Mechanisation (Maize)								Sesotho sa Leboa



Tirišo ya metšhene – bofokodi bja batšweletši ba bantši 



Instructions: 

Folio strap: Tirišo ya metšhene

Byline: Jane McPherson, molaodi wa Lenaneotlhabollo la Balemi la Grain SA 



Ge o akanya go ba motšweletšikgwebo wa dibjalo, o ka se tšee sebaka go lemoga bohlokwa bja tirišo ya metšhene – ditrekere, ditlhamo le metšhene. Mathomong, ge o sa lema seripana se senyane sa naga, o ka kgona go phetha mešomo ka diatla goba ka go diriša ditonki goba dipholo. Eupša, ge o thoma go lema dihektare tše mmalwa, o tlo nyaka go diriša metšhene yeo e go kgontšhago go fetša mošomo wo montši go feta pele ka nako ye nnyane go feta pele. 



Re lemogile gore batšweletši ba bantši ba palelwa ke go tšwela pele ka baka la ge ba sa kgone go diriša ditrekere le metšhene ye e lekanago, goba ka baka la maemo a a fokolago a didirišwa tše. Trekere ga e tšwele motšweletši mohola ge e sa kgone go šoma – ka lebaka lefe kapa lefe. 

 

Tekanyo ya metšhene



Ge o na le ditlhamo goba o akanya go di reka, o tla swanela go lekanya ditlhamo tše di latelago: 



Ditrekere 

Go lekanya trekere, akanyetša tše di latelago:

Lekola boemo bja oli le meetse. 

Nyaka lenane la tlhokomelo (service record) ya trekere. 

Lekola maemo a dithaere. 

Nyakišiša ge eba go na le fao go dutlago oli – ga go a swanela go ba modutlo. 

Dumiša trekere o theeletše entšene. 

Sepediša trekere o lekole tiro ya klatšhe le dikere. 

Kgokelela sedirišwa o lekole tiro ya sekuki le lenaneo la haedroliki. 

Na PTO e a šoma? 

Na dielo (gauges) tšohle le mabonetemoši ohle a šoma gabotse? 

Goga sedirišwa o bone ge eba trekere e na le maatla a a nyakegago. 



Trekere
 
Motlolo
 
kW
 
Maemo (na trekere ye e itekanetše? – ge e sa šome, hlaloša bothata mme ge go kgonega o lekanyetše ditshenyegelo mabapi le go e lokiša) 
 
Mohola 
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 


Diplantere 

Kgonthiša mohuta wa bomotšhene bja plantere – na ke plantere ya dipapetla (plate planter), ye e šomago ka moya (vacuum planter) goba ya bomotšhene bja monwana (finger mechanism)? 

Plantere e bjala direi tše kae? 

Kgokaganya plantere le trekere. Tšhela peu le monontšha ka ditšhelong (hoppers). Sepediša trekere bokgole bjo e ka bago dimetara tše 10 o kgonthiše gore direi di šoma tšohle. Ge peu le/goba monontšha o sa tšwelele ka moo go nyakegago, lekola dikarolo tše di sepelago ka šedi go bona fao bothata bo ka bago gona. 

Kgonthiša ge eba go na le dipapetla tše dingwe gape tša plantere (ge e le plantere ye dipapetla). 





Plantere 
 
Mohuta
 
Bogolo/palo ya direi 
 
Maemo (hlaloša)
 
Katologano ya direi
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 


Digašetši tša boom

Pele ga ge o kgokelela segašetši trekereng, lekola boemo bja oli ka pompong. 

Kgokelela segašetši mme o se kgokaganye le PTO. Diriša segašetši o bone ge eba melongwana yohle e a gašetša. 

Lekola kgatelelo. 

Ge go na le mathata, a hlaole – na ke pompo, mohlotlo goba melongwana (nozzles)? 

Ge segašetši se senyegile na se ka lokišwa? 



Segašetši
 
Mohuta
 
Bogolo/palo ya melongwana 
 
Maemo (hlaloša)
 

 

 

 

 

 

 

 

 

 

 

 

 

 

 

 

 

 

 

 

 

 


Didirišwa le ditlhamo 

Hlahloba freime – na e kobegile goba e palegile? (Lebelela ge eba go na le maswao a momaganyo).

Hlahloba dipouto le dikgokaganyo tšohle. 

Hlahloba dikarolo tše di sepelago mmung (dikara goba dipapetlasediko) – na di onetše ka moo go nyakegago tše mpsha? 

Hlahloba diphaephe le dipompo tša haedroliki – na di itekanetše gabotse le gona di hloka medutlo? 

Hlahloba maotwanathwalo – lekola kgatelelo ya dithaere. 

Lekola dipering tša sedirišwa – na tšohle di tloditšwe kirisi le gona di šoma gabotse? 



Didirišwa
 
Mohuta
 
Bogolo
 
Maemo (hlaloša)
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 


Kgonthiša gore o dira tekanyo ye e feletšego ya ditrekere le ditlhamo tšohle gore o se leke go phetha mošomo wo o fetago woo ditlhamo tša gago di ka o kgonago. Poelo dihektareng di se kae e phala tahlego dihektareng tše mmalwa. Lema fela tšhemo yeo o ka kgonago go e lema ka tshwanelo. 

