Kgopelo ya go ngwadiša bjalo ka leloko ka go Lenaneo la Tshedimošo ya Ngwadišo yeo e lego ka go Inthanete Wepe ya Dikwano
Tlhalošo
Tsela e latelwago
Molao o šomišwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese
Tlhalošo
Ngwadišo ya dikwano e bulegile go leloko le fe goba le fe la setšhaba go fihlelela tshedimošo. Bašomiši ba ba ka hwetša tšeo di latelago ka go wepesaete:
Tshedimošo mabapi le ngwadišo ya thoto yeo e sa šuthego, bjalo ka tšeo di latelago:
maina, dintlha tša boitsebišo le seemo sa lenyalo sa beng bao ba ngwadišitšwego palo ya dikiletšo tšeo di rekotilwego kgahlanong le batho le thoto dintlha tša neelano ya thoto, go akaretšwa matšatši a ngwadišo le tšhelete ya theko dintlha tša tlamego ya kadimo go akaretšwa le maina a dikadimo le tše tekanyomoka.
Dikgatišo tša eleketeroniki tša dikwano tša metsemegolo le ditokomane.
Go fihlelela dintlha tše, o swanetše go ba leloko leo le ngwadišitšwego la bjalo ka gobane o swanetse go lefela tšhelete ya ngwadišo. le hwetšagala ka go wepesaete.
Godimo
Tsela e latelwago
Kgetha "Ngwadiša bjalo ka mošomiši wa mathomo" ka go kgwatha mo go boikgethelo. Letlakala le leswa leo le nago le foromo ya ngwadišo le tla bulega mo sekirining.
Tlatša foromo ya ngwadišo mo khompyutheng.
Kgwatha "Romela kgopelo ya gago" ge fela o kgotsofetše gore o tladitše diforomo ga botse.
O tla fiwa leina la mošomiši. Se e tla nomoro ya gago ya akhaonto mo mabakeng ka moka a tša ditšhelete. O tla fiwa leina la go tsena leo o swanetšego go le fetola ka pele ka mo go kgonegago.
Lefela tšhelete ya ngwadišo. Ditaelo tša go panka le dintlha di a iponagatša ka go wepesaete.
Ge fela o tsentše tšhelete ya ngwadišo ka go akhaonto ya panka ya Mongwadiši Mogolwane wa Dikwano, leletša Kantoro ya Mongwadiši Mogolwane go ba tsebiša gore o lefile. Dinomoro tša kgokagano di filwe mo wepesaeteng.
kantoro ya Mongwadiši Mogolwane e tla tsenya tirišong akhaonto ya gago mme o tla kgona go fihlelela tshedimošo go tšwa go wepesaete mafelelong a kgwedi ye nngwe le ye nngwe, o tla amogela setatamente. Setatamente se se hwetšagala gape le go wepesaete go go kgontšha go senka leswa ditefelo le go go gopotša go lefela akhaonto.
Godimo
Molao o šomišwago
Molao wa Ngwadišo ya Dikwano, 1937
Godimo
Nako ya tšweletšo ya mošomo
Ge fela o ngwadišitšwe, tshedimošo e hwetšagala ka yona nako yeo.
Godimo
Tefelo
Tšhelete ya ngwadišo: R240
Tšhelete ya taolotshepetšo ka kgwedi: R10
Go nyaka: bonnyane R1, bogolo R3 go ya ka sekala seo se theogago seo se golaganego le palo ya makga a go nyaka ao a dirwago ka kgwedi
Go se hwetše seo se nyakwago: R1
Tšhelete ya kgokaganyoleswa ge e le gore akhaonto e šaletše morago mme e fegilwe morago ga matšatši a 30: R80
Godimo
Diforomo tšeo di tlatšwago
Godimo
Mafelo le diatrese
