Safety										Sepedi



Boiphemelo pele



Instructions: 

Folio strap: Boiphemelo

Byline: Tshedimošo e tšwa go Mošupatsela wa Grain SA: Ditrekere le didirišwapolaseng

Insert: Tlhokomelo



Bjalo ka beng ba ditrekere le didirišwa le swanetše go ela hloko gore le rwele boikarabelo mabapi le bao ba šomago ka dilo tše. 



Rena balemi re gapeletšwa ke melao ye e fapafapanego go hlokomela seetša, tlhwekišo (saniteišene) le tsenyomoya fao go šongwago; go fa bašomi diaparo tše di šireletšago; go hlwekiša metšhene; le go okamela bao ba dirišago didirišwa tše di lego kotsi. Ka tlwaelo mabaka ao a lego kotsi ke ao a amago:

Lebelo le legolo

Go se diriše ditlabele tše di šireletšago

Go beakanya metšhene ye e sepelago 

Tlhokego ya diširo tša go phema kotsi 



Melawana ya boiphemelo

Tše di latelago ke kakaretšo ya melawana ya boiphemelo mabapi le go diriša dithulu bošomelong (shop tools):

Diriša thulu ya maleba: Se gapeletše dithulu tše nnyane go dira mošomo wa dithulu tše di lebanego mošomo wo boima.

Hlokomela dithulu ka šedi: Loutša dithulu ka mehla goba di beakanye gabotse mme o di hlwekiše ka mabaka. Kgonthiša gore diswaro (handles) di dule di bofilwe gabotse. 

Rwala digalase tša boiphemelo (safety glasses) ge go dirišwa dithulu tše di ka bago kotsi. Go feta fao rwala sethibalerole (dust mask) sefahlegong ge mošomo o tsoša lerole le lentši. 

Hlokomela gore dišireletši (guards) di se tloge madulong a tšona le gore di šoma gabotse. 

Ganetša bana go tsena bošomelong: Baeng bohle ba ba etelago fao ba swanetše go bewa kgojana le lefelo la mošomo.

Lefelo la mošomo le swanetše go dula le hlwekile. Mafelo le dipanka tše di lego ditšhila di hlola dikotsi. 

Boloka dithulu tše di sa dirišwego gore di tšwe tseleng ya bašomi. Ntšha diplaka tša dithulu tše di šomago ka mohlakase.

Apara diaparo tše di lebanego: Diaparo tše di nyefilego di ka swarwa dikarolong tše di sepelago tša motšhene. 

Lota mošomo: Diriša dipatiši (clamps) goba sepatanyi (vice) go tiiša seo o šomago ka sona. Go dira bjalo go phala go diriša diatla le gona go lokolla diatla go swara thulu ka tshwanelo. 

Se gapeletše thulu go dira mošomo wo o sa e swanelego. E tla phetha mošomo wo o e lebanego bokaone le gona ka kgonagalokotsi ye e fokotšegilego. 

Se leke go fihlela selo seo se lego kgole le wena: Ema gabotse ka tekanelo ka mehla. 

Ge o tlema ka popojane (sepanere), o e goge, o se ke wa e gatelela. Ge o gapeletšwa go e gatelela, phurulla seatla o diriše legoswi. Ka go realo o tla kgona go šireletša dinoko. 

Se lebiše thulu ya ntlha ye bogale mmeleng. Ka go realo o fokotša kgonagalo ya go ikgobatša ge thulu e ka go phonyokga.

Dithulu tše di sepedišwago ke mohlakase di swanetše go ba le motato wo o bitšwago “earth”. Diriša plaka ya dintlha tše tharo goba adeptara (adapter) yeo e kgokaganego le motato wa “earth”. 

Bošomelo bo swanetše go ba le seetša le tsenyomoya ye botse. Kgonthiša gore dipanka tšeo go šongwago go tšona di bonegetše gabotse le gore hlahlamuši (fumes) ye e tšweletšwago e gogelwe ntle. 

Boloka lepokisana la thušo ya tlhaganelo kgauswi. Alafa dikgobalo tše nnyane semeetseng go šitiša phetelo. 

