Phela bjalo ka ge  loko ya SATI e rialo
Sephetho ka Pholisi ya Loko ya SATI ya semmušo se tla fihlelelwa. Bjalo ka leloko la SATI, se se go fa tumelelo, ya tšweleletša boleloko bja gago nyanyeng ka boikgantšho le boikgafo bja gago mo go profešene. O ka šomiša loko mo dikarateng tša kgwebo, maletereng a dihlogo, dilipi tša tebogo, dikhotheišene, diinboise, dipukwaneng, matlakalaneng, websaeteng, mosaenong wa gago wa imeile le dipapatšong. Ngwalela Marion Boers go office@translators.org.za go hwetša Pholisi ya Loko ka botlalo le khophi ya gago ya loko ya semolao. 
Ditiragalo tša SATI tša boikgokaganyo
Moleloko wa Khansele ya SATI e lego Michelle Rabie o tla be a abelana wekešophong yeo e tsebalegago go la Durban ka di 17 Setemere 2010 le Bloemfontein ka di 22 Oktobere  2010 yeo hlogo ya yona e lego “How to Market Yourself as a Freelance Language Practitioner”. Ofisi ya SATI e tla be e romela diforomo tša boingwadiyo kgauswinyana. O se ke wa hlaiwa ke monyetla wo wa go ithuta se se sengwe se se mpsha, kopana le batho ba bangwe ba kgopolo ya go swana le ya gago gomme o ipshine ka diseneke tše dingwe tša tatso e bose. 
Moleloko wa Khansele e le go Manzo Khulu  o bile monggae wa dikopano tša katlego go la Johannesburg ka Mei go ka phatlalatša kgonagalo ya go hloma kgaolo go thekga maloko ao a šomago ka go maleme a SeAfrika. Kopano ya go bona ge e ba se se a phethagala e tla swarwa ka Agostose, gape le Johannesburg. Ditaba mabapi le tšatšikgwedi le lefelo di tla tsebišwa kgauswinyana. 
Mokete wa SATI wa Letšatši la Boditšhabatšhaba la Phetolelo 2010 o tla swarwa ka Labone la di 30 Setemere Yunibesithing ya Johannesburg. Molaetša wa letšatši e tla ba netefatšo ya boleng gomme tiragalo e tla akaretša thankgollo ya puku ya mareo a phetolelo a malemeleme ka modulasetulo wa SATIe le go Anne-Marie Beukes le moleloko wa SATI Marné Pienaar.
SATI Boland e tla be e keteka segopotšo sa yona sa bo 20 ngwaga wo, ka seminare le moletlo woo o tla go swarwa mafelelong a beke a di 18/19 Setemere. Ditaba mabapi le seo di tla latela.
Hle ikopanye le ofisi ya SATI ge o kgona go abelana ka dikhoso goba o na le dikgopolo goba dikgopelo tša tiragalo tšeo o ratago Sehlongwa se ka go swara. 
Sebjana sa Lefase sa 2010
Naa o be o le gona? Ge o be o amega ka go mešomo ya phetolelo/botoloki yeo e amanago le tiragalo (pele,nakong goba ka morago ), hle dira gore re tsebe ka seo. Re rata go kgobokanyapego ye kopana ka mohuta wa mošomo wa polelo woo Sebjana sa Lefase se o hlotšego go MaAfrika Borwa. Romela tshedimošo go Marion go office@translators.org.za
Boleloko
Maloko a maswa: Marisan Blignaut, Danielle Boxshall-Smith, Ronny Diatezoya, Nosipho Dlomo, Siya Lokwe, Priscilla Mahlangu, Lizé-Marie Marais, Nomfanelo Mahlatse, Malungi mbhele, Boitumelo Phalatse, Ben steyn
Bao ba ithobaletšego: Malgorzata Johnson, Pieter de Kock
Bao ba bilego le seabe go Sekhwama sa Tlhabologo: R Harm, W Nolting
Tša kgahlego
Moleloko wa SATI Olivier Fléchais o o botšišitšwe dipotšišo mo go lenaneo la seyalemoya la SAfm la “Word of Mouth” (Lentšu la Molomo) ka di 27 Juni 2010 mabapi le go šoma bjalo ka toloki. Phatlalatšo e hwetšagala go www.safm.co.za
Gore mareo ao a ikgethilego a hlabollwe a be a sepedišwe ka mahlakoreng ka moka a maleme a semmušo a Afrika borwa, Kgoro ya Bokgabo le Setšo e hlomile Registara ya Bosetšhaba ya Diprotšeke tša Mareo. Batšeakarolo ka moka ba mareo ba hlohleletšwa go ngwadiša diprotšeke tša bona le Tirelo ya Maleme ya Bosetšhaba  go thibela poeletšo ya diprotšeke tša dihlopha tša go fapana tšeo di šomago legorong  le tee. Morero wa Registara ke go netefatša gore go na le sediba sa magareng moogo na go le diprotšeke tšeo di nwadišitšwego tša mareo tšeo di tla go fihlelelega go bašomiši ka moka. Registara e ka hwetšwa websaeteng ya Kgoro:
www.dac.gov.za/http://terminology.dac.gov.za/. Boipelaetšo bo ka lebišwa go Moh Alet Oelofse (012 441 3827), Mna Lutamo Ramuedzisi (012 441 3844) goba Mna Solly Mnisi (012 441 3851).
