KGORO YA THUTO YA GAUTENG DITLHAHLOBO TŠA MAREMATLOU
DITAELO:
Tlhahlobo ye e na le dikarolo tše THARO e lego A, B le C.
Hlokomela seo o swanetšego go se dira karolong ye nngwe le ye nngwe.
Itswalanye le dipotšišo pele o ka di araba.
Šomiša polelo ya maleba ye e hlwekilego.
Tatelano ya dikarabo e swane le ya dipotšišo.
Karabo ya potšišoye nngwe le ye nngweethongwe letlakaleng la yona.
KAROLO YA A
TEKATLHAOLOGANYO POTŠIŠO 1
Bala ditemana tšeo di latelago ka šedi gore o tle o kgone go araba dipotšišo.
MonwanawaMokgekolo Moyalepelo o lapile go kokota mojakongwabadirelaleago ge a kgopela thušo ya mašeleng go fepa ditlogolo. KeLabonemo motsengwaPotlatlalaka Mpumalanga. Ka bjako go tšwelela sehlophana sa bašemanyana ba go diša dipudi. Ba bonagala ba hubaka ge ba boela gae go tšwa sekolong. Ba bararo ba bona ba tepogela lapeng la mokgekolo Moyalepelo. Go fihleng ga bona ke go lahla dibuka, ka go itlhaganela ba hlobola diaporo tša sekolo ba apara tša gae tša mankgeretla. Bašemane ba bararo ba itokišetšago ya lefelong la go lahlela ditlakala e lego letlala la motse woo. Magareng gaditlakala tše go na letšeo di tlogago di tanya šedi e lego mafofa, dihlogwana tša dikgogo, malana gammogole dikgogwanatšeo di sa feletšego, tšeo di lahliwego go tšwa Fektoring ya go hlaba dikgogo.
Go bonagalabaagi ba moo ba bile ba tseba letšatši leo lori ya go lahla ditlakala e tlago ka lona. Ba atiša go e bona ge e tšholladitlakala. Mahlatse ke ge o ka fihla ka pela, o tla hwetša dikarolwana tša dikgogo tše di kaonekaone. Ge o ka ba kolobe ya lešalamorago, o tlo humana e le semphetekegofete. Mmalo! Lefelo le gape le swana le mo go bapalelwago papadi ya wrestling. Bana ba lwela dinama tša mabodi, dintšhi tše ditala tša go nona le monkgo wa go tlabatlabiša dibete ga se tšeo di tshwenyago bao ba bakago dinamanatšeo o ka rego ke balwi ba ka mosakong. Mongwe waditlogolo tša Moyalepelo o ile a robega letsogo tlhakatlhakanongyeo. Ge dikarolwana tše di sena go topša, di lokelwa ka mekotleng,ge batopi ba kgotsofetše, ba tlatloga lefelong leo ka o tee kao tee.
Mokgekolo Moyalepelo ke mmagobana ba bararo ebile ga a šome, ga a hwetšele mphiwafela. O dula le ditlogolo tše tlhano. Ba bararo ba bona ba thomile bošuwana bja bona mengwageng ye meraro ya go feta. Mmagobona o hlokofetše ka seo se bitšwago malwetšia matšatši a. Ba babedi ba dula le yenaka lebaka la gore mmagobona o bakwa le badimo. Ge yo mongwe wa ditlogolo a nyakana le dieta, Moyalepelo, wa mengwaga ye masometshela, o hlaloša gore ga a rate ge ditlogolo di topelela mabodi letlaleng, efela ga gona seo a ka sedirago go thibela mokgwa wo. O hlaloša gore ba bolawake tlala. O re ga a tsebe gore a hlalošetše badirelaleagobjang pele ba mo kwešiša? O a dumela gore dinama tše di bodilego e ka ba mpholo go bona. Efela o tla fepa ditlogolo ka eng ntle le mabodi ao ba a topelelago? Ge o re o lebelela mokgekolo yo, letlalo la gagwe le a phadima, diatla le melomo di omeletše e bile di a palega. Ruri o tloga a bontšha dika tša bolwetši bja tlhakgama. O fela a megokgo iphumola megokgo ge a hlaloša seemo sa ka lapeng la gagwe. O re ke setlogolo se tee fela seo se humanago tšhelete ya go tšwa mmušong ya phepo. Tšhelete yeo e ba thuša go reka lesaka la bupi fela. Mokgekolo o hlaloša bjalo, ba dutše sebešong moo pitša ya maoto a mararo e šutšago. "Re reka bupi fela, ge e le sešebo, re šetše re re teng ga go fahlwe, wona mabodi a, a lokile.
