KGORO YA THUTO YA GAUTENG TLHAHLOBO TŠAMAREMATLOU
Lephephe La Bobedi NAKO: diiri tše 3 MEPUTSO: 100
DITAELO:
Lephephe le le arotšwe ka dikarolo tše THARO; e lego A, B, le C.
Potšišo 1 e arabja ke balekwa ka moka.
Mo potšišong ya 2, go ditsopolwa tše NNE tšeo o di filwego, kgetha tše PEDI fela.
Ge o arabile ditsopolwa go karolo B, o tla araba ye telele go karolo C k.g.r. o swanetše go ba le karabo ya ditsopolwa le ye telele.
KAROLO YA A
THETO POTŠIŠO 1 Potšišo ye e arabja ke balekwa ka moka.
Badišiša sereto se ka šedi gore o tle o kgone go araba dipotšišo tše di se latelago:
Wene sebo sa botšhabelo sa bana ba batho,
Seabi sa mahlogonolo a bophelo;
Bona megokgo ya bana ba thari Ramašoko,
Ge ba opela ka tlhonamo le nyamo ya pelo, 5
Mahlo a bona e ke malakabe a mohweleretshipi,
A kgauma kgabo ya mollo ba kgebiša pelo,
Ba opela ba kgopela ka boikgonaro,
Ba llela madi ao a faletšego bana ba mosadi yo moso,
Ba imetšwe ke maswabi ba kgethega megokgo, 10
SEPEDI LELEME LA GAE MAEMO A A PHAGAMEGO (Lephephe La Bobedi) 109-1/2K 3
Ba gopola ba tseba matšo le maboo,. Megopolo e phegeletše ka phegelelo ya pelo, Ba itela mašiwana le maima le mathata, Ba elelwa matete a mohlamonene mahlababaeka, Ba letetše mahlatse bjalo ka phoka, legodimo, Bjalo ka mahlomola mailagohlogamobung, Ba letetše ditlalemeso ka kholofelompsha, Ba ngadile mathabo le megobo le mekgolokwane, Batho ba ba tshwenyegile lerumo le pelong tšabo, Eto labo ke eto le thata gare ga meboto le meedi, Ba opela ba re: "Nkosi sikelel'iAfrika..." 15 20
Efa mohuta wasereto se o be o hlaloše gore ke ka lebaka la engo rekesa mohuta woo. 
Mantšu a alfa le omega a šupa eng go ya ka sereto se? 
Na hlogo ya sereto se e tsebega ka eng? 
Megokgo ye e ukangwago mo seretong se e ka ba e hlolwa ke eng? 
Batho baba ukangwago mo ke bomang? 
Ge o bona dikgopelo tša bona di ile tša sekegelwa tsebe? Efa boikgopolelo bja gago. 
Efa mohlala wa sekapolelo seo se tšweletšwago mothalothetong wa 6 o be o laetše gore se šomišitšwe bjang. 
Efa mohlala o TEE wa poeletšoyamothalotheto. 
Kgetha ditsopolwa tše PEDI fela.
Badišiša setsopolwa se ka šedi gore o tle o kgone go araba dipotšišo tše di latelago:
Efa maikutlo a sereti go ya ka ditematheto tše. 
Ntšha mothalotheto wo o tšweletšago poeletšo ya tumammogo o be o e thalele. 
Efa seswantšhokgopolo seo se tšwelelago temathetong ya mathomo. 
Efa mohlala wa sekapolelo seo se tšwelelago mothalothetong wa bobedi. 
Efa mehola ye MEBEDI ya seretwa. 
Sereti se kgopela seretwa gore se dire eng? Efa dintlha tše PEDI. 
Na o kwana le sereti ge se efa seretwa dikeletšo tšeo o di filego ka go 2.1.7? Efa boikgopolelo bja gago. 
Efa moko wa sereto se ka boripana ka methaladi ye MENE. 
