Weather										Sepedi



Kakanyo ya boso malebana le sehlatšweletšo sa selemo sa 2007/2008



Instructions:

Folio strap: Boso

Byline: Corné Louw, raekonomi wa tša temo: Tšweletšo, Grain SA (agricultural economist, Production/Inputs) 

Figure 1 - Nofemere

Figure 2 - Desemere

Figure 3 - Janaware

Figure 4 - Bothaville

Figure 5 - Reitz

Figure 6 – Scheizer-Reneke

Figure 7 – Bethal

Kgonagalo

Dikgwedi



Pula ye e nelego sehleng se se fetilego, kudu lebakeng le bohlokwa la go tloga ka Janaware 2007 go ya go Matšhe 2007, ke ye nnyane ge e bapišwa le ya 1992, ngwageng woo ebile go kilego gwa ba komelelo e šoro. Mafelo a mangwe, kudu tikologong ya Gauteng le bodikela bja Mpumalanga, a wetšwe ke komelelo ye mpe yeo e sego ya ke ya bonwa go tloga ka ngwaga wa 1912. 



Go ya ka Mna Johan van den Berg wa ARS, go na le dika tšeo di šupago go tšwelela ga La Nina ye maatla. Go letetšwe gore khuetšo ya La Nina e tlo kwagala go fihla lehlabula la 2008. Se se ra gore go na le kgonagalo ye kgolo ya dipula tše botse lebakeng le bohlokwa la go tloga Desemere 2007 go ya go Matšhe 2008. 



Diswantšho tša 1 - 3 di bontšha kgonagalo ya go na ga pula ya ka mehla. Mmala wa serolane o bontšha pula ya ka mehla, wo motala o bontšha pula ya go feta palogare mme mmala wo motsothwa o bontšha pula ya ka fase ga palogare. Dikakanyo mabapi le dikgwedi tše di tlago di bontšha gore go ka letelwa pula ya palogare (mmala wa serolane) go ya go ya godimo ga palogare (mmala wo motala). Kgonagalo ya pula dikgweding tša Desemere 2007 le Janaware 2008 e tloga e tshepiša kudu. 





Seswantšho sa 1 - 3	:	Kgonagalo (%) ya pula ye e sego fase ga ya palogare/ya ka mehla.

Bohubedu		:	Kgonagalo ya fase ga 20% ya gore go ka na pula ya palogare/ka mehla.

Botsothwa	 	:	Kgonagalo ya 20% - 40% ya gore go ka na pula ya palogare/ka mehla.

Serolane		:	Kgonagalo ya 40% - 60% (palogare/ya ka mehla)

Botala (bjang)		:	Kgonagalo ya 60% - 80% (godimo ga palogare/ya ka mehla)

Botala (legodimo)	:	Kgonagalo ya go feta 80% (godimodimo ga palogare/ya ka mehla).



Dikakanyo mabapi le mafelo a a itšego 

Kgonagalo ya go amogela pula ye e sego ka fase ga 20 mm lebakeng la matšatši a 10, e akanyeditšwe mafelo a a itšego – dipalo tše di tšweleditšwe Diswantšhong tša 4 - 7. Ditetelo tše di theilwego godimo ga palogare ya pula ye e nelego lebakengtelele di bontšhwa ka bohubedu mme kgonagalo malebana le sehla sa gonabjale (2007/2008) e bontšhwa ka botala bja legodimo. 



Mmala wo motala wa legodimo o bontšha mabaka a kgonagalo ye kgolo ya pula ya godimo ga palogare. Go ya ka tshepelo ya La Nina, kgonagalo ye kgolo ya pula ye botse e bonala e tšwelela ka Desemere le seripeng sa mathomo sa Janaware 2008, ke moka gape mathomong a Feperware go ya go Matšhe. 



Tshedimošo ya ka godimo e tšweleditšwe ke Mna Johan van den Berg wa ARS. Tshedimošo ya go tlaleletša e ka hwetšwa wepsaeteng ya Grain SA (www.graansa.co.za). 

