Tyres 2 (Maize)									Sepedi



Go hlokomela dithaere tša gago



Instructions: 

Folio strap: Dithaere

Byline: Taodišwana ye e tšwa go Goodyear

Photos: Use photos of tyres

Use Goodyear logo



Dithaere tše di dirišwago polaseng di a tura eupša go na le melawana ye bohlokwa yeo e ka latelwago go šireletša peotšhelete ya gago le go lelefatša bophelo bja dithaere tša gago. 



Go otlela senamelwa mola dithaere di pompilwe go fetiša goba di hlaela moya, go hlola konalo ya go fetiša, go okeletša kgatelelo mmeleng (carcass) wa thaere le gona go dira gore thaere e fele pele ga nako – maitekelo a a turago! 



Ka fao go bohlokwa go beakanya kgatelelo ya dithaere go ya ka mabaka le go e lekola ka mehla. Se se swanetše go dirwa gatee goba gabedi ka beke, mme o se lebale go beakanya (koreka) kgatelelo ya dithaere ge di dirišwa go rwala merwalo ye boima goba go phetha mešomo ye e itšego. 



Ka yona nako yeo hlahloba mehlala (treads) le mahlakore (sidewalls) go bona ge eba go na le konalo ye e sego ya ka mehla, ka ge se se ka šupa go ba gona ga lešoba, kgatelelo ye e sego ya nepagala, mathata a saspenšene (suspension) goba taolokotlelo ye e fošagetšego (misaligned steering geometry). 



Ka go kgonthiša gore dithaere di dula di pompilwe kgatelelo ye e nyakegago, o kgonthiša gape gore di goga bokaone, di swarelela bokaone, tirišo ya makhura e a kaonafatšwa le gona go ba bonolo go lemoga ge di ka dutla ka moso. Gopola go lekola kgatelelo ge dithaere di sa tonya, pele ga ge trekere goba senamelwa se sepedišwa, ka ge phišo ye e hlolwago ge go otlelwa e godiša kgatelelo dithaereng mme di bontšha moelo (reading) wo o fošagetšego.



Go lokiša dithaere – kgopela thušo go setsebi!

Ba Goodyear ba eletša gore dithaere di swanetše go tsenywa le go lokišwa ke badiredi bao ba hlahlilwego ka tshwanelo, go sego bjalo go ka hlolega kotsi. Mohlala: ge karolo yeo e bitšwago “tyre beads” e sa dudišwe gabotse riming, thaere e ka thunya ge e pompiwa go fetiša mme ya roba di-“beads” goba rimi. Go feta fao, ge di-“beads” di sa dudišwe ka tshwanelo, thaere e ka thelela (spin) riming ge e goga boima (in high-torque situations), seo se tlogo senya thaere, tšhemo le senamelwa. 



Thaere ye e tsentšwego leotwaneng e swanetše go pompiwa e le ka seširong sa polokego (safety cage) go phema kotsi ye e ka bago gona. Ge tšhupu ye e bego e dutla e lokišitšwe, tiro ye e swanetše go ba ya motšwaoswere fela. 



Se pompe thaere ye e se nago le moya goba yeo e hlaelago moya go fetiša pele ga ge e tlošitšwe leotwaneng le go hlahlobja go bona ge eba ga go na fao go senyegilego. O ka dira se ka bowena goba o ka kgopela setsebi go e hlahloba – le go e lokiša. 



Dintlha tše dingwe tše bohlokwa tše o swanetšego go di gopola ke tše: khurumela belefe ya thaere ka sekhurumelwana sa yona ka mehla go šitiša lerole; se bethe thaere goba rimi ka hamola ge e tletše moya (when the assembly is pressurised); le gatee se diriše tšhupu ye nnyane goba ye kgolo go feta ka moo go šupetšwago; se diriše ditšhupu tše di senyegilego sebopego (buckled) goba tše di šošobanego; ela bogolo bja rimi hloko o diriše fela tšhupu ya bogolo bjoo bo supetšwago ke modiri wa yona; le gatee o se ke wa fetola, goba wa momaganya (“weld”), goba wa ruthetša, goba wa solotera (braze) dirimi tše di senyegilego. 



Polokego ye e lotegilego

Le ge ba Goodyear ba diriša dimateriale tše di kaonafaditšwego kudu tšeo di šireletšago dithaere gore di se senyege gabonolo, raba yona e mona oli, krisi, makhura le ditološi tše dingwe gabonolo; go feta fao e fokodišwa ke phišo le seetša. 



Ka fao, dithaere di swanetše go bolokwa lefelong leo le fodilego, le hlwekilego, le fifetšego le gona kgole le metšhene ye mengwe ya go swana le dientšene, ditšenereithara le dimomaganyi (welders), ka ge gase ya “ozone” ye e ntšhwago ke ditlhamo tša mohuta wo e dira gore raba ya dithaere e palege, mme mafelelong mmele wa thaere (tyre carcass) o a senyega. Ka lona lebaka le dithaere di swanetše go hlatswa morago ga ge trekere e dirišitšwe go gašetša dibjalo, go tloša dikhemikhale go tšona.



Dithaere tše di dutšego diriming tša maotwana ao a tlošitšwego dinamelweng goba ditlhamong, di ka bolokwa ka go emišwa thwii morago ga ge kgatelelo ya tšona e fokoditšwe go fihla go 10 “psi”. Dithaere tše di tlošitšwego diriming di ka bolokwa ka go robadišwa ka mahlakore (sidewalls) le go hlatlaganywa, eupša di se ke tša išwa godimo kudu ka ge boima bo ka gatelela thaere ya ka fase kudu mme sebopego sa yona sa senyega. 



Dithaere tše di lego motšheneng goba sedirišweng seo se dutšego polokegong mabaka a matelele, di swanetše go babalelwa ka go thekga motšhene goba sedirišwa ka dikota goba ditena gore dithaere di tloge fase. Ge go sa kgonege go kukela motšhene goba sedirišwa godimo, oketša kgatelelo ya ka mehla ya dithaere ka tekanyo ya 25% go fokotša phapogo (deflection); fela o sepediša motšhene goba sedirišwa ganyane go fokotša kgatelelo fao thaere e gatago fase. 





