele ya ditherišano tše mo go Pula ye latelago. Ge re ka thea tirišano le Kgoro ye re tla kgona go thuša batšweletši ba go feta gonabjale. 
Re go kganyogela katlego ye botse kgweding ye e tlago – anke dibjalo tša gago di gole gabotse mme wena o be le tshepo mabapi le bokamoso bja temo mono Afrika-Borwa. 
