KGORO YA THUTO YA GAUTENG DITLHAHLOBO TŠA MAREMATLOU
SEPEDI LELEME LA GAE MAEMO A A PHAGAMEGO (Lephephe la Boraro)
NAKO: diiri tše 2½
MEPUTSO:120
DITAELO:
Lephephe le le na le dikarolo tše THARO e lego A, B le C.
Tloga o tsinkela dihlogo le diswantšho ka šedi, pele o ka dira kgetho ya maleba.
Mo go karolo ya C, kgetha puku e TEE fela Go tseba mang? goba Moepathutse.
Kgetha potšišo ya ditsopolwa goba ye telelego tšwa pukung ye o e kgethilego.
Bala dipotšišo ka moka, ka šedi pele o thomagongwala.
KAROLO YA A
DITAODIŠO
POTŠIŠO 1
Kgetha e TEE ya ditaodišo tše di latelago, gomme o ngwale taodišo ya botelele bja matlakala a MABEDIka yona.
Mmalo! Batho ba tla ba fela letšatšing la 26 Disemere ka ngwaga wa 2004 ge tsunami e ba hlasela. Tia di lle.
Tšhireletšo ya badudi ba naga e matsogonga mmušo wa naga yeo. Laodišaka ga matsapa ao Afrika-Borwae a dirago go kgonthiša kgopolo ye ya ka godimo.
Bafsa ba matšatšing a, bophelo bo tloga bo ba emetše ka maoto. Etla natšo.
Dikolo re a di tseba, se sona.. . Aowa ruri!
Kgetha se TEE sa diswantšho tše di latelago ka šedi, o se fe hlogo gomme o ngwale taodišo ya maleba ka sona.
Bjalo ka yo mongwe wa baoba amilwego ke ditaba tše di tšweletšwago seswantšhong se, hlama hlogo ya maleba o iphetolele go se se tšwelelago mo.
Hlama hlogo ya maleba mme o re alele ditaba ka ga yona.
PALOMOKA YA KAROLO YA A: [40]
KAROLO YA B
POTŠIŠO 2
Ngwala lengwalo le TEE go ao a latelago. Botelele bja lona, go akaretša atrese, madume, mmele le thumo di tlale letlakala le TEE.
O sa tšwa go amogela molaetša wa gore morwedi wa gago a ka se fiwe dipoelo tša gagwe tša mafelelo a ngwaga ka ge a se a lefela sekolofisi.
Ngwalela lekgotla la sekolo lengwalo oba tsebiše maemo aditaba ao a dirilego gore o se obamele maikarabelo a gago.
GOBA
O tšwa moletlong moo ba gabomogwerago ba ilego ba go swaragabotse ka gona.
Ngwalela mogwera wa gago lengwalo o mmegele ka ga tšohle tše di go thabišitšegoge o le moletlong woo.
x20= [20] POTŠIŠO 3
Kgetha se TEE sadingwalwana tše tharo tše di latelagoo ngwale ka sona. Botelele bo be go ya ka fao bo filwego:
O yo mongwe wa maphodisa ao a tšwago go swara bakgopedi ba mebileng. O boledišana le yo mongwe wa bona o rata go kwešiša seose mo rometšego mmileng go yo kgopela lebaka e le ge o rata go mo tšwela thušo.
Ngwala poledišano ya lena, botelele bja yona e be letlakala le TEE fela.
Lebelela seswantšho se ka šedio ngwale pego ya maleba kaga ditiragalo tša letšatšing le.
Ngwala polelo ye e ka bago e filwe ke monna yo lefelong leo le bontšhwago a le go lona, ka morago ga mantšu ao a a filego. Botelele bja polelo e be letlakala le TEE fela.
x20= [20] POTŠIŠO 4
Kgetha se TEE sa dingwalwana tše dikopana tše di latelago, o ngwale ka sona. Botelele bja sona bo tla ba go ya ka dinyakwa tša sona.
O sa tšwa go bula kgwebo mo motseng. Thala sehlabelamokgoši seo se tlago go gogela baeti lefelong leo.
O hweditše thekethe go tšwa go balaolasephethephethe ka ge o be o otlela ka lebelo la godimo.
Ba romele fekese yeo o hlalosago mabaka ao a go gapeleditšegogo tshela molao wa tsela.
