LEPHEPHE LA BOBEDI (P2)
MEPUTSO: 80 NAKO: 2½ diiri
Lephephe le, le na le matlakala a 22.
Tokelo ya ngwalollo e ileditšwe Phetla
DITAELO LE TSHEDIMOŠO
Badišiša ditaelo ka šedi.
O kgopelwa go bala letlakala le ka tlhokomelo pele o thoma go araba dipotšišo.
O se ke wa leka go bala lephephe ka moka.
Lebelela diteng letlakaleng le le latelago gomme o laetše dinomoro tša dipotšišo tšadingwalo tšeo o dibadilego.
Lephephe le arotšwe ka dikarolo tše THARO:
Karolo ya A: Theto (30 meputso)
Karolo ya B: Padi (25 meputso)
Karolo ya C: Papadi (25 meputso)
Latela ditaelo tšeo dihwetšwago mathomong a karolo ye nngwe le ye nngwe ka kelohloko.
Araba dipotšišo tše TLHANO:
Tše tharo go tšwa go karolo ya A
E tee go karolo B le
E tee go karolo C.
Nomoradikarabo tša gago go swana thwii le ka fao dipotšišodi nomorilwego ka gona ka gare ga lephephe la dipotšišo.
Thoma karolo ye nngwe le ye nngwe letlakaleng le lefsa.
Ngwala ka bothakga le ka mongwalo wa go balega.
Botelele bja dikarabo tše telele: Botelele e be mantšu a: 450 - 500
Botelele bja dikarabo dipotšišong tše kopana: Kabo ya meputso e tla šoma bjalo ka sekai sa botelele bja karabo yeo e letetšwego.
Nako yeo e ukangwago: Karolo A: metsotso 40 Karolo B: metsotso 55 Karolo C: metsotso 55
NOMORO YA POTŠIŠO POTŠIŠO MEPUTSO
Balemi Potšišo ye telele 10
GOBA
Morwalo Potšišo ya ditsopolwa 10
GOBA
Go Kwena Potšišo ya ditsopolwa 10
GOBA
Sello sa mahlalela Potšišo ya ditsopolwa 10
LE
Re madimabe bjang Potšišo ye telele Sereto seo se sa kgethwago: Araba potšišo e tee fela 10
Re madimabe bjang Potšišo ya ditsopolwa GOBA 10
KAROLO YA B: PADI
Lenong La Gauta: Padi 1 Araba potšišo e tee fela. Potšišo ye telele 25
Lenong La Gauta: Padi 1 Potšišo ya ditsopolwa GOBA 25
Ngwana wa mobu:Padi 2 Potšišo ye telele 25
Ngwana wa mobu:Padi 2 Potšišo ya ditsopolwa GOBA 25
Lešita Phiri: Padi 3 Potšišo ye telele 25
Lešita Phiri: Padi 3 Potšišo ya ditsopolwa GOBA 25
Tlhakoleng: Padi 4 Potšišo ye telele 25
Tlhakoleng: Padi 4 Potšišo ya ditsopolwa GOBA 25
Tokelo ya ngwalollo e ileditšwe Phetla
KAROLO YA C: PAPADI/TERAMA
Araba potšišo e tee fela.
Naga ga di etelane: Papadi 1 Potšišo ye telele 25
GOBA
Naga ga di etelane Papadi 1 Potšišo ya ditsopolwa 25
Lehufa: Papadi 2 Potšišo ye telele 25
GOBA
Lehufa: Papadi 2 Potšišo ya ditsopolwa 25
ELA HLOKO: [Mo karolong ya B le ya C, araba potšišo e TEE ye telele le e TEE ya setsopolwa]
Dira tshwayo (v) go lenaneotekolo lele latelago go kgonthišišage e ba o lateletše ditaelo gabotse.
KAROLO NOMORO YA POTŠIŠO PALO YA DIPOTŠIŠO TŠEO DI ARABJAGO TSHWAYO
A: Theto (Direto tšeo di kgethilwego): 1 - 4 2
A: Theto (Sereto seo se sa kgethwago): 5 - 6 1
B: Padi (potšišo ye telele goba ya setsopolwa) 7 - 14 1
C: Papadi (potšišo ye telele goba ya setsopolwa) 15 - 18 1
Ela hloko: Mo karolong ya B le C, araba potšišo e TEE ye telele le e TEE ya setsopolwa
KAROLO YA A:
DIRETO TŠEO DI KGETHILWEGO: Araba tšePEDI fela.
SERETO SEO SE SA KGETHWAGO: Araba se se TEE.
POTŠIŠO 1
Araba dipotšišo tše PEDI fela:
DIRETO TŠE DI KGETHILWEGO: Kgetha tše PEDI fela.
Sekaseka moko wa sereto se se ka tlase, gomme o tšame o šitlela ka mehlala ya go re tswee!
BALEMI
Bjalo ka ditšhošane di bone thete,
Bjalo ka manong a bone tonki ye e hwilego,
Go kgobokanetšwe se sengwe se se welego.
Bangwe ba rothiša mamila, bangwe ditete.
