KGORO YA THUTO YA GAUTENG
DITLHAHLOBO TŠA MAREMATLOU
MAEMO A A PHAGAMEGO
Lephephe la Pele
DITAELO :
Tlhahlobo ye e na Ie dikarolo tše THARO, A, B le C.
Bala dipotšišo ka tlhokomelo gore o se hlahlathe.
Araba dipotšišo ka moo o laetšwego.
Ngwala ka bothakga ka mongwalo wa go balega.
KAROLO YA A
TEKATLHAOLOGANYO POTŠIŠO 1
Karolwana ya 1
Bala dikarolwana tše di latelago gore o kgone go araba dipotšišo.
Moisa šo wa difaka tša mahuto tša go fufula boya, ba ba mo tsebago ba re ke Kose. Ruri ga a reudubanye ka pese ge a e otlela eka o tla tloga are hlakanya le mobu. Mola monamedi a tšeago thekethe,Kose o tla ubula pese monamedi le go dula asešo a dula gore a folagane fase ka marago. Bontši bja baisa ba ba namelago pese, ba tlogela merwalo ka ntle e le ge ba tshepile go eamogela go tšwa go bafelegetši ka mafasetere. O tla kwa motho a re: " Hoo, merwalo, hoo, nkemele ke sa nwa bjala." Ona mabjala ao ke ona a a befedišago Kose le go feta.
Mokgekolo šo ka mo pele ga ka, o šia le go rola pitša ye a e rwelego hlogong ka go bona ka moo pese e hwidinyegago ka gona. Godimo ga fao o dutše fase motho wa batho. Diaparo tša gagwe di fetogile lešela la go iphumula dieta tša masogana. Ge re etla gaMoloi, Kose a fologa ka mo abego a dutše ka gona ge a otlela, a tsena ka peseng , e le ge a raka le go fopha ka dintahle basadi bao ba bapatšago mabjala ka moo. Ka morago ga fao lesogana tsoko la go swanelwa ke diaparo la reka dithekethe le sa fetše o se re le rekela le bagwera bao ba satšhabešago ba rotoga gae mola ba bangwe ba laelana le metswalo ba sa fetše. Gona moo Kose a kitimpela ka fase a hwetša yo mongwe wa masogana ao a sanwameetse ka ketleleng gomme a raga ketlela kafase mo molomo wa yona o ilego wa felela leganong la monwi. Ge monwia etshwaketlele gwa latelabjala. Kose a famola dinko, a etša pere mola lesogana le etša leobu.
Mo itie, mo goge!" Batho bao Kose a bego a šetše a ba selekile ba thoma go goeletša ka peseng. Ba letša melodi e le ge masogana a nkgišetšana mahwafa. Mola lesogana le lapile, la lesa Kose, gomme a namela ka peseng ya gagwe a swabile.
O reng o sa mo itie na, selo sela se re tshwentše kudu mo tseleng?"
Re ya gagabo, a ka re go fihla ntshe a nthapeladira.Ke leboga ge a ipone phošo, le gona ke sa mo ntšha madi." Gwa fetola lesogana lela.
Kose ga se a ka a hlwa a lapišane le batho. Ge go tliwa Manoe, go ile gwa belaela batho ba kapesenggore banamedi ba a ba ditela. Ka ge e be e le nako ya merulabanamedi ba tsena ba dutile magapa a selehono a dipolasetiki. Ka ge letšatši le be le fiša kudu, le lengwe la magapa ao le ile la thoma go kokomoga. Ge mong wa lona a bona seo, a bona gore go kaone go kgopela mogagabo gore a le lahlele ka ntle ka lefasetere. Legapa le ile la gana go swarwa kadimpagomme la napala thunya, la gaša batho ka morula wola wa go bela nkego mae a diruwe. Batho ba ile ba hlaba mokgoši wa go kgotsa le pefelo mo pese eilego yabaya ema.Mongwa legapa a napa a gogelakepisi mahlong a širela ka muši wa sekerete ya ke le go kwa ga a kwe.
E nolofaditšwe go tšwa go - Dipheko: I.T. Maditsi
Mootledi wa pese ke mang? 
Na o kgahlwa ke maitshwaro a gagwe? Efa lebaka. 
Ka dintlha tše PEDIhlaloša gore mootledi ke motho wa mohutamang. 
Polelo ya Seswana e re: Senamelwa se a letwa. Efa maitshwaro a banamedi ba pese mabapi le taba ye. 
Mootledi wa pese o ile a dira taba ya sehlogo, kudu e bile e dirwa godimo ga basadi. Ke efe? 
