Year (Maize) 									Sesotho sa Leboa

		

Grain SA le tlhabollo ya balemi – re lekola ngwaga wo o fetilego



Instructions: 

Folio strap: Lenaneotlhabollo la Balemi

Byline: Jane McPherson, molaodi wa Lenaneotlhabollo la Balemi la Grain SA



Rena badiredi ba Lenaneotlhabollo la Balemi la Grain SA re šegofaditšwe le gona re na le mahlatse ka ge re kgona go kgatha tema yeo re holofelago gore e ka thuša go nolofatša phetolo ya temo mono Afrika-Borwa. Rena ba Lenaneotlhabollo la Balemi la Grain SA re ineetše go hlabolla batšweletšikgwebo ba baso bao ba kgonago le gona ba tlogo kgotlelela. 



Ba ba amegilego intastering ya mabele, kudu batšweletši, ba lebane le ditlhohlo tše kgolo mo nakong ye. Re swaragane le kabagano ya naga ka bofsa (land redistribution and restitution), re swanetše go phadišana le dithekišo tša ditšhabatšhaba tša mabele, re katana le ditshenyegelo tša godimo tša dinyakwapšalo (input prices) tšeo di fetago tša ditšhabatšhaba, le gona re phela nageng ye e omilego yeo le yona e huetšwago ke phetogo ya dipaterone tša boso ka baka la thuthufatšo ya lefase. Ka kakaretšo ga re hlaele ditlhohlo, tše re di hlaelago ke ditharollo! 



Taolo

Re swanetše go dula re leboga lešego la rena lenaneong le – badiredi ba lona ke batho ba go loka ruri. Re thoma ka maloko a Bolaodiphethišo (Executive Management) bja Grain SA. Modulasetulo wa rena, Moh Jenny Mathews, ke motho yo a kgonago, yoo a ineetšego le gona yo a ratago go thuša ba bangwe. Lenyaga re ile ra šegofatšwa ka go ba le Mna Schalk Viljoen, yo a tšwago Kapa-Bodikela, yo a re thušitšego sehlophengtiro (working group) sa rena. Go feta fao o ile a kgethwa go ba motlatšamodulasetulo wa komiti ya rena. Re thabile kudu go dirišana le Schalk, gammogo le Mna Andries Theron, yoo le yena a tšwago Kapa-Bodikela, komiting ya rena ka ge ba tliša dikgopolo tše mpsha le tebelelo (perspective) ye nngwe mabapi le tlhabollo ya batšweletši. Re na le batho ba ba botegago kudu le gona ba ineetšego ka botlalo Sehlophengtiro sa rena: Mna Gert Pretorius wa Lichtenburg, Mna Moss Malo wa Delareyville, Mna Jabulani Zitha wa Nigel, Mna SK Makinana wa Ugie le Mna Papi Nkosi wa Hazyview. 



Re thabile kudu ge Mna Karabo Peele a tlile go re thuša sehlophengtiro sa rena lenyaga. O emela Trasete ya Lehea yeo e lego molefedimogolo (major funder) wa rena. Re ile ra kgona go kgodiša Mna Dirk van Rensburg, yoo pele e bego e le leloko la bolaodiphetišo (executive management), go tšwela pele bjalo ka leloko la sehlophatiro. Dirk ke motšweletši wa kua Arlington yo a ineetšego ka botlalo le gona a amegilego kudu temong, mme re mo leboga ge a dumetše go re thuša ka lenaneotlhabollo le. 



Morero wa rena o tšwetše pele mme gonabjale o na le badirediruri ba 17 le ba bangwe ba 13 bao ba šomago ka kontraka. Tekanyetšo (budget) ya lenaneo le le feletšego e ka ba R14 000 000 (dimilione tše 14) (mengwaga ya matlotlo ya merero ye e fapafapanago e fapana le ngwaga wa matlotlo wa Grain SA, ka fao palo ye ke kakanyo ya kgauswi). Kua Bothaville re na le Moh Jane McPherson (Molaodi wa Lenaneo), Dr Willie Kotzé (Setsebitsebi: Thutantšho le Tlhabollo), Mna Danie van den Berg (Setsebitsebi: Ditirelo tša Nageng), Moh Debbie Boshoff le Moh Annemarie de Beer (bathuši ka ofising). 