Ke tlhakanetswiki, yo ke motho, bale aowa;
Ba lomilwe ke dimpša, ba rafa dinose;
Tše di bolelwago di ferola motho dibete.
Tema e bonwa kebeng balemi, mofeti aowa.
Fela yo ge a hlabile thedi senna o šoma mošomo.
Ke mešongwanašongwana ka gare ga mošomo,
Eupša se se šeditšwego ke botee bolemi
Di kgalengwa ka maleme ohle a tsebjago.
Ke ditola tša bošego le mosegare tše tsetlago
Di sa langwe. Yo a sa tsetleng o tla re o dirileng?
Sa mošomo ke go tsetlelwa,
O letše monwana o re thwa!
Sefatamollo se a iphatela.
Ba se bakae ba boa le dirotwana
Bangwe ga di kgokologe bosele, di fela di thulana
Gomme ba hloke le ge e le patela.
Maime a imela mathaka gona moo,
Serokolo se a otlwa, go a lekanwa.
Ke Gauteng sephuthaditšhaba, go a janwa,
GOBA
Tokelo ya ngwalollo e ileditšwe Phetla
POTŠIŠO 2
SETSOPOLWA A
Bala sereto se ka kelohloko gore o tle o kgone go araba dipotšišo tša go latela.
Morwalo
Go rwala ke mo ke rwele,
Ke tšhitšhila ke tšhitšhilake nnoši.
E sa le go sobela ya pele,
Ka mo di hlaba di šielana,
Go tla ba gwa kotimela ya seswai.
Ya senyane yona ke koma,
Ke nyepollo ya thaikgolo ya bophelo,
Yola le yena ke mohlodi wa tšona,
Hleng bjale di ntebane ke nnoši?
Hleng bjale yena o a hwahwanka?
Ke yola o ya godimo le fase,
La gagwe lesego le feta tekanyo,
Wa gagwe mmele osa itekanetše.
Ke yola o gata a gatoga,
Nna ke yo a gogagogago dinao.
Nkabe le yena a ntikiša,
A kwe tšeo re di kwago,
A bone tšeo re di bonago,
A fihle moo re fihlago.
Ke yo o itlhokotše,
Tša ka nke ga di mo ame,
Ka moso o tla be a okaokela,
A galefa boka tau,
Melao a bea a sa fetše,
Nke morwalo o be o rwelwe ke yena.
Efa moko ya sereto se ka boripana. 
Hwanyolla poeletšo mo methalothetong ya 14 le 15 gomme o fe mohuta le mohola wa poeletšo yeo. 
Tsopola sekapolelo go tšwa mothalothetong wa28 gomme o beo bolele gore ke mohuta ofe wa sekapolelo. 
Efa ditlhalošo tša mantšu a go ya le ka fao a dirišitšwego ka gona mo seretong se:
tšhitšhila hwahwanka 
GOBA
POTŠIŠO 3
Badišiša ditematheto tše ka šedi gore o kgone go araba dipotšišo tša go di latela:
SETSOPOLWA B
Ka meetseng se o se boifago wena ke eng
Ge dihlapi o di bolotša ka nose?
Ka ntle se o se boifago wena ke eng
Ge le bana ba ditlou o sa ba noše a mabose?
Komelelo e iphile maatla, meetse ke madibana,
Fao ke mo o bunago o sa tshwenyege.
Ge ka ona o gana le ka segwana-
Re nwe eng gore bophelo re bo thekge?
Bojato bja gago bo swana le bja lewatle
Le hupilego diphiri le ganago go di utolla,
Mereba ya gago e swana le ya dithaba ga e kgahle,
Gobane di gana ka ditsela ge re di bula.
Mohla dinoka le madiba di pšhela sa ruri,
Tlala e tlhokakwelobohloko di tla o bolaela sa ruri,
Na sereto se se bolela ka eng 
Efa leina la sekapolelo le mošomo wa sona mo mothalothetong wa senyane 
Tsopola kelelathalo yeo e laetšago gore kwena ga e tšhabe selo ebile e hloriša tše dingwe tša digagabi tša ka meetseng. 
Na sereti se laetša eng mo methalothetong ye mebedi ya mafelelo ya sereto? 
Ka boripana laetša ka moo tshwantšhokgopolo e dirišitšwego ka gona seretong se. 
GOBA
POTŠIŠO 4
SETSOPOLWA C
Sello sa mahlalela - IS Masola
Thato! Thato warra, poo ke pholo tšohle di a mphega,1 Lefase le nthagile, dikgogo bošego di a ntshega,2
Lefase le nthareleditše ka mathata, dinaga di ntšhwahlišitše, Bjale go thatafetše, ditšhika di tšhilafetše,
Ke bothata ngwana 'a mme.
Gohle ka nna go a tsebja.
Mekoti ke epile e mphentše,7
Ke mahlomola, ke dinyefolo.
Bana bešo tsogang, boroko bo tliša dillo.
Tšeang melaomegolo le ditaelotaelo go batswadi.
Nna mašitwa ke tšohle, ke lahlile go lle tshadi.
