Kgopelo ya go ngwadiša tšhireletšo ya kekišo
Tlhalošo
Tšhireletšo ya kekišo ke tokelo ya go šireletša mošomo wa motho, wo o ka bago ka mokgwa wa go ngwalwa le materiale ka bowona, diporokerama tša dikhomphyutha, mešomo ya bokgabo, materiale wo o gašwago, moopelo, difilimi le dibidio.
Tšhireletšo" e ra go thibela ba bangwe go ekiša goba go tšweletša gape mošomo goba ditlabelo mme ba di šomiša go tšwetša pele dipoelo tša bona tša ditšhelete. Molao wa Tšhireletšo ya Kekišo o hlaloša tšhireletšo ya kekišo.
Ge o na le kakanyo ya mathomothomo, o ka se ke wa ba le tšhireletšo ya kekišo go yona. O swanetše go diragatša kakanyo ya gago ya mathomothomo pele, bjalo ka puku, karata, , bokgabo, seswantšho, papadi ya sekirining goba filimi.
Ga ntši motho yo a ngwadilego, a gatišitšego, a phatlaladitšego, a diragaditšego, bopilego, a dirilego mošomo wa bokgabo, a dirilego filimi goba a rekotilego mošomo, o namile ke mong wa tšhireletšo ya kekišo ya mošomo woo. E fela ka nako ye nngwe, ge motho a kgopetšwe mme a lefelwa go dira mošomo wo o itšeng, tšhireletšo ya kekišo ke ya motho yo a mo thwetšego.
Mo mešomong ye mentši ga go bohlokwa go dira kgopelo tšhireletšo ya kekišo.
Tšhireletšo ya kekišo e dirwa ka go bea mantšu a " tšhireletšo ya kekišo " goba " tšhireletšo ya kekišo e beilwe" goba " tšhireletšo ya kekišo Smith 2002" , goba leswao la kemedi ya tšhireletšo ya kekišo, leina le ngwaga .
O ka hwetša tšhireletšo ya kekišo ka mono Afrika Borwa ge o le modudi wa Afrika Borwa goba ge e le gore mošomo wa gago o tšweleditšwe ka mono Afrika Borwa. Ge o se modudi wa Afrika Borwa, o ka hwetša tšhireletšo ya kekišo ge e le gore naga yeo e nngwe ke karolo ya Kwano ya Berne . Kwano ya Berne ke kwano ya boditšhabatšhaba ka ga tšhireletšo ya kekišo yeo ka yona dinaga tŠa maloko di fanago tšhireletšo ya kekišo.
Tšhireletšo ya kekišo ya difilimi goba dibidio tšeo di diretšwego thekišo e swanetse go direlwa kgopelo ya semmušo, ka go latela ditokomane tšeo di hwetšagalago ntle le tefelo go Kantoro ya Tšhireletšo ya Kekišo:
Go ba le tšhireletšo ya kekišo go hlaloša "bong" bja setlabelo seo le taolo ya tšhomišo ya sona ya thekišo. Leswao la kemedi ya tšhireletšo ya kekišo leo ga ntši le bonwago ke ©.
Tsela e latelwago
Ikopanye le Kgoro ya Kgwebišano le Intaseteri.
Tlatša diforomo tšeo di latelago:
Foromo ya RF1, e išwa e le gabedi
Foromo ya RF2, e išwa e le gabedi
Foromo ya RF3, e išwa e le gabedi
Lengwalo la Maatla a Boemalegato, ge go šomišwa ditirelo tša moemedi
Molao o šomišwago
Nako ya tšweletšo ya mošomo
Mo dikgweding tše tshelelago, go diragatšwa ditselatshepetšo tša semmušo mme tšhireletšo ya kekišo ga ntši e fiwa mo kgweding ya bošupa.
Tefelo
Diforomo tšeo di tlatšwago
Mafelo le diatrese
