MEPUTSO: 100 NAKO: 2½ diiri
Palomoka ya matlakala a dipotšišo ke 5.
DITAELO:
Lephephe le, le na le dikarolo tše tharo e lego A, B le C.
KAROLO YA A: DitaodišoKAROLO YA B: Ditšweletšwa tša tirišano tše teleleKAROLO YA C: Ditšweletšwa tša tiršano tše kopana
Bala dipotšišo ka tlhokomelo gore o se hlahlathe.
Araba potšišo e TEE fela karolong ye nngwe le ye nngwe.
Thoma potšišo ye nngwe le ye nngwe letlakaleng LE LEFSA.
Ngwala ka bothakga le mongwalo wa go balega.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya o tla fiwa meputso ya go rulaganya le palobohlatse.
Hlokomela morero le sebopego sa sengwalwa se sengwe le se sengwe go ya ka go fapana ga dinyakwa tša sona.
Dingwalwa ka moka di ngwalwe ka Sepedi.
KAROLO YA A: DITAODIŠO
Kgetha eTEE ya dihlogo tše di latelago gomme o ngwale taodišo ya botelele bja mantšu ao e ka bago a 350 go iša go a 400.
Kgethologanyo ya bong mešomong e swanetše go fedišwa.
GOBA
MaAfrika Borwa a bontšhitše bokgoni diphadišanong tša go fapafapana tša boditšhaba". Fahlela.
GOBA
Rakoma (1980:155) pukung ya Marema - ka - dika, o re: "Lebitla la mosadi ke bogadi". Na molaetša wo o gata ka mošito o tee le molaotheo wa naga ya geno ya Afrika Borwa? Tia di lle.
GOBA
Ntšha sa mafahleng a gago mabapi le seswantšho se se latelago:
GOBA
Ngwala taodišo yeo e felelago ka mantšuphaphara! Ka hwetša gore e be e le toro fela". a: "Ge ke re
KAROLO YA B: DITŠWELETŠWA TŠA TIRIŠANO TŠE TELELE
Araba potšišo eTEE go tše nne tše di latelago. Botelele bja karabo ya gago e be mantšu a 180 go iša go a 200.
O be o ile go dira boingwadišo bja go tsenela tlhahlo ya go ithuta go otlela. Ka maswabi o feditše bontši bja nako o emetše go thušwa mola ka nako yeo nkabe o dirile selo se sengwe se bohlokwa go na le gore o senye nako o emetše thušo, tshwaro le yona ga se ya ba yeo e kgotsofatšago. Ngwala lengwalo la dingogorego fao o belaelago ka maemo ka kakaretšo mo meagong ya bathobohle. Lengwalo leo le lebišwe go kuranta ya tikologo ya geno.
GOBA
O thabišitšwe kudu ke dikeletšo tšeo di tšweleditšwego makasining wa 'ELLE' wa kgwedi ya go feta mabapi le moaparo wa basadi. Ngwala athekele o leboge dikeletšo tša bona, o be o fe tlhohleletšo ya gore ba fele ba tšweletša dikeletšo tša mohuta woo.
GOBA
Lefapha la tša dinamelwa le leka go diriša mokgwa wo moswa wa go laola sephethephethe. Ka lebaka la mokgwa wo, o bone difatanaga tše hlano di thulana di šalane morago. Ngwala pego yeo o tla e romelago kuranteng ya 'Sowetan' mabapi le tiragalo ye goba bothata bjo.
GOBA
O nyaka go ithutela tša boentšinere gomme batswadi ba gago ba re o tšee dithuto tša kgwebo ka ge di leša. Tšweletša poledišano gare ga gago le motswadi yo a nyakago go go katela segaswa ka ganong.
KAROLA YA B: KAROLO YA C: DITŠWELETŠWA TŠA TIRIŠANO TŠE KOPANA
Araba potšišo e TEE go tše tharo tše di latelago. Botelele bja karabo ya gago e be mantšu a 100 go iša go a 120.
Go tlile moithuti yo moswa sekolong sa geno, gomme ga a tsebe mo go lego tše di latelago: dintlwana tša boithomelo, lefelo leo go rekwago dijo gona le moo go nwewago meetse. Efa moithuti yo ditšhupetšo tša tikologo ya sekolo sa lena ka moka.
GOBA
Ngwala ditiragalo tša ka gare ga pukutšatši o laetše ditiragalo ka moka tša letšatši leo le bego le keteka moletlo wa tshedimošo ya PMK/TBMM.
GOBA
Motseng wa geno go na le baswa ba bantši bao ba sa šomego. O gopotše go tloša baswa ba mo mekgotheng ka go hloma lefelo la go hlatswa dikoloi. Ngwala kwalakwatšo yeo e nago le maatlakgogedi yeo e tla bitšago bengdikoloi go tlo hlatswa lefelong la gago.
PALOMOKA YA TLHAHLOBO: 100