Gohle go ntapišitše, gohle dikgoro ba ntswaleletše,14
Ditšhilatšabophelo di ntšhilafaditše, Kgang ya bogale bja pelo e nkgamile,
Ke lefeela la mafeela, ka bjona ke itlhamile;17
Bogalebobe bo galefela baratwaMoreneng, Bogale bo galefela matlišakhutšo bathong,
Bogale bo amoga bahlaki,ba ithuta leano la bophelo.
Na sereti se llela go mang? Ba tswalana bjang? 
Tsopola morumokwanothomi temathetong ya pele o be o fe tlhalošo ya ona. 
Tsopola poeletšomodumo temathetong ya boraro yeo e laetšago gore mathata a bophelo a aparetše sereti. 
Efa maikutlo a sereti. 
LE
SERETO SEO SE SA KGETHWAGO: (KE KGAPELETŠO) POTŠIŠO 5
SERETO SEO SE SA KGETHWAGO: Araba se se TEE.
Araba potšišo ye TELELE GOBA ye KOPANA (Setsopolwa)
Badišiša sereto se se lego ka tlase ka šedi, gomme o se sekaseke ka go bontšha ka fao kgethontšu le tshwantšhokgopolo di amago moya, tlhalošo le kgwekgwe ka gona. [25]
Re madimabe bjang
Ra belega a tloga,
Mmagobanake, tlogela go riboga.
Tše kae dihlogo ke tše di fihlilwego
Mola a bogadi maina o a filwego?
Tswala ya rena ke ye e fahlilwego.
Go nkalela itesetše o lekile,
Mafotwana ga a ntshe go padile;
Mebele ya rena e bile e lapile.
E lego re šetšwe ke mang morago,
Yoo ka tulamešidi a re rothothago?
Tefo go e nyaka a e be se a se dirago!
Le homoletšeng, lena badimo,
Ge le sa mmege le batametšelegodimo?
Sa ka sello se fihlišeng go Modimo.
Ge le sa rate, le gona lesetšang,
Nna ga go sa le se se mmakatšang,
Ke tla ba yo ke ikhomotšang.
Didimo go le hlabela nka se hlwe,
Go nkholela selo ga le hlwe,
Gobane ya ka peu le re e lahlwe.
A lena maina ke tla a reela mang,
Go tseba lena le mang le mang
Go ba segagaborena e sego sa ga bomang.
Seji sa lapa la ka ritaganya Mong wa ka,
O tla khunamelwa ke ba mang mmogo le ba ka
Ge ka la mongangapane go tswaletšwe la ka?
GOBA
Tokelo ya ngwalollo e ileditšwe Phetla
POTŠIŠO 6
Go pokolo
Go go makala go fetša nka se ke, Gore sefapano o se belegetše eng. Na se lebeletšwe go wean e seng Neng ka ntle ga letšatši lele ke se ke? O dungwa ke nna maaka ga a botse, Ka sona o tla tsena lenna ke a bona. A ke go amogetše, le nna o tla mpona, Go mo khunamela go nkweša bose.
Moreti o šupa eng ge a re "sefapano se o se belegetše eng?" 
Ke ka lebaka la eng moreti a duma pokolo? 
Moreti o re go mo khunamela go nkweša bose. Na o be a khunamela mang le gona e ka ke ka lebaka la eng go mo kweša bose? 
Na maikutlo a moreti ke a mohuta mang? Fahlela. 
Sereto se ke sa mohuta ofe, le gona ke ka lebaka la eng o realo? 
PALOMOKA YA KAROLO YA A: 30
KAROLO YA B: PADI
Kgetha potšišo ye telele goba ya setsopolwa. Botelele bja karabo ya potšišo ye telele e be mantšu a 450 - 500.
POTŠIŠO 7
Sekaseka dimelo tša baanegwa ba ba latelago o lebeletše karolo yeo ba e kgathago pukung ye:
GOBA
POTŠIŠO 8
Bala setsopolwa se ka šedi gore o tle o kgone goaraba dipotšišo.
SETSOPOLWA A:
O reng? Go dilo tše dintši tšeokebego nka didira ebile ke tlamegilego go di dira. Ke beke swanetše go ba ke mo hlabanetše go fihlela madi a epšha ditšhikeng tša ka. Bjale nna ke be ke bolailwe ke boroko ke mo tlogela a ehwa go na ka mo tlase ga nko ya ka. Felagabjale ga go sa thušakagore o iketše".
Ke bitše maphodisa Mna Maleka?" ka boeletša kgopelo ya ka.
Mo ditiragalong tša motse wo, ke mathomo go direga taba ya mohuta wo gomme ke a tseba maphodisa a tlamegile go dira lešata. Lešata leo le ka dira gore mmolai a timelele. Bona ba tlilo hlwa ba golega lešaba la batho bao go gononelwago gore ke bona mola mmolai a timeletše. Nka se kgahlwe ke seo gomme Mmatšhego le yena mo a lego a ka se kgahlwe ke taba e bjalo. Ka geke paletšwe ke go mo direla se kaone nakong ya ge a sa phela, bokaone bjo nka mo direlago bjona ke go hwetša mmolai wa gagwe le go šomana naye ka sebele." A realo a ponya mahlo ebile a huna matswele ka pefelo. "Ke nyaka go mo swara ka diatla tše tša ka, ke mo pšhatlapšhatle, ke mo gatlagantšhe, ke mo gagolanye, ke morathaganyediripanaripana tšeo di sabalegego. Felapele nka dirabjalo o tla swanelwa ke go swarwa pele. Ka lebaka leo go kgopelo yeo ke ratago go e dirago wena Nnono.