Kgatišobaka ya moragorago ya Infoterm e gona onlaeneng go http://infoterm.info/pdf/activities/INL/INL_136.pdf. Kgatišobaka ke ya semmušo ya kotara ya Senthara ya Boditšhabatšhaba ya Mareo (Infoterm), yeo e tsebišago babadi ba yona ka ditlhabollo tša moragorago legorong la mareo. Ebile gape e fa tshedimošo ka ditiro tša moragorago le ditiragalo tša ka moso tša maloko a Infoterm le bašomišani mmogo ka bona. 
Dikgopelo tša khoso ya tikrii ya Wits BA Publishing Honours tša 2011 di buletšwe bjale. Khoso e loketše bao ba na go le kgahlego ya kheriya ya phatlalatšo, goba bao ba šetšego ba thwetšwe ke baphatlalatši, goba bao ba nyakago go bašomakanoši ba intasteri. Dikgopelo tša 2011 di tswalelwa ka di 30 Nofemere 2010. Ge o nyaka tshedimošo mabapi le mateng a khoso ikopanye le Colleen Dawson go colleen.dawson@wits.ac.za goba 011 615 2335. Ge o nyaka tshedimošo ka tshepetšo ya dikgopelo ikopanye le Merle Govind go merle.govind@wits.ac.za goba 011 717 4140. Tshedimošo ka botlalo:
http://web.wits.ac.za/Academic/humanities/SLLS/Disciplines/publishingStudies
Sofowere le Diwebsaete
WikIdioms, pukuntšu ya ya dika e a phela, ka maleme a go feta a 30, batšeakarolo ba 100 le ditlhathollo tše 30 000. Etela http://www.wikidioms.com. 
Wordfast LLC, moabi wa sofowere ya setlabele sa kgopolo ya phetolelo e butše Wordfast Anywhere, e le go kgopolo ya phetolelo yeo e ithegilego ka webe go kgontšha bafetoledi le basepediši go tsena go dithoto tša TM onlaeneng tikologong ya phetolelo  ka mokgwa wa go šireletšega. Tshedimošo ka botlalo e ka hwetšwa http://www.wordfast.com
Ditiragalo le ditaletšo tša dipampiri
Synthesis Vol. 4 (2011): Translation and Authenticity in a Global Setting. Kgatišo ye ya tšenale e ikemišeditše go  hlokomedišiša mošomomogolo wa phetolelo nakong ya bjale ya dithuto tša thopolotši, ka šedi ya dikgatišo tša kgonthišišo le boitsebišo bja lefase/selegae. Diathikele tšeo dihlogo tša tšona di amanago le dipolitiki tša phetolelo, sebaka sa phetolelo, dibopego tša phetolelo, phetolelo le klopalaiseišene, phetolelo le go tshela mellwane, le phetolelego (go se fetolege) di a laletwa. Ditšhišinyo tšeo di hlathollotšwego ka botlalo (mantšu a 800-1000) tša diathikele le dinyakišišo dife goba dife di ka romelwa ka imeile go bobedi bja Bagatiši ba Dikgatišo: Dionysios Kapsaskis (d.kapsaskis@reohampton.ac.uk)  le Lucile Desblache (l.desblache@roehampton.ac.uk). Letšatši la mafelelo la ditsopolwa ke di 30 Nofemere 2010 gomme letšatši la dithomelo šta diathikele ke di 30 Setemere 2011. Tshedimošo ka botlalo:
http://www.enl.uoa.gr/synthesis/about.htm
Communication, Culture and the Image of your organization: Wekešopho ya seripagare sa letšatši Senthareng ya Maleme ya Yunibesithi ya Stellenbosch.Letšatši la mafelelo ke la di 17 Agostose 2010. Go hwetša tshedimošo ka botlalo ikopanye le Audrey Poole mo go 021 808 2167 goba go taalsentum@sun.ac.za.
