Congress (Maize)								Sesotho sa Leboa
Go tlo swarwa dikhonkrese tše nnyane tše dingwe gape lenyaga
Instructions:
Folio strap: Khonkrese
Byline: Jane McPherson, molaodi wa Lenaneotlhabollo la Batšweletši la Grain SA
Ngwaga wo mongwe le wo mongwe Grain SA e swara Khonkrese ya Ngwaga kua Bothaville ka kgwedi ya Matšhe. Lenyaga Khonkrese ye e tlo swarwa ka 9 - 10 Matšhe 2011. 
Peakanyo ya Khonkrese ye e akaretša dikhonkrese tše nnyane (mini-congresses) tše di šupago tše di tlogo swarelwa maloko a dihlophathuto tša Grain SA – dikopano tša dilete di swarelwa malokokgwebo a Grain SA. Lebakeng le le fetilego re ile ra rulaganyetša batšweletši ba ba hlabologago dikopano tše nne fela, eupša re lemogile gore ka nako ye nngwe batšweletši ba ba le mathata ge ba swanetše go tšea maeto a matelele go tsenela dikopano. 
Ka fao, ge o le leloko la sehlophathuto sa Grain SA yo a lefetšego boleloko bja gagwe ka botlalo, re go laletša go tla kopanong yeo e swarwago tikologong ya gago, yeo e rulaganywago ke molomaganyi wa profense yo a dirišanago le sehlophathuto sa gago. 
Dikopano di rulagantšwe ka mo go latelago (mafelo a a nepagetšego a tlo tsebišwa ka morago).
Table 1: 
Profense
Lefelo
Letšatšikgwedi
Kapa-Bohlabela – Ian Househam
Kokstad
1 Feberware 2011
Kapa-Bohlabela – Lawrence Luthango
Mthatha
2 Feberware 2011
Freistata – Johan Kriel
Senekal
11 Feberware 2011
Gauteng/Mpumalanga – Daan Bosman 
Bronkhorstspruit
16 Feberware 2011
Leboa-Bodikela – Tonie Loots
Zeerust
24 Feberware 2011
KZN – Jurie Mentz
Vryheid
24 Feberware 2011
Re go hlohleletša go tsenela dikopano tše le go itokišetša tšona ka go gopodišiša dipotšišo tše: 
Na Grain SA ye e lego mokgatlo wa gago wa diphahlo (commodity organisation), e swanetše go go direla eng bjalo ka ge o le motšweletšamabele? 
Na Grain SA e ipeakanyeditše nako ya ka moso ka tshwanelo?
Dikhonkreseng tše nnyane batšweletši ba lokišetšwa Khonkrese ya Ngwaga mme maloko a dihlophathuto a fiwa sebaka sa go kgetha baemedi bao ba tlogo a emela Khonkreseng. Nakong ye e fetilego re lekile go hlophela maloko a dihlophathuto magorong a Leboa, Borwa, Bohlabela le Bodikela, eupša re ile re wela mathateng ka ge mellwane e sa bonagale gabotse. Go nolofatša ditaba re phethile go swara kopano seleteng sa molomaganyi yo mongwe le yo mongwe wa profense. Go ya ka molaotheo wa Grain SA go tla dumelelwa baromelwa ba 32 go tsenela Khonkrese kua Bothaville ka 9 le 10 Matšhe 2011. Go tšwa go baromelwa ba 32 ba go ka kgethwa baemedi ba bane go ba maloko a Komitiphethišo (Executive Committee) ya Grain SA. Taodišwaneng ye e gatišitšwego letlakaleng la 5 o ka bala ka diphetošo tšeo di šišintšwego mabapi le molaotheo. 
Ka boitemogelo bja rena re lemogile gore bao ba kgethwago go ba maloko a Khuduthamaga ga se batšweletšamabele ba nnete (bona fide grain producers) ka mehla, mme ga ba kgone go kgatha tema ye e nyakegago dikopanong. Re tshepa gore batšweletši ba tla kwana go fetoša molaotheo ka moo go šišintšwego go kgonthiša gore batšweletši ba ba hlabologago ba kgetha baemedi ba ba lebanego go šoma Komitingphethišo. Maloko a komiti ye a swanetše go kwešiša tšweletšo ya mabele ka tebelelo ya kgwebo gore ba kgone go kgatha tema dikahlaahlong le ge e ka ba peakanyong ya maikemišetšo (policy formulations). 