Ke kgopelo efe Mna Maleka? Ka botšiša ke mo hlomogela pelo." Ke tla dira se sengwe le se sengwe seo o nkgopelago sona."
Gona Nnono hwetša mmolai! Hwetša mmolai wa mosadi wa ka! Wena tsoma mmolai waMmatšhego! Yeo ke yona taba e nnoši yeo kegokgopelago yona." A realo megokgo e rotha mahlong agagwe. Ke be ke sa letela kgopelo e bjalo le gatee ka fao ke tlamegile go dumela gore e ile ya ntlatša naga ya bay a ntšhoša.
Ke eng seo Mna Maleka a bego a swanetše go ba a se dirile? 
Ke ka lebaka laengdipalabalo le bonkabetša gagwe di se sa thuša selo? 
Ke eng seo se dirago gore Mna Maleka a se nyake go bitša maphodisa? 
"ke mo pšhatlapšhatle, ke mo gatlantšhe, ke mo gagolanye, ke mo rathaganye diripanaripana ..."
Go dirišišwe sekapolelo sefe go tšweletša maikutlo ao? 
Na molaotheo wa naga o reng mabapi le mmolelo wo? 
Tšweletša dikgopolo tša gago mabapi le go swarwaga bagononelwa ka mo nageng ya Afrika Borwa. 
SETSOPOLWA B:
ke ile ka botša Nakedi gore nka se khutše go fihlela pheta yela e le thoto ya ka. Fela kae... Nakedi o ile a golegwa gomme pheta yeo ya thelela diatleng tša ka. Ke feditše mengwaga ye mehlano ye ya go feta ke tsomana le pheta ye ntle le katlego go fihlela ge ke utolla gore e swerwe ke mosadi yola." Brenda o be a bolela ka lebelo bjalo gomme megokgo e be e elela sefahlgong sa gagwe ka boithatelo. Ke be ke bona gore o kwa bohloko gomme o nyaka go itima mollo wo o be go o mo tšhuma ka mo gare. "Pheta ye ke be ke e nyaka ebile ke se na taba gore e swerwe ke mang,?a realo a tšwela pele'". Go be go se yo a ka nthibelago go e hwetša. Ge nka be go kgonegile ntle le gotšholla madi, nkgolwe Nnono, nka be ke e tšere ntle le go a tšholla. Fela mosadi yola le yena o be a sa rate go kgaogana le lenong la gauta lege a be atseba gabotse bjalo ka nna gore ga se la gagwe. Ge nka be a mphe seo ke bego ke se nyaka,nka be ke se ka mo šulafatša eupša yena o itirile wa manganga gomme nna ke be ke se na kgetho ye nngwe gape... "
Go mmolaya Brenda... E sego go mmolaya..." megokgo e be e falala mahlong a ka gomme ke sa kgone go e thibela. Ke be ke sa kgolwe gore
Nnono bjale ke swanetše go sepela. Nakedi o tla ba a fela pelo."
Ke monna yokesepelago naye. Ogona ka mola phapošing yela le bagwera ba gagwe." A realo a šupa phapoši ya rena ya baeng.
Efa tswalano gare ga Brenda le lenong la gauta. 
Na ke nnete gore Brendao bolailemosadiyo go bolelwago ka yena? Fahlela karabo ya gago ka go tsopola go tšwa temaneng. 
Go ya ka bophelobja ka lenyalong, na ke nnetegore Brenda abotšemonna wa gagwe gore o sepela le monna yo mongwe? Thekga karabo ya gago. 
Ge seemo sa ditaba se le ka tsela ye,ke eng seoNnono a swanetšego go se dira? 
GOBA
POTŠIŠO 9
Araba potšišo ye TELELE GOBA ye KOPANA ( Setsopolwa) PADI 2: Ngwana Wa Mobu - NSP Mminele
Mantšu a Mogafi a go re: 'Mobu le thuto ga di orišane mollo le ka mohla o tee' a tšwetša pele morero wa padi ye. Tia di lle. 
GOBA POTŠIŠO 10
Bala setsopolwa se ka šedi gore o tle o kgone goaraba dipotšišo.
SETSOPOLWA A:
Ruri madulo a, Lahlang o a dutše ka phošo. Mošomo wa go ba hlogo ya sekolo se ke wa ka,o ntshwanetše. Ke WA KA - Tau gare ga ditau - Ngwana wa mobu wo, gare ga bana ba mobu wo!
