

Year (Maize)											Sepedi



Ngwaga wo mongwe gape – taba ye nngwe gape ya katlego



Instructions:

Folio strap: Kgahlego ye e itšego

Byline: Jane McPherson, molaodi wa Lenaneotlhabollo la Balemi la Grain SA 

Photos: 	



Re fihlile mafelelong a ngwaga wo mongwe gape wa katlego mošomong wa Lenaneotlhabollo la Balemi la Grain SA. Tšohle tše di phethilwego lenyaga re di kgonne ka thušo ye botse ya tšhelete ye e tšwago go Trasete ya Lehea (Maize Trust).



Lenaneotlhabollo la Balemi le laolwa ke Moh Jane McPherson le Mna Willie Kotzé ba Ofisikgolo ya Grain SA kua Bothaville. Go hlomilwe poso (modiro) ye nngwe gape ya “Specialist: Field Services” (Matwetwe: Ditirelo tša Naga), mme Mna Danie van den Berg o beilwe go yona. Danie o tsebja gabotse morerong wo mme o rutile ka katlego mengwaga ye meraro ye e fetilego. Mošomo wa gagwe ke go laola badiredi ba nageng – balomaganyatlhabollo ba diprofenseng. Lenaneo la 1 le bontšha badiredi ba bangwe bao ba amegilego morerong wo.



Lenaneo la 1:



Lefelo				Motho 				Nepo ya Poso (Modiro) 

Bothaville			Debbie Boshoff			Mothušaofising

Zeerust				Tonie Loots			Molomaganyatlhabollo wa profense

Connie Mosikare 		Mothušaofising

Nelspruit			Jerry Mthombothi		Molomaganyatlhabollo wa profense

				Nonhlanhla Sithole		Mothušaofising 

Mthatha			Lawrence Luthango 		Molomaganyatlhabollo wa profense

Nombulelo Makeleni		Mothušaofising

Ladybrand			Johan Kriel			Molomaganyatlhabollo wa profense

				Jacinta Motloang		Mothušaofising

Klerksdorp			Amos Njoro			Molomaganyatlhabollo wa profense

				Lerato Modise			Mothušaofising 



Mafelong ao kgwebotemo e iphilego maatla, re nepiša kudu batšweletši bao ba tšwetšego pele ka ge re nagana gore ge re nyaka go phethagatša malebiša a rena a “Go tšwetša pele balemikgwebo ba baso bao ba kgonago”, re swanetše go thušana le batšweletši bao ba šetšego ba le tseleng ya go ba balemikgwebo, ka mokgwa wa tlhokomelo ya bonoši (individual attention). Mafelong ao temokgwebo e sa golago, re tšwela pele ka go nepiša dihlophathuto, woo e lego mokgwa wo o kgontšhago go feta ye mengwe wa go direla batšweletši ba mmalwa le go thušana le bona ka nako e tee. 



Lenaneothuto la rena le dula le katologa – re oketša dithuto ka mehla mola nyakego ya tšona le yona e golela godimo ka go se kgaotše. 



Re sa boeletša gape go leboga go menagane thušo ya ba “Maize Trust” ye e sa kgaotšego mabapi le lenaneo le – re leka ka maatla go laola lenaneo le ka moo go kgontšhago le go thuša batšweletši ka moo go kgontšhago, mme re tla tšwela pele go dira bjalo. Rena ba sehlopha sa tšwetšopele re thabela kudu sebaka seo re se fiwago. 

