MEPUTSO: 100 NAKO: 2½ diiri
Palomoka ya matlakala a dipotšišo ke 5.
DITAELO:
Lephephe le, le na le dikarolo tše tharo e lego A, B le C.
KAROLO YA A: DitaodišoKAROLO YA B: Ditšweletšwa tša tirišano tše teleleKAROLO YA C: Ditšweletšwa tša tiršano tše kopana
Bala dipotšišo ka tlhokomelo gore o se hlahlathe.
Araba potšišo e TEE fela karolong ye nngwe le ye nngwe.
Thoma potšišo ye nngwe le ye nngwe letlakaleng LE LEFSA.
Ngwala ka bothakga le mongwalo wa go balega.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya o tla fiwa meputso ya go rulaganya le palobohlatse.
Hlokomela morero le sebopego sa sengwalwa se sengwe le se sengwe go ya ka go fapana ga dinyakwa tša sona.
Dingwalwa ka moka di ngwalwe ka Sepedi.
KAROLO YA A: DITAODIŠO
Kgetha e TEE ya dihlogo tše di latelago gomme o ngwale taodišo ya botelele bja mantšu ao e ka bago a 350 go iša go a 400.
Ge nka ba moetapele wa lekgotlakemedi la baithuti.
GOBA
Molaotheo wa taolo ya dikolo wa Afrika Borwa o thulana le kgethologanyo ka dikolong. Tiiša taba yeo.
GOBA
Seswantšhong se se latelago baswa ba bonala ba thobile kgobe ka mootlwa. Phurulla sa mafahleng a gago mabapi le tšeo e felago e eba ditlamorago tša mathabo a mohuta wo.
GOBA
Phamokate le Twatši ya go Bolaya Mašole a Mmele (PMK/ TBMM) ke tlhobaboroko nageng ya rena.
GOBA
Tšhelete ya go fiwa bommagobana ke Mmušo e thuša e le ruri. Na o kwana le seo? Etšwa tema.
KAROLO YA A: KAROLO YA B: DITŠWELETŠWA TŠA TIRIŠANO TŠE TELELE
Araba potšišo e TEE go tše nne tše di latelago. Botelele bja karabo ya gago e be mantšu a 180 go iša go a 200.
Go na le kwalakwatšo ya mošomo wa bongwaledi kuranteng ya 'City Press'. Ngwala lengwalo la boitsebišophelo (CV) leo o tlogo le romela atereseng yeo e filwego kuranteng.
GOBA
Hlogo ya sekolo sa geno e go boditše serokaphatla gore a ka se lokolle dipoelo tša barutwana pele go lefša tšhelete ya sekolofisi. Bjalo ka mongwaledi wa lekgotla la baithuti, ngwalela molaodi wa sedikothuto sa geno, o mo hlalosetše taba ye.
GOBA
O seboledisegolo moletlong wa matswalo a mogwerago. Ngwala polelo ya gago ka botlalo.
GOBA
Go be go na le kopano ya kgothekgothe sekolong sa geno moo go bego go bolelwa ka bohodu bjo bo diregago ka gare ga jarata ya sekolo. Bjalo ka mongwaledi wa lekgotlataolo la sekolo, ngwala lenaneothero le metsotso ya kopano yeo.
KAROLO YA B: KAROLO YA C: DITŠWELETŠWA TŠA TIRIŠANO TŠE KOPANA
Araba potšišo e TEE go tše tharo tše di latelago. Botelele bja karabo ya gago e be mantšu a 100 go iša go a 120.
Ke wena molaodipharephare wa khamphani ya go tšweletša dibjana tša mabaibai. Gona mo khamphaning ya lena, go na le sekgoba sa mošomo wa go taka dibjana. Kwalakwatša sekgoba sa mošomo woo wa botaki kuranteng.
GOBA
Batswadi ba gago ba go direla moletlo wa ditebogišo le go go fa tlhohleletšo ge o tšweleletše diphadišanong dipapading tša 'chess' tša naga tšeo di bego di swaretšwe toropong ya Tzaneen. Ngwala karata ya memo yeo o memago bagwera le meloko go tla go thaba le wena.
GOBA
Ka mehla ge o tsena ka dintlwaneng tša boithomelo mo sekolong o kwa monkgo wa muši wo o makatšago. Ka morago ga dinyakišišo o hweditše gore go na le sehlopha sa baithuti seo se šomišago le go rekiša diokobatši mo sekolong. Hlama phoustara yeo e nago le tshedimošo ka kotsi ya tšhomišo ya diokobatši.
KAROLO YA C: 20
PALOMOKA YA TLHAHLOBO: 100