Magareng ga mootledi le lesogana, go fentšwe mang? 
Na temana ye e re ruta eng? 
Karolwana ya 2
Ga se ba ka ba tseba mmagobona. Ka Isaac Mangena
Ke tla ba moloko wa bona
Bana ba bannyane ba babedi ba ile ba tlogelwa ke mmagobona ka morago ga ge a sena go tšhabela molekani wa gagwe yo a bego a mo hloriša. Gonabjale ba hlokometšwe ke moagišani, yo le yena e lego motšofadi.
Koko Lesedi Motloung wamengwaga ye59ofetogile mmagoThabile le Tebatšo . Koko o re o tsebile mmagobona bjale ka ge e be e le moagišani. Yena o be a ehlwa a mmotšagore tatagobana ba o a mo itia. Ka le lengwe la matšatši, bjaleka mehleng, o ileatla go yena kasello seo. Koko o lekile go mo kgothatša, fela ka le le latelago a timelela a se hlwe a bonala. Yena o be a tlogetše bana bao kagakoko Lesedi Motloung. Go ile gwa kwagala gore mosadi yoo phela bophelo bja "dihobo" kua mekgotheng . Mosadi yo o re o be a kgotleletše bošula bjo ka lebaka la bana.
Koko Motloung o re bana ba ga ba na disetifikeiti tša matswalo. Ge a kgopela thušo go nyakegabohlatsebja kliniking bjo bo laetšago gore ba belegwe neng?Mmagobonale yena ga a na pasa. Tatagobona le yena ga se modudi wa mono Afrika-Borwa. O tšwa Maputo. Bana ga ba tsene sekolo. Godimo ga fao o leka go ba fepa le go ba apeša, fela o a hlaelelwa. Le ge koko a hloka, o re o ikemišeditše go ba thuša ka moo a ka kgonago ka gona ge a sa ntše a phela.
Go ya ka temana ye, tatagobana ba o dirile taba yeo e lego kgahlanong le ye mengwe ya melao ya naga ya geno. Ke tabaefe? 
Ge nkabe o le moetapele wanaga ya geno, o be o ka dira eng ka mothowa go swana le tatagobana ba? 
Na sephetho se se tšerwego ke mmagobana se a amogelega? Fahlela karabo ya gago. 
Sepedi se re: Lebitla la mosadi ke bogadi. Gana goba o dumele seo mmolelo wo o se bolelago, o fe lebaka la karabo ya gago. 
Na bophelo bjadihobo ke bjo bobjang? Hlaloša. 
Ke thuto efe yeo re ithutago yona ka temana ye? 
Karolwana ya 3
Mosadi : Ngwanešo, go reng? Nkane o le ka tsela ye? Gape ga go sa na motho mo. O gwahlafaditšwe ke eng?
Molwetši : Ge nka tloga nka ikhutša bohloko bjo. Ga ke sa kgona.
Mosadi : O se bolele bjalo samma, re sa go rata.
Molwetši : Ga ke sa na maano, ngwanešo. Nka se fole.
Monna : Gape bjo ke bolwetši bjo šoro kudu. Ga bo fole, ga bo na kalafo.
Mosadi : A re beng le tshepo. A re tieng maatla. Ka letšatši le lengwe kalafo e tlo hwetšwa.
Ge nka tloga.Molwetši o ra eng ge a re: 
Ga go sa na mothoGo ya ka polelo ya mosadi, ke go reng go re: . 
Go ya ka polelo ya monna, naa molwetši yo a ka no ba a swerwe ke bolwetši bofe? 
Efa lebaka la karabo ya gago ya mo go 1.17. 
Efa bolwetši bjo bongwe bjo o bo tsebago bja go palela dingaka go bo fodiša ntle le bja mo go 1.18.. 1
PALOMOKA YA KAROLO YA A: [35]
KAROLO YA B
KAKARETŠO
POTŠIŠO 2
Bala temana ye e latelago gomme o re ka dintlhatše LESOME tšeo ye nngwe le ye nngwe ya tšona esa fetego methaladi ye mebedi, o akaretše diteng tša yona mabapi le bophelo bja Naledi. Laetša bokgoni ka go šomiša tlotlontšu ya gago, o sa šomiše mafoko ao a šomišitšwego ka temaneng.