Go ya ka molao mokgekolo Moyalepelo o swanelwa ke go humana mphiwafela. Seo ga se kgonegeka lebaka la gore letšatši la gagwe la matswalo leo le tšwelelago mo pukwaneng ya boitsebišo ya kgale ga le swane le le le tšwelelago pukwaneng ya boitsebišo yempsha. Ya kgalee laetša gore o belegweka 1943 mola ye mpshae laetša 1949. O lekile tekano ya mengwaga ye meraro ya go feta go hlaloša phošo ye, efela ga go nko ye e tšwago lemina. Phošo ye e fokotša kgonagala ya gagwe ya go hwetša mphiwafela ka mengwaga ye tshela. Ke nnetegore moroto watšhiwana o elela le leeto.
O ile a leka go ya go modirelaleago go kgopelela ditlogolo tša gagwe tšhelete ya phepo ntle le katlego. Phetolo ye e tšwago go modirelaleago ke ya gore Moyalepelo o swanetše go kgonthiša gore batlogolo ba gagwe ke ditšhiololo esego ditšhiwanafela. O swanetše go yo nyakatatago ditlogolo goreebeyena a tlogo lefela tšhelete ya phepo. Ba hlaloša gore Moyalepelo a ka se kgone go ngwadišwa bjalo ka mohlokomedi wa ditlogolo tša gagwe ntle le kgonthišišo ya gore batswadi ka bobedi ba hlokofetše. Bothatabja Moyalepelo ke gore yenagasenke a bonamokgonyana yoo wa gagwewa phoko le mokgoši ka mahlo, kekgale a tsene ka mongawa seloko. Go ya ka badirelaleago, disetifikeiti tša matswalo le sa mmagobona sa go laetša gore o ile moletemohlaelathupagammogo leboikano go tšwa maphodiseng(Afidaviti) go laetša gore Moyalepelo ke yena mohlokomedi wa bana legore ga a tsebe gore tatago bana ba o kae, ga di thuše go rarolla mathataa gagwe.
Bangwadi ba kuranta ya The star ba ithaopile go felegetša Moyalepelo dikantorong tša badirelaleago ba motse woo ka ge kgwedi ya Oktoboro e le kgwedi ya mmušo ya go kwalakwatša kaonafalo ya ditirelo lekaleng leo.
Ge ba tsena ka kantorong, le ge ba ile badumediša modirelaleago yo ba mo hweditšego, yena o ile a se buše madume ao ka ge a be a lemogile gore Moyalepelo o tšwa go bega phapano ya bona go batho ba bangwe. Ge arokolla molomo a re: "Ke le thuša ka eng?" Moyalepelo a thoma go hlaloša ditaba tšeo a lekilego go mo hlalošetša mengwageng ye meraro ya go feta. Re rile re sa theeleditše tlhalošo ya Moyalepelo, gwa lla mogala. Modirelalego a o topa. Re ile ra tšidifala ka moo a ilego a fetola mogala woo, O ile a re: "Ke tsebile gore ke wena. Ke kwele le mading ge founu ye ella gore ke wena. Eng! Ke tselengyago tla kgorong yatsheko ya bana. Ntle le go re hlalošetša goba gona go kgopela tshwarelo, modirelaleago o ile a tšwa. Re lekile go mmotšiša gore o ya kae le gore o tla boa neng efela a se re fetole, a sobelela. Morago ga diiri tše tharo o ile a boa. Ga se go re thuše selo ka ge phetolo e bile yona yela Moyalepelo a e tsebago.
Boraditaba ba rile go lahla Moyalepelo ga gagwe, baleba lekaleng la tša leago leo le okametšego motsaneng wo wa Potlatlala. Seboleledi sa MEC se ile sa re: "Go bothata go faMoyalepelo tšhelete ya phepo re sena lebohlatse bjagoretatagobona o hlokofetše. Tšhelete ya phepo ya bana e fiwa ditšhiololo e sego ditšhiwana."
Na motho yo a swerwego ke bolwetši bja tlhakgama o lebelelegabjang? 
Hlaloša mebolelwana yeo e ntshofaditšwego. 