Re thalele karata ya memo yeo o tlogo laletša batho ka yona.
x10= [10] PALOMOKA YA KAROLO YA B: [50]
KAROLO YA C
Badišiša setsopolwa se ka šedi gore o tle o kgone go araba dipotšišo tše di se latelago:
Phiri a ya a patlama tseleng bjalo ka ge phukubje a ile a dira. Karikana ya tšwelela. Karikana ge e le kgauswi, phiri ka botlatla a tsoša hlogo gore a e bone gore e tlo feta kaegore e se re mohlomongweyamo gata. Kganthe radihlapi kgale a bone phiri. O rile go fihla mo phiri e patlamego a emiša ditonki, a fologa a swere sebepi. A gaša phiri gabedi gararo, a mmoeletša gape. Phiri a re ke beta pelo, fela gwa fihla moo a sa hlwego a kgotlelela. Ya ba monna ke gona ge a mo latswa ka sebepi a sa emiše ... dirope tše, mokokotlo, le hlogo ye, a sa hlwe a kgetha. Phiri o rile go kwa di fiša, a ragoga a tsena lešoka.
Efa lebaka leo le hlohleleditšego phiri go yo patlama tseleng. 
Rakariki o bethile phiri wo šoro. Bothata bjo bja tlaišo ya diphoofolo bo ka thibelwa bjang? Efa boikgopolelo bja gago. 
Hlaloša ka boripana seo se ilego sa hlagela rakariki pele ga mo. 
Bothata bjo bo tšwelelago nonwaneng ye bo hlolwa ke tlala. Ka methaladi ye MERARO laetša ditsela tšeo batho ba ka di latelago go fediša tlala ntle le bosenyi. 
Batho ba go swana le phukubje ba atile kudu metseng ya ditoropong. Dumela / ganetša o lebeletše batho ba profense ya Gauteng. 
Na kgopolo ya phiri ya go itefeletša o bona e le ya maleba? Efa boikgopolelo bja gago. 
Ka boripana methaladi ye MERARO efa semelo sa rakariki go ya ka diteng tša nonwane ye. 
Hlaloša gore Makopo o go ruta eng ka baanegwaba:
Phukubje 
Phiri 
GOBA
Lehlaku le lefsa le ema ka le letala. Tiiša seema se ka go sekaseka ditlwaelo tša setšo tšeo moloko wa lehono o ka di lotago le tšeo o ka di lahlago o tšama o šitlela ka mabaka a go nweša meetse a mokgako. [30]
POTŠIŠO 6
Badišiša setsopolwa se ka šedi gore o tle o kgone go araba dipotšišo tše di se latelago:
Rameriri': "Ya, man, o nyaka go re dira mahodu he?"
O be a bolela bjalo a hwibiditše mahlo a tomoletše Tompane, mo motho wa batho a bilego a makala ka go tšhoga. Go senyegile kae bjale? Go tseba mang?
Efa lebaka leo le beago Rameriri le bagwera ba gagwe mo. 
Efa maikutlo a gago mabapi le karabo yeo o e filego ka go 6.1.1. o be o tšweletše keletšo ya gago go batho ba go swana le boRameriri. 
Ka boripana hlaloša gore bothata bja mohuta wo bo ka thibelwa bjang? Efa boikgopolelo bja gago. 
Efa diphošo tše PEDI tšeo di dirilwego ke T.T. pele ga mo. 
Ka methaladi ye MENE hlaloša seo se ilego sa direga morago ga polelo ye ya Rameriri le bagwera ba gagwe. 
Ge o be o le T.T. o be o tla tšea magato afe morago ga tiragalo yeo o e filego ka go 6.1.5? Efa boikgopolelo bja gago. 
Tšweletša bosenyi bjo bo ilego bja dirwa ke Rameriri le bagwera ba gagwe bjo bo dirilego gore T.T. a tlelwe ke kgopolo ya go boela gae. 
Mmušo wa Afrika-Borwa o šireletša batho ba go swana le boRameriri go kotlo ya lehu mola bona ba bolaya. Na o ka thuša bjang gore molao wo o fetolwe? Efa kgopolo ya gago. 
Ka boripana hlaloša gore pheletšo ya Rameriri le bagwera ba gagwe e bile ye bjang. 
Ka methaladi ye MERARO, re alele semelo sa T.T. ka botlalo. 
GOBA
'Monwana wa go tlwaela go gora ke nkgopo. Tiišetša kgopolo ye ka go laetša kgato ka kgato tema ye e kgathwago ke Sekwala, o tšama o šunyetša mehlala ya maleba go thekga seo o se ngwalago.
PALOMOKA YA KAROLO YA C: [30]
PALOMOKA: 120
BOFELO
