Kgopelo ya go thoma lenaneotlhahlo (learnership) ge motho e le mongmošomo
Re hlokomela Re karolo ya Re direla
Ditirelo tša batho
Ditirelo tša mekgahlo
Ditirelo tša badudi ba dinaga tša ka ntle
Kgetha dipolelo
Kgopelo ya go hloma lenaneotlhahlo
Dikgetho
Gatiša letlakala le
Romela letlakala le ka e-meile
E iše go tše o di ratago kudu
E dire bjalo ka letlakala la matseno la websaete
Ka ga websaete ye
Ikopanye le rena
Mathomong
Ditirelo tša mekgahlo
Merero ya tshwaro ya basomi
Kgopelo ya go thoma lenaneotlhahlo (learnership) ge motho e le mongmošomo
Tlhalošo
Lenaneotlhahlo ke mokgwa wo mongwe wa tlhahlo wo o nepiša kudu go fa motho maitemogelo a mošomo.
Mananeotlhahlo a akaretša go ithuta motho a le ka phapošing lefelong la tlhahlo goba kholetšheng le go hlahla motho a le mošomong.
Ge o nyaka tshedimošo ka botlalo, eya go Kgoro ya Bašomi.
Tsela ye e latelwago
Bengmešomo ba swanetše go tšea sephetho sa gore ke mabokgoni afe ao ba hlokago gomme ba ka kgetha go tšwa go maneotlhahlo ao a abiwago ke Sector Education Training Authority (SETA) efe goba efe.
Bengmešomo ba ka dira kgopelo ya tšhelete go SETA ya bona ka morago ga gore ba saenele tumelelano ya lenaneotlhahlo la bona. Le ge go le bjalo, go bohlokwa gore bengmešomo ba ikopanye le SETA ya bona pele ba ka saenela tumelelano ya lenaneotlhahlo go kgonthiša gore SETA yeo e na le tšhelete ye e lekanego. Ikopnaye le SETA go botšiša gore o ka dira bjang kgopelo.
Kgetha motho mo khamphaning/mokgahlong gore a tle a hlahle baithuti le go ba thuša ka mathata ao ba ka kopanago le wona mo khamphaning.
Kgetha moabi wa tlhahlo yo a tlogo thuša baithuti malebana le thuto yeo e lebanego le lenaneo leo. Moabi yoo wa tlhahlo o swanetše go ba a filwe tumelelo ke SETA gore akgone go aba lenaneotlhahlo leo.
Bengmešomo ba ka hlaola baithuti go tšwa bašomeding ba bona goba ba ka kgetha batho bao ba sa šomego gore ba tsenele lenaneotlhahlo. Ge e le gore ba nyaka batho bao ba sa šomego gore ba tsenele lenaneo, ba ka ikopanya le senthara ya bašomi ya kgauswi gore e ba fe maina a batho bao ba lego gona. Bengmešomo ga ba gapeletšege go hira baithuti ba ka morago ga ge ba phethile lenaneotlhahlo la bona.
Bengmešomo, baabi ba tlhahlo le baithuti ba swanetše go saenela tumelelano ya lenaneotlhahlo leo.
Bengmešomo ba swanetše go saenela kontraka le baithuti bao ba sa šomego bao ba kgotsofatšago dinyakwa tša mananeotlhahlo a lekala leo la mošomo (Sectoral Determination for Learnerships). Ga go bohlokwa go saenela dikontraka le batho bao e lego gore ba šetše ba šomela mongmošomo.
Go bohlokwa gore bengmešomo ba ngwadiše tumelelano ya lenaneotlhahlo le SETA. Ge ba sa dire bjalo, ba ka se kgone go dira kleime ya go fokoletšwa motšhelo go tšwa go tirelo ya Matlotlo ya Afrika Borwa (SARS). Ikopanye le SARS go hwetša tshedimošo ka botlalo malebana le go dira kleimi ya go fokoletšwa motšhelo.
Ge dikgato tše tša ka godimo di šetše di phethilwe ka moka, bengmešomo ba ka tsenya tirišong lenaneotlhahlo.
Molao
Nako
Go ka tšea matšatši a 30 go thoma lenaneotlhahlo.
Tefelo
Tirelo ye ga e lefelwe.
Diforomo tšeo di tlatšwago
Dira kgopelo go Kgoro ya Bašomi
Mafelo le Diatrese
O kgopelwa go kgetha profense
Gauteng
Kapa Bodikela
Kapa Bodikela
Kapa Leboa
Leboa Bodikela
E lekotšwe la mafelelo ka:
Ka ga websaete ye
Ikopanye le rena
Mabaka a tšhomišo