Ge ke be ke le maleng a mme, mme o be a fela a monoka mobu wo go ntiiša ka wona. Ge ke belegwa, lentšu la ka la mathomo le kwelwe ke mobu wo, gomme ba ntlhapiša ka meetse ao a elago mo mobung wo. Ke godišitšwe ke eng ge e se dijo tša mobu wo? Bjale sekolo se se swanetše go hlahlwa ke mang ge e se ngwana wa mobu wo? Ke mang? Ke NNA!
Lahlang ke mofaladi, o tšo kgotlela didiba ga gabo, a šwahla mafao: bjale o itirile kgošana mo Rethuše. Bogoši bjo ke BJA KA! Kagona o swanetše go ntšhala morago,go segobjalo a nyakišiše a nyakišiše tselana ya goyagagabo. Ke tla ba hlwela gae babinatau bana ba tau ga re jane re moloko mong.'
Na mantšu a Phankga mo temaneng ye a godiša bjang thulano? Hlaloša ka boripana. 
Hlaloša ka boripana seo se hlotšego phekgogo ya kgegeo pading ye. 
Na setsopolwa se se tšweletša Phankga e le motho wa mohuta mang? 
Na Phankga o šupa eng ge a re 'Bana ba tau ga re jane re moloko mong.'
Hlaloša ka boripana. 
Diteng tša setsopolwa se di amana bjang le leina la puku ye? 
SETSOPOLWA B
Gona ka mo fase ga mogaba wo,go bonala monna a dutše leswikaneng a dutile hlogo. Ka seatlenggo lepeletše mangwalo a mabedi. O felaa tsoša mahlo a a lebelela, a tloge a dute hlogo gape. Ke Phankga. Na yena ga a nyake go yo otlollwa kebadimo? Moisa o thunyetšwake mmele le mogopolo. Sefega sagagwe se fiša wa legala, se bontšha bohubedu le botalalerata ka baka la kotse yela ya maloba. Seledu se rurugile. Ge e le melomo yona e no ba diboroso tša dinkgotho. Ga a ithate.
E sa le ge sekolo se etšwa a dutše mo leswikaneng. Ke kgale ditšhošwane di mo nameladi mo fologa a sa di kwe. E šita le dinonyana tše di tsošitšego lešata mo mohlareng ga a di kwe! O sa tšo amogela mangwalo a a mmipetšego ruriruri. Bobedi bja ona a tšwa go Mokgonoana, mongwaledi wa Lekgotla la Dikolo. La mathomo le mmotša gore ka taelo ya mohlahlobimogolo wa dikolo o swanetše mathomong a kotare ye e tlago a ye go ruta sekolong sa Ntotolwane ka tlase ga Mogohlo.
Hlaloša moya wo o fokago setsopolweng se. Thekga karabo ya gago ka lebaka. 
Ka boripana hlaloša gore tikologo ya padi ye e ama ditiro bja Phankga ka tsela efe? 
Na thulano magareng ga Phankga le Lahlang e rarolotšwe bjang? 
Na mongwadi o šupa eng ge a re 'a dutile hlogo'? 
Na mongwadi o re ruta eng ka padi ye? 
GOBA
POTŠIŠO 11
Laetša ka moo Matsepe a kgonnego go lota Sesotho ka go tšweletša baanegwa le ditiro tša bona tšeo di nyalelanago le moya le tikologo ya puku ye. Šitlela ka mehlala ya go ba le letswai. 
GOBA
POTŠIŠO 12
Badišiša ditsopolwa tše ka tsinkelo gore o kgone go araba dipotšišo tše di di latelago:
SETSOPOLWA A
Go fetile nywaga ye e atilego ge tša Taudi le Mabothe le Tladiephaswa di kwetše,go fetile nywaga ye e atilego ge mohlologadi wa Mphoka a agetšwe mošate kua a lotwago ke Taudi. Aowa, Taudi o tseba go lota ka gore hleng mosadi wa Mphoka o amuša mošemanyana bjale? Go fetile nywaga ye e atilego ge Tšhwahledi a dula ga Mabothe, mo lebakeng la gona bjale ke lešoboro la phokgo mogwera wa koma. Morwarragwe yoo a mo hlatlamagoo tamogile, ke mantsatsarapana a matolo a a laetšago gore o tlile go tlelwa ke mmele bosasa,aowa; le yena o bapala le tšhimanyana ya mo motseng ga go na le molato. Tša magoši a mane a le di fedile - a di feleng go thomegeng tše mpsha, mosadi wa Mphoka a a amuše lesea leo ka pelo e tšhweu, Tšhwahledi gammogo le morwarragwe a bag ole ba tie ba tle ba lebane le mabothata ao ka ge se se thata se išwa masoganeng. Go thwe le ge o ka e buela leopeng, magokubu a ago bona,Tšhwahledi ke molamo wo o lebetšwego ke Mphoka ka mošate, ga go ngaka o tla ba a tseba gore eng ke eng."
Na ke ka lebaka la eng Tšhwahledi a dula ga Mabothe. Thekga karabo ya gago. 
Hlaloša tswalano gare ga Mabothe, Taudi le Mphoka. 
Re alele tswalana gare ga Kgathola le Tšhwahledi. 