SEPEDI LELEME LA GAE MAEMO A A PHAGAMEGO (Lephephe La Bobedi) 109-1/2K 5
Bala setsopolwa se ka šedi o kgone go fetola dipotšišo tše di latelago:
Ge e le bokgope, le maledung bo a dula. Le tšešo ga ke sa di nyaka, di tla mpakela senyama. Ke tla kokotlela, ka ba ka kokotletša; Lehono ge a sepetše, go lokile! 3
Ke Mmopi a kwelego sello sa ka. O mpone ge ke dutše magala, a ntšhokela; O mpone ge ke tšholla ya madi mahlong, a se rate; Lehono ge a sepetše, go lokile! 6
Ke sello sa eng seo se ukangwago mo mothalothetong wa 5? 
Na o bona legato leo le tšerwego ke sereti e le la maleba? Efa boikgopolelo bja gago. 
bokgope le maledung bo a dulaSereti se šupa eng ge se re ? 
tšaboNa wena o a dumela ge sereti se re di tla mmakela senyama? Thekga karabo ya gago. 
Ge o lebeletše motho yo go thwego ge a sepetše go lokile, o tla boa? Efa lebaka la karabo ya gago. 
Bothata bjo bo tšwelelago seretong se, o bona bo ka rarollwa bjang? Efa kgopolo ya gago. 
Ke magato afe ao a bego a ka tšewa ke sereti go efoga bothata bjo a bego a lebane nabjo? Efa dintlha tše PEDI. 
Ntšha mothalotheto wo o laetšago gore sereti se be se otile, o be o hlaloše gore o be a otišwa ke eng. 
Efa mehlala ye MEBEDI ya poeletšo. 
Efa morumokwano wo o tšwelelago mo ditemathetong tše o be o fe le mohlala wa wona. 
SEPEDI LELEME LA GAE MAEMO A A PHAGAMEGO (Lephephe La Bobedi) 109-1/2K 6
Bala setsopolwa se se latelago, o tle o tsebe go araba dipotšišo tše di latelago.
Se mo segeng ke motho, O belegwe ke batho, A hloka mahlatse bja ka nna le wene, A diila maru a lerato le tlhokomelo, Goba ba mmelegi ba hlalane, Ba se sa tšeelana mello, Ba mmolaiša phefo ya kgakanego, A itira setseketseke, Goba a fetwa ke riba la bophelo. O fetogile mohlaki, A nyentšha bontši, A nkgela meloko bokapodile, Phetšong a ingala, A ba mohlokaboyo mošiabatho. 3 6 9 12
Ka methaladi ye e ka bago ye MEBEDI, efa tlhalošo ya lelalaphaephe. 
Ge o bona ke ka lebaka le eng ge batho ba be ba šišingwa motho yo? Efa dintlha tše PEDI o šomiša boikgopolelo bja gago. 
diila phefoMantšu a le a šupa eng go ya ka sereto se? 
Na wena ge o be o le lelalaphaephe o be o tla dirang gore o tšwe mathateng? Efa kgopolo ya gago. 
Mo batswading ba lelalaphaephe ke ofe yo a swanelwago ke go mo fa maru a lerato le tlhokomelo? Thekga karabo ya gago. 
Efa mohlala wa sekapolelo wo o tšwelelago mothalothetong wa 9. 
Efa mohlala wa poeletšo ya tumammogo o be o e thalele. 
Go ya ka sereto se lelalaphaephe ke ngwana goba motho yo mogolo? Šitlela karabo ya gago ka go tsopola mothalotheto wo o tiišetšago karabo ya gago. 
Na molaetša wa sereto se ke ofe? 
Efa mohuta wa sereto se. 
SEPEDI LELEME LA GAE MAEMO A A PHAGAMEGO (Lephephe La Bobedi) 109-1/2K 7
Bala setsopolwa se se latelago gore o tle o kgone go araba dipotšišo tše di latelago.
Sa gago sello se amogetšwe, Sa ka le sona wa amogela, Tša ka ditiro ke lekile; Ke rata go tiišetša la rena, Lona la nnete lerato. 3
Mathata re lekile, Kgotlelelo ya hlokega, Maimeng ra leka; Le ge go padile, Ya gago kholofelo e kae? 6 9
Sello seo se ukangwago mothalothetong wa 1 se ka be se hlotšwe ke eng? Efa kgopolo ya gago. 