TM-Europe 2010 International Translation Management Conference: Krakow, Poland, 30 Setemere - 1 Oktobere 2010. Molaetša: Project and Technology Management, and Business Optimisation and Localisation industry. Diwekešopho tša pele ga khonferense di ka di 29 Setemere 2010. Boingwadišo bo buletšwe bjale. Tshedimošo ka botlalo e hwetšwa go : http://www.tm-europo.org
International Conference: Role of Translation in Nation Building, Nationalism and Supra-nationalism: New Delhi, India, 16-19 Disemere 2010. E rulagantšwe mmogo ke Indian Translators Association le Linguaindia Foundation, khonferense e tla tsitsinkela karolo yeo e kgathwago ke phetolelo mabakeng a Seindia. Etela http://www.itaindia.org/itaindia2010.php go hwetša tshedimošo yeo e tseneletšego ka tšeo di tlo go elwa šedi le melaetša. Ditsopolwa tša dipampiri di swanetše go romelwa ka la di 30 Agostose 2010 go bongwaledi bja ITAINDIA go info@itaindia.org. 
IALB-Tradulex Conference- Languages and Business Today and Solutions for Tomorrow: Lisbon, Portugal, 1-2 Oktobere 2010. E rulagantšwe ke International Association Language and Business (IALB) le boikgokaganyo bja boditšhabatšhaba bja Tradulex, khonferense e tla hlokomedišiša diphetogo tšeo di bilego gona intastering ya polelo go ya le ka mathata a bjale a lefase a ditšhelete. Tshedimošo ka botlalo: http://www.ialb-tradulex.org/
 Eighth International Conference and Exhibition on Language Transfer in Audiovisual Media: The Digital Revolution in the field of Audiovisual Media – Boon or Bane? Berlin, Jeremane, 6–8 Oktobere 2010. Batšeakarolo ba tla boledišana ka diphetogo le dikutollo tše mpsha go kgašo ya lefase ka bophara go išitšwe šedi go phetišo ya polelo. Tshedimošo ka botlalo: http://www.languges-media.com/index.php
16th International Congress of the Names Society of Southern Africa (NSA): Homo Nominans-Mankind, the namer: Club Mykonos, Kapa Bodikela 26-28 Oktobere 2010. Khonferense e tla lebelediša go rea le phišegelo yeo e sa gatelegego ya motho go rea dilo. Ge o nyaka tshedimošo, ikopanye le Bertie Neetling go bneethling@uwc.ac.za
International Postgraduate Conference in Translation and Interpreting (IPCITI) 2010: From Reflection to Refraction – New perspectives, new settings and new impacts: Yunibesithi ya Manchester, UK, 29-31 Oktobere 2010. Ye ke khonferense ya boselela ka tatelano yeo e ikemišeditšego go fa diresetšha tše mpsha monyetla wa go abelana ka diresetšhe tša bona le go tšea karolo ka go tiragalo ye bohlokwa ya boikgokanyo ya boditšhabatšhaba. Dinyakišišo di ka lebišwa go ipciti20102@manchester.ac.uk. Tshedimošo ka botlalo: http://www.ipiciti.org.uk/
Summer School for Translation Studies in Africa: Yunibesithi ya Stellenbosch, 29 Nofemere-4 Disemere 2010. Yona e abja ke Lefapha la Dithuto tša Afrosaik, Polelo ya Dika le Thuta Polelo go la Yunibesithi ya Stellenbosch le Lefapha la Seburu le Setatšhe gona Yunibesithi ya Stellenbosch, Sekolo sa Selemo ke sa baithuti ba grata ya bongaka le/goba bafahloši ba bofetoledi le dikgokagano magareng ga dithuto ka morero wa go šomela lenaneothero la Afrika go dithuto tša bofetoledi. Tshedimošo ka botlalo e hwetšwa go: http://www.ufs.ac.za/SSTSA
FIT XIX World Congress: San Francisco, USA, 1 – 4 Agostose 2011. Kgwegwe ya khonkrese ke “Bridging Cultures.” Letšatši la mafelelo la thomelo ya ditšhišinyo tša dikabo ke la di 10 Disemere 2010. Tshedimošo ka botlalo e hwetšwa : www.fit2011.org
Phetolelo ya Seburu: Ettienne van Zyl, Anne-Marie Beukes
Phetolelo ya Setswana: Peter Mekgwe, Pauline More
Phetolelo ya Sezulu: Manzo Khulu
Phetolelo ya Sesotho: Mike Mahase
Phetolelo ya Sethosa: Angelinah Dazela, Thokozile Mabeqa
Phetolelo ya Sepedi: Mapule Moswane
Phetolelo ya Seswatse: Benjie Shongwe
Dikgokagano tše Sehlongw		:Marion Boers. Tel: 011 803-2681. Fax 0866 199 133. E-mail: office@translators.org.za
Irene Dippenaar. Tel: 079 492 9359. Fax : 086 511 4971. E-mail:registrar@translators.org.za 
