Kgopelo ya go ngwadiša leswao la kgwebo
Re hlokomela Re karolo ya Re direla
Ditirelo tša batho
Ditirelo tša mekgahlo
Ditirelo tša badudi ba dinaga tša ka ntle
Kgetha dipolelo
Kgopelo ya go ngwadia tlhamo
Dikgetho
Gatiša letlakala le
Romela letlakala le ka e-meile
E iše go tše o di ratago kudu
E dire bjalo ka letlakala la matseno la websaete
Ka ga websaete ye
Ikopanye le rena
Mathomong
Ditirelo tša mekgahlo
Kgopelo ya go ngwadisa leswao la kgwebo
Kgopelo ya go ngwadiša leswao la kgwebo
Tlhalošo
Leswao la kgwebo ke leina la leswaosetšweletšwa, moono goba leswaokemedi. Le tsebagatša ditirelo goba dithoto tša motho mme la di farologanya le ditirelo goba dithoto tša yo mongwe. Mehlala e akaretša:
Ka fao, leina la leswaosetšweletšwa ke lentsu goba mantšu ao a hlakanego (bjalo ka, Kentucky Fried Chicken). Moono ke lefoko le le kopana goba lefoko mme leswaokemedi ke seswantšho seo se bonagalago goba leswaokemedi. Di tsebagatša boitsebišo ka ponagalo mo lefelong la mmaraka, mme di ka šomišwa go ditšweletšwa bobedi bja tšona le ditirelo.
Ge leswao la tšweletšo (leswaosetšweletšwa, moono goba leswaokemedi) le ngwadišitšwe, ga go sa na motho yo a ka šomišago leswao le la tšweletšo, goba le lengwe leo le swanago le lona. Ge se se ka direga, go ka diragatšwa magato a semolao. Go na le melato ya tsheko ya maemo a godimo ka mono Afrika Borwa bjalo ka ge MacDonalds (USA) e ile ya iša tirelo ya dijo tša ka pele ka mono Afrika Borwa yeo e bego e šomiša leswaokemedi la "M".
Tsela e latelwago
Hwetša foromo ya TM1 mme o e tlatše tše tharo. Dikgatišo tše pedi ke tšeo di šomišwago ke kantoro mme ya boraro e tla lotwa ke wena bjalo ka bohlatse bja kgopelo.
Lefela tšhelete ya ngwadišo pele, goba ge o iša kgopelo.
Go hwetša legoro la gago la maleba la dithoto goba ditirelo, e ya go: Nice Classification - 8th editiongoba ntle le fao, etela kantoro ya rena kua Tshwane.
Tlatša legoro ka go karolo ya 51 ya foromo ya TM1.
Ngwala fase dithoto ka moka goba ditirelo tšeo ka go tšona o nyakago go šomiša leswao la kgwebo ka go karolo ya 57 ya foromo ya TM1.
Hlokomela kudu gore o se bee dithoto goba ditirelo tša magoro ao a fapanego ka go kgopelo e tee ya leswao la kgwebo. Ge o ka dira bjalo, o tla eletšwa gore o fetole tlhalošodinyakwa gore a akaretše fela dithoto le ditirelo tšeo di welago ka gare ga legoro leo le itšeng. Go tše dingwe, o tla swanelwa ke go di tsenya ka gare ga kgopelo ye nngwe leswa.
Karolo ya 74 ya TM1 "aterese ya tirelo " ke aterese yeo ka go yona o ilego go amogela dikgokagano ka moka go tšwa go kantoro ya Leswao la Kgwebo. Ge aterse e fetoga, o swanetše go tsebiša Kgoro ka tshwanelo ka go kgopela "phetolo ya aterese ya tirelo " ka go foromo ya TM2.
Ge fela kgopelo ya gago e sepelelana le dinyakwa tša semmušo ka moka, o tla fiwa letšatši la kgopelo le nomoro. Dikgokagano le kantoro tše dingwe ka moka di tla ba le nomoro yeo. Le ge go tšea dikgwedi tše 18 go ngwadiša leswao la kgwebo, o ka thoma go e šomiša ge o se na go hwetša nomoro ya kgopelo.
Ge leswao la gago la kgwebo le amogelwa ntle le mapheko, o swanetše go kwalakwatša ka go Tšenale ya Tšhireletšo ya Kekišo, yeo e ntšhwago kgwedi ka kgwedi ke Bagatiši ba Mmušo.
Setšhaba se tla fiwa lebaka la dikgwedi tše tharo go tsenya kganetšo.
Ge go na le kganetšo yeo e amogelwago, Mongwadiši wa Maswao a Kgwebo o tla bitša lekgotla la theeletšo magareng ga mokgopedi le mo/baganetši
Ge e le gore ga go na dikganetšo tšeo di amogelwago, Lengwalo la Ngwadišo ya Leswao la Kgwebo le tla fiwa.
Leletša lefelo la kgokagano ya badiriši ya Kgoro ya Kgwebišano le Intaseteri (dti) ka go (0861 84 33 84).
Lefela pankeng ka go šomiša khouto ya bašomiši.
Molao o šomišwago
Nako ya tšweletšo ya mošomo
Go ka tšea mengwaga ye mebedi go ka phethagatša ngwadišo ya leswao la kgwebo.
Tefelo
R85 go nyaka maswao a kgwebo ao a šetšego a le gona
R266 legorong le lengwe le le lengwe la leswao la kgwebo
Diforomo tšeo di tlatšwago
Mafelo le diatrese
Profense:
Gauteng
Toropokgolo/toropo:
Mogala:
Atrese ya Bodulo:
Atrese ya poso:
E lekotšwe la mafelelo ka:
Ka ga websaete ye
Ikopanye le rena
Mabaka a tšhomišo