Ge o bona maikutlo a sereti ke afe mabapi le motho yo a bolelago ka yena mo seretong se? Hlaloša. 
Efa seema seo se ka emelwago ke mothalotheto wa 1 o be o laetše le tšhomišo ya sona. 
Sereto se se hlohleletša eng ge o bona? 
Ka dintlha tše NNE efa semelo sa motho yo a retwago fa. 
Na o be o ka thuša batho ba go rarolla mathata a bona bjang? Efa boikgopolelo bja gago. 
Ge o be o le sereti o be o tla dira eng gore motho yo a dire tše o di nyakago? Efa kgopolo ya gago. 
Efa mohuta wa sereto se, o be o fe lebaka la gore ke eng o re ke sa mohuta woo. 
Ka methaladi ye MERARO efa moko wa sereto se. 
PALOMOKA YA KAROLO YA A: 10 + 15 + 15 = [40]
KAROLO YA B
TERAMA
POTŠIŠO 3
Kgetha potšišo e TEE mo karolong ye.
A mo swina ngwanana' thakana - M.S Serudu
Badišiša ditsopolwa tše di latelago gore o tle o kgone go araba dipotšišo tše di di latelago:
Setsopolwa A
Segola: : Se ipolaiše pelo, Mma, tšohle di tla loka. Ge e le gore o holofetše go re amoga tša borena, a ka se kgone, (O leka go mo homotša)
Mologadi: : Le se ke la mo dira selo hle, banake! Le se itšeele madimabe a gagwe laikgaphetša ka ona. Modimo o tla mo otla. Letšwa la tšhiwana le bewa ke Modimo. (O a tšhoga)
Modupi: : Re ka se mo lese, Mma. Ge tate a ka se theeletše se re tlogo boledišana le yena ka sona, re ka se mo tlogele. Ai, e be e le selo mang na! Le mmagwe o šetše a ipona e le mmalebenkele a eja a šadiša. Le ge o gahlana naye a ka se go dumediše. Badiitšana bao, ba nyaka go ikweša bohumi ka rena. Ke re re tlo mo swina yola! (Ka pefelo)
Mologadi: : Se tšewe ke madi, Modupi. Ba tlogele ba le bjalo. Rena a re hutšeng fela gore tatagolena o tla re ge re bolela naye a re sekegela tsebe. Tša go lwa di ka se rarolle mathata a rena. Lena tsogelang go rangwane Thomo le mo tsebiše gore ke nyaka go mmona. (Ka go tiišetša)
Modupi: Go lokile, Mma. Re tla phetha ka moo o kgopelago.
Segola: Go sa na le tabanyana ye nngwe yeo ke nyakago go e tseba go lena, Mma.
Segola le Modupi ba be ba kgopela Mologadi eng? 
Na seo ba bego ba dira kgopelo ye ka sona ba ile ba atlega? 
letšwa la tšhiwana le bewa ke ModimoMologadi o šupa eng ge a re: ? 
Efa dintlha tše PEDI tšeo di ilego tša hlagela Lekope go tiišetša mantšu a Mologadi ka go 3.1.3. 
Na o be o ka thuša Mologadi bjang mo bothateng bja mohuta wo? Efa kgopolo ya gago. 
Ge o bona barwa ba Lekope ba swanetše go tšea legato lefe go kgaoganya Lekope le Mmatlala? Efa kgopolo ya gago. 
Na ke eng seo se bego se diriša Lekope bošaedi bjo? 
Ge o be o le mogwera wa Mmatlala o be o tla mo eletša bjang? 
Setsopolwa B SEPEDI LELEME LA GAE MAEMO A A PHAGAMEGO (Lephephe La Bobedi) 109-1/2K
Nadinadi: Ke a tloga bjale, le šale le inagana. Ga ke rogwe ke tše di se nago meno. Wa ka o tla kitima mekgotheng a itšwele, tadi e amuša tatšana!