Na molaodiši o šupa eng ka seema seo se kotofaditšwego? 
Lesea leo le amušago ke mosadi wa Mphoka tatago lona ke mang? Thekga karabo ya gago. 
Hlaloša ka botlalo sekapolelo se se šomišitšwego mo "Tšhwahledi ke molamo wo o lebetšwego ke Mphoka ka mošate" 
SETSOPOLWA B
Pelo ya gagwe e a opa, gobane o amuša kgobogo, o amuša thubamotse yeo a sa tsebego gore e tlile go feletša kae. Ngwana wa gagwe o swarwa ke letšhollo bjalo ka bana ka moka, o swarwa ke monyalo le mooko le lehlatšo bjalo ka banaka moka.Bjalo ka bana ka moka o tshwenywa ke hlogwana a be a tshwenywa ke dipong le lekgokgo, aowa, a ga se tšonadikgodišo hle gomme? Pelo ya gagwe ruriruri e rurugile; ge ngwana a fela a fišafiša a realo, ga a dumege a ka ba kaone-o duma ge bolwetše bo ka feta nae gore bosasa a se tlo setlega pelo ge tswalelabanning e farelwa ge a swanetše go bewa setulongsa rragwe. Aowi, Khutšiši o nagantšhwa ke eng taba ya mohuta woo malapa ka moka a na le dika tša wona fela go agilwe go se ne molato? A a nagane ka mokgwa woo, gobane tab age e se ya go lebana, o kgonago e laodiša o fela o re ge nkabe e le nna ke be ke tla re , ba boletše bagologolo ge ba re mo sega segole tena, naa gageno ga di gona.
Ke mang yo pelo ya gagwe e opago? 
Ke ka lebaka la eng a re ngwana yo ke kgobogo le thubamotse? 
Molaotheo wa naga o reng mabapi le maitshwaro a mosadi yo? 
Re alele maikutlo a gago mabapi le dingaka tša setšo. 
Wena ge nka be o le moanegwa o be o tlo dira eng ge o gahlana le bothata 
bja mohuta wo?
Diteng tša temana ye di fapana bjang le mmolelo wo o rego "mmago ngwana 
o swara thipa ka bogaleng"
GOBA
POTŠIŠO 13
Thulano ke setlabelo se bohlokwa kgodišong ya maatlakgogedi le molaetša wa padi.
Tiiša kgonthe ya taba ye ka go sekaseka thulano mo pading ye. 
GOBA
POTŠIŠO 14
Badišišaditsopolwa tše gore o tle o kgone go araba dipotšišo tša go latela.
SETSOPOLWA A
Moruti, rena taba ya gago le ngwana yo re ka se e tseneka gore ga re e tsebe. Bokaone wena o itebanye le yena o mo kgopele ditshwanelo tšeo. Rena re tšhaba melato ditabeng tša batho." A e bile mantšu a Gabariele ge a leka go khuta ka lebjang. Moruti o ile go kwa mantšu a a kwatama fase ka dikhuru a thoma go abula bjalo ka lesea a lebantšhitše Monyadiwa. Yoo o ile a selekega le go feta gomme a tloga ka lebelo a lebile sefatanageng seo a tlilego ka sona. Ntshe o fihlile le go itahlela ka gare ga gomme a kgopela gore ba mmiletše mootledi a mmušetše gae. Ka kua kerekeng batho ba ile ba thoma go fela pelomme ba tšwa ka fao ba kgorometšana. Ge ba fihla ka ntle ba hweditše moruti yoo ba mo hlomphago go feta batho ka moka a pshikologa mabung. Go se go ye kae ke ge lešaba ka moka le kwele kgonthe ya taba. Gona fao ba thoma go mo kwera ba dutše ba mo tšhela ka mobu. Bangwe ba mo tshwela ka mare. Bale ba go ikhorela bona ba ile ba topa maswika ba kgopela lešaba gore le mo katologe. Mohlang woo bagolo ba kereke ba ile ba bolawa ke go lamola ntwa.Go be gohlakahlakane go sa kgahliše le gatee.
Ngwana yo go bolelwago ka yena ke mang, ebile o twalana bjang le moruti?
Efa lebaka leo le dirilego gore moruti a pshikologe mabung. 
Go ya ka fao o badilego puku ye hlaloša seo moruti a se dirilego ngwana yo ka boripana. 
Molao wa naga o reng ka ditiro tša moruti yo go ngwana yo? 
Ge molao o be o le ka diatleng tša gago o be o ka dira eng ka moruti yo?
SETSOPOLWA B
Ke nyaka go le laetša gore taba yeo ke le boditšegoyona ke be ke sa swaswe. Ga se nna moruti wa lena ebile ga se nna modumedi. Ke tsene kereke ka leano la go boelana le mosadi wa ka yo ke kgaoganego le yena mengwagangwaga. Lena la go thoma go nkišetša le go ntlhohleletša gore ke menole moruti Ntshelolloge. Bona gore lehono o ntlholetše eng. Fela mang le mang o buna moo a bjetšeng. A re yeng!" Ge a realo keg e abašupetša ka sethokgweng ka letsogo leo le swerego sethunya. Ka nako yeo ke ge Gabariele a sa feame kua fase a tšhaba le go tsoga. O be a kwešiša gore go tsoga e ka ba go ipiletša tša go feta tše a di kwelego.