Badiredi ba dileteng ke ba ba latelago: 

Lefelo
 
Motho
 
Mothuši
 

 
Ladybrand
 
Johan Kriel
 
Dimakatso Nyambose
 

 
Zeerust
 
Tonie Loots
 
Connie Mosikare
 

 
Klerksdorp
 
Amos Njoro
 
Lerato Modise
 

 
Nelspruit
 
Jerry Mthombothi
 
Nonhlanhla Sithole
 

 
Mthatha
 
Lawrence Luthango
 
Nombulelo Makeleni
 

 
Vryheid	
 
Jurie Mentz
 
Sydwell Nkosi
 

 
						

Ngwageng wo o fetilego re ile ra nyamišwa ke go tloga ga Moh Jacinta Motloang wa ofisi ya Ladybrand, yoo a amogetšego sebaka sa borutiši kua Manyatseng, le Mna Piet Potgieter yoo a beilwego hlogo ya karolo ya tlhabollo ya batšweletši ya VKB. Re thabile kudu ka ge re kgona go dirišana ka bokgauswi le Piet Potgieter maemong a gagwe a mafsa. Re ipona bjalo ka karolo ya sehlopha se segolo se se hlabolago batšweletši ba Afrika-Borwa mme re thakgela tirišano le batho bao ba kwešišago tlhabollo go swana le rena. 



Mna Jan de Villiers wa Ficksburg o dumetše go laola morero wa Trasete ya Mabele a Marega (Winter Cereals Trust project) kua Freistata-Bohlabela. Jan ke motšweletši yo a tsebalegago yo a rotšego modiro. O na le boitemogelo bja mengwaga ye mentši mabapi le tšweletšo ya korong (gare ga tše dingwe) mme o neeletša tsebo ya gagwe ka pelotšhweu go kgontšha batšweletši ba bangwe. Mna Arthur Clayton wa Sannieshof o ile a tšwela pele go arabela Morero wa Mabelethoro (Sorghum Project). 



Bafahloši (barutantšhi) ba bangwe ba lenaneo ke ba ba latelago: 

Mofahloši
 
Lefelo
 

 
Eduard Foord
 
Ladybrand
 

 
Johan van der Merwe
 
Ladybrand
 

 
Attie Louw
 
Bloemfontein
 

 
Israel Mokoto
 
Wolmaransstad
 

 
Derrick Nqana
 
Nelspruit
 

 
Hendrik van Zyl
 
Cedara
 

 
Peter McGregor
 
Kokstad
 

 
Paul Jordaan
 
Barkley West
 

 
André Malan
 
Bloemfontein
 

 
Jan de Villiers
 
Ficksburg
 

 
Arthur Clayton
 
Sannieshof
 

 
Alphons Dube


 
Middelburg, Mpumalanga


 

 
Marius Greyling
 
Potchefstroom 
 

 


Tebogo 

Lenaneo le ka botlalo le lefelwa ke Trasete ya Mabele, Trasete ya Lehea, Trasete ya Mabele a Marega (Winter Cereals Trust), Trasete ya Tlhabollo ya Dipeu tša Oli le Proteine (Oil and Protein Seeds Development Trust) le Trasete ya Mabelethoro. Ditrasete tše di kgatha tema ye bohlokwa kudu. Ntle le tšona go be go ka se diragale tše ntši lehlakoreng la tlhabollo ya batšweletši. Re sa boeletša go leboga kabelo ye bohlokwa ya mekgatlo ye – re e tshepiša boineelo bja rena go tlhabollo ya batšweletši. 