Modupi: Ijoo! Lehono gona re kwa diphiri.tsoga? Kganthe mokgalabje tena le wena o a
Naninadi: : O tla bona mmago, mošaa, tšwela pele o nthoge. Mpho! (O tshwa mare). O tla di bona.. (O befetšwe) (O a tšwa o šala mosadi wa gagwe morago)
Mologadi: Sepela le dithuri tšeo tša gago. Nna o ka se nkgone. O tlogele bana ba ka, ka gore le tlwaetše go dira bana ba batho dithuri tša go le šomela!
Nadinadi: : O go swinne Lekope! O tla šala o eja nta o šeba ka legai.. (O bolela a le kgojana) (O a sobelela)
Segola: (O lebeletše mmagwe): O se ke wa tshwenyega, Mma. Bale ba ka se dire selo. Ge e le tate yena, o wetše masobelong a motšoko. Selo sela a rego ke mosadi se tlo mmintšha mmantshegele.
Modupi: Ke nkajamonkanona! Yena o nyaka go hula mokgalabje yo morago ga moo a mo lahlele kua bjalo ka sesohlo.
Nadinadi o be a tlile go dirang ga Lekope? 
Ge o be o le Mologadi o be o tla dirang ge Nadinadi a go tšhela ka ditaba tše o di filego ka go 3.1.9? Efa kgopolo ya gago. 
itšwele Nadinadi o šupa eng ge a re: ? wa ka o tla kitima mekgotheng a 
Na o a dumela gore dilo tšeo Nadinadi a di bolelago a ka di dira? Fahlela. 
Ka methaladi ye MEBEDI, efa semelo sa Nadinadi. 
Serudu o go rutang ka batho ba go swana le boNadinadi? 
Taba ye ya Nadinadi e godiša bothata bja tiragatšo ye bjang? 
Setsopolwa C:
Pebetse: Bjale ge boNadinadi ba topa tša fase bjale o tla mo fa eng?
Mmatlala: Yena o a tseba. BoNadinadi ke dikwefa tša kgale. Go ka se makatše ge le mošwang wa matuba a ka o rekiša ka kua gae.
Pebetse: A ye kua! Ditšhweu di tla mo topa a yo ja lekokoro.
Mmatlala: Ijo, Mma, re duletše dikgang mokhwi, ke lebetše le go išetša Lekope dijo tša mosegare.
Pebetse: Dira ka pela, ngwanaka. Monna o thopša ka mpa le lerato. Ge o ka se dire bjalo, dithaka di tla mo thaula wa swaba.
Mmatlala: Go lokile, Mma, e re ke dire ka pela. (Mmatlala o a tšwa).
Pebetse: : Lehono gona ke mmoditše. Ge e le mosadi o tla gara thetho. Go ja go ganwa ke mang? Ba tla re go aga ntlo ya bona, ba be ba nkagela ya ka. Legona ke nyaka gore ba e age kgole le mefefa ye. O a aketša Lekope o wetše ka mokhwi.. Re tla mo gama a be a fuša! . (O bolela a nnoši) (O šupa ka gare ga seatla) (O a tšwa)
lehono gona ke mmoditšePebetse o re: . Mmatlala? Efa dintlha tše NNE. Na ke eng seo a boditšego 
Efa semelo sa Pebetse go ya ka setsopolwa se. 
Batswadi ba go swana le Pebetse o ka ba thuša bjang gore ba lahle mekgwa ya bona? Efa kgopolo ya gago. 
Mmatlala o ile a dira eng morago ga poledišano ye? 
Re tla mo gama a be a fuša Efa ntlha e TEE yeo e tiišetšago gore mantšu a a Pebetse e bile therešo: ! [30] 
GOBA
PALOMOKA YA KAROLO YA B: Poledišano le Polelonoši ke ditlabelo tše bohlokwa tša tiragatšo. Na o bona eke Serudu o etše taba ye hloko ge a hlama tiragatšo ye? Re alele! [30]
KAROLO YA C
Ge o arabile ditsopolwa karolong ya B, o tla araba ye telele karolong ye.