Naledi ke motho yo mofsa, o na le mengwaga ye masomepedinne. O sa na le kgahlego dilong tša bofsa. O rata lapa la gagwe kudu, eupša ka lehlakoreng le lengwe o na le sekgopi se se iphihlilego gore o fetilwe ke boipshino bja bofsa ka gea nyetšwe ka pela . Yena le Lesiba ba gahlane sekolong e sa le baithuti mme a šitwa ke go feleletša dithuto tša gagwe ka ge a ile a ba bothateng bja go ithwala. Go tloga fao go ile gwatla lenyalo leoa ilego a le thabela. O be a bona a šiile dithaka tša gagwe ka tema, a na le maemo a makaone. Morago bana ba ba latelago wa pele ba tla ka lebelo le legolo. Mošomo wa go ba godiša ya ba o montši,wathoma go mo imela. Go bonala e ka lenyalo le mo timile nako ya go ipshina ka bokgarebe le dithaka tša gagwe. Ka go realo o ithwešitše jokoye asešogo alekana go e rwala. Ge a lebelela dithaka tšagagwe lebakeng le di ipshina ka bokgarebe.
Ga ba tsebe maikarabelo le maima a mosadi wa lapa mme ka mešomo ke baoki le barutiši. Bjale o napa a iponagore o fofile moropa o sešo wa lla. O kwa bohloko go fetiša tekano. Go yena go šetšefela " nkabe..." Seo sediregilego se diregile, felabohlale bo tšwa lebading.
PALOMOKA YA KAROLO YA B: [10]
KAROLO YA C
THUTAPOLELO POTŠIŠO 3
Bala temana ye e latelago gore o kgonego araba dipotšišo.
Morena Seboko o tla gae gatee ka ngwaga. Morwa wa gagwe o phela bjalo ka yena. O ipshina kudu ge re mo fepela bana.
Lediredi ke lediri leo le laetšago gore yo mongwe o direla yo mongwe modiro. Tsopola lediri la mohuta woo go tšwa temaneng. 
Bopa leina ka lediri le fepa. 
Šomiša leina le o le bopilego go 3.2, lefokong le le nepagetšego. 
Temaneng go na le lefoko leo go lona go tšwelelago papišo.
Phetla
Tsopola lefoko leo. 
Go bapetšwa eng le eng? 
Lehlathi ke lentšu le le hlalošago gore modiro o diregile bjang, neng, kae? Tsopola go tšwa temaneng, mantšu a a laetšago gore: 3.5.1 (a) modiro o diregile neng ? (b) modiro o diregile bjang? 
kudu3.5.2 Šomiša lehlathi lefokong le le nepagetšego. 
POTŠIŠO 4
Bala temana ye e latelago gore okgonego araba dipotšišo.
Ge a ka ja re tla thaba ka gore seo setla laetša bokaone. Bolwetši bo mofeditše, go šetšehlogo fela. O be a lwalela go tloga. Se se safelego sea hlola. O tla fola.
Lentšu lele ntshofaditswegogo tšwa temaneng le šoma go kopanya mafoko.
Ngwalolla lefoko le le thaletšwego go tšwa temaneng, gomme o šomiše lekopanyi le lengwe sebakeng sa ka gore. Tlhalošo e swane le ya lefoko le le thaletšwego. 
Ge a ka ja re tla thaba, efela ge a ka se je re tla... Ngwalolla karolo ya bobedi ya lefoko o tlaleletše ka lelatodi la maleba. 
Šomiša lelatodi la mo go 4.1.2 lefokong le le nepagetšego. 
Temaneng ye go tšwelela polelo ya pheteletšo.
Tsopola polelo yeo. 
Polelo ya mo go 4.2.1 e ra go reng? 
Go tšwa temaneng, tsopola sekafoko se se laetšago gore o a fola. 
Ngwala sekafoko se se ntshofaditšwego go tšwa lefokong le le latelago ka kganetšo: 
se a hlolaSe se sa felego .
Ngwala lefoko le le latelago, ka lebaka le le fetilego: O tla fola. 
POTŠIŠO 5
Bala temana ye e latelago okgone go araba dipotšišo.
Se mo itie!" Ba letša melodi e le ge masogana a nkgišetšana mahwafa ka peseng.
Ngwala lefoko le le thalešwego go tšwa temaneng ka tumelo. 
Tsopola go tšwa temaneng sekafoko se se laetšago go bethana. 
Ngwala botee bja lentšu le mahwafa. 
Tsopola go tšwa temaneng, sekafoko se se laetšago moo modiro o diregilego gona. 
Lefoko le se mo itie le laetša lentšu lefe go ao a filwego ka fa fase? (kgetha karabo ye e nepagetšego):
a kgopelo b taelo c pego 1
Ngwalolla lefoko le le latelago ka lebaka la letlago. Ba letša melodi. 
PALOMOKA YA KAROLO YA C: [35] PALOMOKA: 80
BOFELO