Bolwetši bja AIDS bo ka tšewa bjalo ka bjo bongwe bja malwetši a matšatši a. Na motho a ka diraeng go itšhireletša bolwetšing bjo. 
Segagešo se re: Moroto wa tšhiwana o rarela le leoto. Kgonthišiša bonnete bja seema se ka go tšweletša mathata a mararo ao Moyalepelo a nago nao. 
Modireleleago yo a hlalošwago ka godimo, ga a na botho. Tsopola ditiro tše THARO tšeo di thekgago kgopolo ye. 
Tšweletša phapano magareng a tšhiwana le tšhiololo. 
Ke eng seo se hlohleleditšegobangwadi / boraditaba go felegetša Moyalepelo dikantorong tša badirelaleago? 
Kgato ye ya fektori ya go lahlela ditlakala tša yona kgauswi le motse wa Potlatlala e gataka tokelo efe ya baagi ba mo? 
Kotsi yeo e ka hlolwago ke go topelela moletlalengkeefe? 
Na ke kgato efe yeo e bego e ka tšewa ke Moyalepelo go efoga go romela ditlogolo letlaleng? 
PALOMOKA YA KAROLO YA A: [30]
KAROLO YA B
KAKARETŠO
POTŠIŠO 2
Akaretša temana tše di latelago ka TEMANAYA METHALADI YE TSHELA,moo wo mongwe le wo mongwe o tšweletšago kgopolo ya go laetša mathata ao tlhomo ya dihostele e ka a tlišago go baagi ba tikologo.
TLHOMO YA DIHOSTELE MAFELONG A MEEPO
Dihostele gotloga kgale,ke tlhobaboroko metseng yeo di agilwego goyona. Di hlola mathata a mantši go feta ao di thušago go a rarolla. Go ya ka badudi ba tšona, di ba phuthile ba na le mo ba fihlago hlogo gona. Bašomi gantši ga ba rate go aga metse mo ditoropong. Sebase nyakago ke mošomo le bodulofela mola nako le nako ba fela ba eya fao ba go bitšago gae, mo ba agilego dintlole malapa gona.
Go ya kabaagi ba tikologo goba metse yeo dihostele di agilwegogona, di fetoga lerumo le bohloko. Badudi ba tšona ba latofatšwa ka go tšeela baagi mešomo. Go ngongoregwa ka gore ba tliša ditšo tše dintšintši tšeo ba sego ba di tlwaela. Matšatši ao ba ikhuditšego, go na le gore ba ye magae, ba tla dula ka dihlophahlophana go ya ka merafe, ba thome ba re ba tšea mahlo a tšhipa, ba feleletše ka go tšea tšhipa ka moka ga yona. Seo se latelago e tla ba dintwatšeodi kekelago go baagi. Ba bangwe ba ka thoma kgwebo ya thekišo ya diokobatši, tšeo bareki le barekiši ba tšona e ka bago bafsa ba tikologo ya motse. Ka go dira seo ba oketša maitshwaro a mabe mo tikologong ye ba lego go yona. Ba bangwe ba na le mokgwa wa go ipha makgarebe goba basadi ba motse gommeseo se ka thubamalapa le go kgaoganya baratani, le gokweša bao ba amegagobohloko. Bohloko bja mohutawoo bo katliša kgatelelo ya monagano go batho bao ba amegago. Ka lebaka la go rua batho ba bantši ba go fapana, dihosteleeka ba mothopo wa phatlalatšo ya malwetši a matšaši a a go re feletša setšhaba.
Ge monna wa lapa a dula kgole le ga gagwe, bana ba hloka motho yo ba ka ikamanyago le yena kudugeba santše ba gola. Tatagobonao fetogilemofeta - katsela yo a tlago fela ka go ba fadijo e sego lerato le tlhokomelo ya botswadi.
Botsebotse, go agwa ga dihostele ga go sa le ka molaong. Mmušo o fedišitše go hlongwa ga dihostele gomme lebakeng le o swaragane le go fetoladihosteletšeo di legogona go ba magaefao banna le basadi gammogo le bana ba kagodula mmogo.
PALOMOKA YA KAROLO YA B: [10]
KAROLO YA C
THUTAPOLELO
POTŠIŠO 3
Lebelelaseswantšho se se latelago o be o balepoledišano gore o tle o kgonego araba dipotšišo.