Badišisša ditsopolwa tše di latelago gore o tle o kgone go araba dipotšišo tše di di latelago:
Setsopolwa A
Ke eng, o a lwala?" Rragwe a mmotšiša ge a mmona morago ga ge a goroga gae.
Hlogo. Ke rengwa ke hlogo e šoro." Bubblesa re go araba bjalo aipotšišagore keeng a hwetša a swanetše go phela kamaaka ka mokgwa wo go feta nakong ka mokaya bophelo bjo bo fetilego.
Ka methaladi ye MEBEDI, Hlaloša gore o be a ile ka morero ofe go lefelo leo o le filego ka go 4.1.1. 
Bubbles o be a letšwa ke eng? Hlaloša. 
Morago ga fa Bubbles o ile a dira eng seo se ilego sa nyamiša rragwe? 
Na o bona Bubbles a tšere legato la maleba ka go dira seo? Efa boikgopolelo bja gago. 
Morago ga ge Bubbles a seno mo hlalošetša ka fao a sepetšego ka gona Noko o ile a dirang? 
Ge o lebeletše, Noko o bona e le motswadi yo o ka mo fago dikeletšo ka bana ba gagwe? Efa kgopolo ya gago. 
SEPEDI LELEME LA GAE MAEMO A A PHAGAMEGO (Lephephe La Bobedi) 109-1/2K
Setsopolwa B
Ga o bolele selo wena! Eya o yo tšea morwediago a tle go thuša morerong wo." A ba akaretša ka moka bjale: "Le na le barwedi le lena, eyang le ba tšee go tlo le thuša." A re go realo a tšwa ka phapošing yeo ba kgobokanego ka go yona, a tloga ka sekgame, a ya go inotlelela kaphapošing ya gagwe.
Banna ba šala ba lebelelane. Lethabo la go hwetša sengwalwa le be le sentše ke go kwa ka tseboyaAriel Meso, kamokgwa wo Bubblesa rilego go fihla a ba botša.
Ke mang yo go thwego ga a bolele selo? 
Bubbles o swanetše go thuša ka eng? 
Ge o be o le Bubbles o be o tla thuša? Efa lebaka la karabo ya gago. 
Banna ba bangwe bao ba bego ba le gona ke bomang? Efa maina a
MABEDI. 
Ntšha maikutlo a gago mabapi le motswadi wa go swana le Noko. 
Na sindikheithi e ile ya atlega morerong wo o ukangwago mo setsopolweng se? Hlaloša. 
Sengwalwa sindikheithi e se hweditše bjang? 
Setsopolwa C
O re ga go yo a ka re naganelago gore re ka ba re tlile go wona?" Ariel a botšiša ka pelaelo.
Aowa. Ga ba tsebe selo ka wona." Bubbles a bolela ka boitshepho.
Gwa latela setunyana.
Bubbles, felo mola re be re reilwe, re no wela molabeng."
Bubbles le Ariel ba be ba ya go dirang Majaneng?
SEPEDI LELEME LA GAE MAEMO A A PHAGAMEGO (Lephephe La Bobedi) 109-1/2K 13
Go ya ka karabo yeo o e filego ka go 4.1.15 efa mabaka a MABEDI ao a ba gapeleditšego go ya lefelong le. 
Hlaloša seo se diragetšego pele ba leba Majaneng. 
Sindikheithi e ile ya tseba bjang gore ba ile Majaneng? 
Morago ga go lemoga lefelo le ba tšere magato afe? Efa dintlha tše PEDI. 
Go tseba ga Sindikheithi ka Majaneng go rarolla bothata bja paditseka ye bjang? 
GOBA
Kekana o kgonne go kgetha baanegwa ba madi le nama bao ba emetšego bophelo bja nnete. Go tiiša kgopolo ye, ala semelo sa Bubbles.
PALOMOKA YA KAROLO YA C: [30]
BOFELO