Naa seboledi se se bolelago mo temaneng ke mang, ebile ke ka lebaka la eng a bolela mantšu a? 
Go ya ka temana ye, seboledi se bonala e le motho wa mohuta mang? Hlaloša ka boripana 
Seboledi se šupa eng ka mantšu a: "mang le mang o buna mo a bjetšeng"? 
O bona o ka re seboledi se ile sa fetša se kgonne go phethagatša morero wa sona? Fahlela. 
Go ya ka fao o badilego puku ye, go tlile bjang gore Swele a tlogelane le mosadi wa gagwe? 
PALOMOKA YA KAROLO YA B: 25
KAROLO YA C: PAPADI
Ge o kgethile potšišo ye karolong ya B kgetha ya karolong ye. Botelele bja karabo ya potšišo ye telele e be mantšu a 450 - 500. TELELE Setsopolwa
POTŠIŠO 15
Araba potšišo ye yeTELELE GOBA KOPANA ( Setsopolwa)
Thulano ke kokwane ye bohlokwa kudu ya papadi. Kgato ka kgato laetša ka moo mongwadi a kgonnego go logaganya thulano gore e tšweletše thulaganyo ya puku ye. Tšama o šitlela ka mehlala ya go re tswee! 
GOBA
POTŠIŠO 16
Bala ditsopolwa tše ka šedi gore o tle o kgone goaraba dipotšišo.
SETSOPOLWA A
Hunadi: Aga, ebile šole o etla.
Mphaka: O mmona kae?
Hunadi: Šole o hlomile hlogo fase o ka re o ya mahlokong.
Mphaka: Ga se gona go sepediša bokgowa. La tla la re fetišetša
Mogatšaka.
Mphaka: Kgane o topile fase?
Hunad: Ka gešo bokgowa ga bo gona. O swanetše go ba a abetše
Ramogolwagwe.
Mphaka: Lekwidikwidi ga a bjalo le gatee.
Hunadi: Etse bokoloti bjona o rata ge bo lala ka gešo. Ga ke ikhomolele mo ke tšwago ke kgole.
Mphaka: Sebola bea dipuku tša gago ka ngwakong o tle mono.
Hunadi: O takatakiša mahlo molotšana yo, a ntše a dira dilo ka boomo.
Na ke sephetho sefe seo Mphaka a se tšerego mabapi le maitshwaro a Sebola? 
Na mongwadi o šupa eng ge a re:
o topile fase? 
la tla la re fetišetša 
Ge nkabe o le Mphaka o be o tla dira eng geditabadi leka mokgwa wo? 
SETSOPOLWA B
Hunadi: Ge motswadi wa gago a ka go itielamanxa gona ga go se se ka go lokelago lefaseng. Eupša ge o lokolotše pelo le moya, gona ditsela tša gago di tla phadima tša bulega.
Mphaka: (O hloname, mme o homola sebakanyana)
Hunadi: Le reng nke le tshwenyegile Tholo?
Mphaka: (O šišinyahlogo) O a tseba mogatšaka, ge ke gopola ka galešika lešo, nakong ye nngwe ke ikhwetša ke tlaletšwe ke sa tsebe pele le morago.
Hunadi: O tlalelwa ka tshawnelomoo gona Tholo. Mogologolowabogologolo o be a di bone ge a re: "Legae la bomotho ga le na le bosehlana."
Mphaka: Gae ke gae. Le ge motho a ka garama le dilete, a lokologa moyeng, a fiwa mahumo le maemo dileteng di šele, moya wa gagwe o tla fela o mmotša gore mo ga se gageno.
Tokelo ya ngwalollo e ileditšwe Phetla
Hunadi: Ga go kgonthe ya go feta yeo.Go boimago lebala metswalle ya gago le bagwera ba gago ka moka. Le ge mohlomong mo ba lego ntshe ba ka be ba eswa lebate, ba ikhomotša ka go bogela botse bja naga ya gešo-boMatome le boMabolepo, boSepitsi le Sepitsana bo Modimolle thab'a badimo. Leo ke lona' lehumo la bona la pelo. Ge tša masa di bareteletšeba ikhutša moriting wa tšona ba kgopela tlhakodišogo bona le go yena.
Na ke eng se se hlotšego poledišano ye? Hlaloša ka ditlha tše pedi. 
Efa ditlha tše pedi tšeo di gapeleditšego Mphaka go tšwa ka difero tša Bonwatau? 
Poledišanong ya gagwe le Hunadi, Mphaka o re " Gae ke gae. Le ge motho a ka garama le dilete, a lokologa moyeng, a fiwa mahumo le maemo dileteng di šele, moya wa gagwe o tla fela o mmotša gore mo ga se gageno." Na o nagana gore Mphaka o a itsholaka gona a ka fetola mogopolo a tsoga a sepela bosasa go boeBonwatau? Thekga karabo. la 
Hlaloša nepo ya poledišano ye le seo Mphaka a se holofelago. 