AowaTsopola sekafoko moo lentšu le le šomilego bjalo ka:
Leina la motho 
Lelahlelwa la kganetšo 
Hlaola dikafoko tšeo di laetšago medirišo ye e latelago
Modirišokgopelo
Modirišopego
Modirišotaelo
Tliša dikafoko tša ka godimo ka kganetšo 
POTŠIŠO 4
Bala temana ye e latelago gomme o tsebe go fetola dipotšišo.
Banna ba gorogile maabanemanthapama. Ba begile gore ba sepetše gabotse leetong la bona. Ba be ba lapile kudu ge ba goroga. Re tla ya gae gosasa go yo ba bona. Re dula le bona motseng o tee efela ba dula kgole le rena. Go goroga ga bona ba go begile gantši kua kgorong. Taba yeo e kwagetše ka kudu. Ke kwele le ka ba bangwe ba bona bao ba tsomago ka dimpša.
Mahlathi ke mantšu ao a hlathago madiri, a bile a na le mokgwa wa go fetola dipotšišo. Ngwalolla go tšwa temaneng mantšu ao afetolago potšišo ya:
Kae? (A mane) 
Neng? (A mararo) 
Bjang: (A mararo) 
POTŠIŠO 5
Bala temana ye e latelago ka šedi gore o tle o arabe dipotšišo.
Morutiši o šetše a ngwala letlapeng gebana ba ntše ba raloka. Barutiši ba bangwe ba hlwa ba diša bana ge ba itšhidulla gore ba se gobale. Ge sekolo se tšwile bana ba rata go bapala pele ba eyagae. Sekolo se tla bulwa gosasa ka iri ya bošupa.
Hlaola dihlophantšu tše di nago le mathuši o be o a thalele. 
Šomiša mathuši a ka godimo mafokong bjalo ka madiri mo mafokong a gago a go kwagala. 
POTŠIŠO 6
Bala temana ye e latelago ka šedi gore o tle o arabe dipotšišo.
Motseng wa Mapatšakeng go rena manyami ka ge bontši bja badudi e le badiidi. Bontši bja batho moo ba apara diaparo tša mankgeretla. Gona mo motseng go na le mosadi wasethakga wa seroto, yo a tsogelago mašemong a swere letšepe. Yena o bile mašoto ngwageng wa go feta ka ge a bunne mabele a mantši. O tloga a hutša gore o tlabuna mabelea mantši ngwageng wo o tlago. Batho ba motsewobatloga ba nyatša molaowa kgoši. Ba re go nyatša moo go dirwa kegego na le mašoboroamantši.
Ngwalolla dikafokomoo go tšonago nago le mantšu aa ngwadilwego ka boso, o re legatong la mantšu a a ntshofaditšwego o šomiše a mangwe a go ba le tlhalošo ye e swanago le ona (Mahlalosagotee). 
Ngwala lelatodi la lentšu le lengwe le le lengwe la ao a thaletšwego. 
POTŠIŠO 7
Ngwala lentšu le lekaone go ao a thaletšwego.
Ngwalolla temana yeo elatelago, o kgethe lentšu le lekaone goaoa lego ka mašakaneng, go dira gore temana ye e kwešišege. 1 x 5 = 
Ge (bahlahlobi / batlhahlobi) ba (e tla / etla) dikolong ba swara dibuka le difaele tše (dintši / dintšhi). Ge ba fihla sekolong, barutiši ba bangwe ba ba swara matsogo ka go setliše mešomo ya bona (kapela /kapela). Gapebarutiši ba rena ba swarabaeng (ga botse / gabotse). Motho yo a utswitšego pene ya ka ke tla mo swara tšatši le lengwe. Baeng bao ba tlilego lenyaga ke ba lebetše, efela ke tla ba swara ka moso.
Tlhaloso ya lentšu le swara e šutišitšwe mo temaneng ye e ka godimo. Efa tlhalošo ya lona makgeng a mahlano moo le šomišitšwego. 1 x 5 = 
Ngwala mantšu ao a nepagetšego sebakeng sa ao a thaletšwego. 1 x 5 = 
Mogwera wa ka o ile a nromela karata go ntebogiša ka leitšibulo la ka. Leseana la ka le fepiwa ka lebese. Leina la lona ke Selelo. Ge baagišani ba tlo mobana, ba mo fa dimfo tša Mohutahuta.
PALOMOKA YA KAROLO YA C: [60]
PALOMOKA: 100
BOFELO
