Difference (Maize)								Sesotho sa Leboa
Lehea le lešweu le le lesehla – phapano ke efe?
Instructions:
Folio strap: Lehea
Byline: Jane McPherson, molaodi wa Lenaneotlhabollo la Batšweletši la Grain SA
Use pictures of white maize and yellow maize
Ka payolotši le leabela lehea le lešweu le swana kudu le le lesehla, le ge go na le phapano ya ponagalo ka baka la tlhokego ya oli ya “carotene” dithorong tša lehea le lešweu, yeo e hlolago mmala wo mosehla. Mabaka a tšweletšo le mekgwa ya go lema e tloga e swana kudu. 
Lehea le lešweu ga le bohlokwa kudu dinageng tše di tšwetšego pele. Mohlala: Kua Amerika, fao go tšweletšwago bontši bja lehea lefaseng, tšweletšo ya lehea le lešweu e bopa karolo ya fase ga 1% ya palomoka ya lehea leo le tšweletšwago. Lehea le lešweu le tšweletšwa kudu ka kontraka nageng yeo ka baka la mmaraka wo monyane wa lehea le. 
Go fihla malobanyana go be go na le tumelo ya gore lehea le lesehla le swanela go dirišwa ke diruiwa le diphoofolo fela, e sego batho. Taba ye e kgathile tema tlholegong ya mehuta ya tšweletšo le papatšo yeo e lego gona. Go be go kgolwa gore mabele a masehla le bupi bja ona bo be bo sa nyakwe ke batho, ka fao ditšweletšwa tše di be di sa hwetšagale. Tlhokego ya mabele goba bupi bjo bosehla e hlatlošitše theko ya dijo yeo badiriši ba e lefago ka ge mebarakeng ya lefase theko ya lehea le lešweu e feta ya le lesehla. Mmaraka wa lefase wa lehea le lesehla o feta wa lehea le lešweu go menagane le gona o tiile go feta wa lehea le lešweu. Ka fao mmaraka wa lehea le lesehla ke mothopo wa phepo wo o tshepegago go feta wa lehea le lešweu, kudu mabakeng a komelelo. 
Na o kile wa leka go ja bogobe bja bupi bjo bosehla? Go tloga go kgahliša go lemoga gore ka kakaretšo ga re kwane le go diriša bupi bjo bosehla. Ntlha ye nngwe ye e kgahlišago ke gore gonabjale mono Afrika-Borwa re tšweletša lehea le lešweu leo le fetago tekanyo mola lehea le lesehla le hlaela – mohlamongwe re swanetše go gopola ka bofsa ka lehea le lesehla gore ge re ka hlaelwa ke le lešweu, re je le lesehla! 