Hlaloša mebolelwana ye:
b ge tša masa di ba reteletše. 1
GOBA
POTŠIŠO 17
PAPADI 2: Lehufa
Poledišano ke motheo wa papadi. Ngwala tshekatsheko yeo e kgodišago ya tšhomišo ya poledišano mo tiragatšong ye. [25]
GOBA
POTŠIŠO 18
SETSOPOLWA A
LERATO:
A ke re re dula re šetšešetšwe morago bjalo ka diruiwa. NTSHEPE:
Moo gona o bolela nnete. Eupša ke nagana gore go ka ba kaone ge wena o ka sepela ka maoto gomme nna ka go latela ka sefatanaga. LERATO:
Aowa, Meneer, nka tenwa ke bofšega bjale gona. Ke sepela le wena ka sefatanaga. Ge go kgaoga go ka no kgaoga . NTSHEPE:
Nna ke be ke no re ke thuša wena, Lerato. Gape monna wa gago o ... LERATO:
Ke hlomphile go lekane, Meneer. Go hlompha go feta mo gona ga ke sa kgona.
Bona ba šetšwe ke mang morago ge ba sepela! Ke re go ka no iwa mo go iwago bjale gona. Nkemele ke ye ke laele Monamudi re tle re sepele.
O tsena ka lebenkeleng o fihla go Monamudi Monamudi mogwera, ke sa itiwa ke phefo leMeneer. Ke tla boa gona bjale.
O a sega Etse ke itšeng go wena, Lerato? LERATO:
A ka se ka go botša gore tša lehono ke tše dingwe? LERATO:
O a sega Wa be o thomile gape a ke re? Šala ledinonwane tšeo tša gago gona moo! O a tloga MONAMUDI:
O a sega Nonyana e sa selego e bola kilana. O fihla go Ntshepe Ke a olwa o šetše o fela pelo Meneer? NTSHEPE:
E sego bjalo, Lerato. (O a emelela o mmulela lebati la sefatanaga) Tsena re sepele! (Letl. 72)
Naa Lerato le Ntshepe ba ya kae le gona ba ya go dira eng? 
Lerato o re: '... re dula re šetšešetšwe morago bjalo ka diruiwa.' Naa ba šetšwe morargo ke mang/bomang, le gona ka baka lang? 
Go ya ka fao o badilego tiragatšo ye ka gona, hlaloša gore go tsebana ga Lerato le Ntshepe go thomile kae , neng le gore go feleleditše kae.
Ka mo gare ga tiragatšo ye go kwagala gore Ntshepe le Lerato bobedi ba nale balekani. Na o rengkasegwera sa bona. 
SETSOPOLWA B
RATHEKISI: ( ) Ke gore mosatšana yo a kaO tsena ka bodulong a bolela a nnoši be a ile kae? Ke mmotša ka mehla gore ga ke nyake a etšwa ka heke
O tlo hwetša a ile banneng. Le nna ke dirile pho šo kaO a befelwa ka go nyala moitshwarahlephi wa go swana le yo. O dirwa ke go hlwa a balabala dipukwana tše tša batho ba mapona. Ke tlogile ke makala gore a tla a rekile ' ' ya go bitša mašeleng kaphenti tsela ye. O tlo hwetša a dirwa ke yona gore a sepele. O šišinya hlogo Ga ke kwešiše gore ke motho a reka diaparwana tša ka fase tše di bitšago mašeleng a matelele o direla go reng? Mafelelomg o tlo fetša a hlobolela banna ba ka moka gore ba bone ge a tura. A o
Tokelo ya ngwalollo e ileditšwe Phetla re le rena ka go rata dilo! (O bona lengwalana) Bjale pampišana ye yona ke ya eng? (O a le tšea o a bala) Nxa, mosatšana yo o a gafa bjale. Go thoma neng a tsena kereke? O nagana gore a ka nkgelediša meetse ka sebjana sa go dutla ke a mmona. O ile banneng kua kerekeng. (Setunyana) Lehono gona o tlo ntseba gabotse. Ke nyaka go mo ntšha mahlajana ao a nago nawo. (O lengwalana fase) Ke a mo lata nna. O nagana gore o hlalefile ke ke a mmona.(o a tšwa o leba kerekeng)
Naa 'mosatšana' yo go bolelwago ka yena mo setsopolweng se ke mang? 
Go ya ka fao o badilego setsopolwa se, a o bona o ka re yo Radithekisi o swere mosadi yoo wa gagwe bjang? 
Molaotheo wa naga o reng go ya ka fao mosadi wa Radithekisi a swerwego ka gona? 2
Lengwalwana le go bolelwago ka lona Radithekisi eng? mo setsopolweng le be le botša 
Ka boripana hlaloša ka fao lengwlwana leo. a go dira ka gona ka morago ga go bala 
Hlaloša semelo sa Radithekisi ka boripana. 
PALOMOKA YA KAROLO YA C: 25
PALOMOKA: 80
