Track (Maize) 									Sesotho sa Leboa

		

Ditekotaetšo le matšatši a balemi a sepela gabotse



Instructions: 

Folio strap: Lenaneotlhabollo la Balemi

Byline: Jane McPherson, molaodi wa Lenaneotlhabollo la Balemi la Grain SA



Nepo ya Lenaneotlhabollo la Balemi ke go hloma le go laola ditemateko (trial plots) moo batšweletši ba ka lemogago mehola ya peakanyo ye e nepagetšego ya mmu, monontšha, kgetho ya khalthiba, taolo ya ngwang le disenyi, le puno.  



Ditekotaetšo 

Re kgonne go hloma ditemateko tša taetšo (demonstration trial plots) tše 46 mafelong ohle ao a direlwago ke lenaneo la rena. Nepo ya diteko tše ke go laetša mokgwa wo mokaone – go diriša monontšha/go se diriše monontšha; bokaakang bjo bo nepagetšego bja peu/peu ye ntši go feta goba ye nnyane go feta; taolongwang ye botse/go se laole ngwang. Diteko tše di thuša kudu batšweletši bao ba sa sepelego kudu le gona ba sa kgonego go bala gabotse ka go ba bontšha mehola ya go dira seo se lebanego ka nako ya maleba, mabakeng ao a ba amago. 



Matšatši a balemi 

Matšatši a balemi a fa bakgathatema bohle sebaka se sebotse sa go bontšha batšweletši tšeo ba di rekišago le go boledišana le bona. Matšatši a a akaretša badiredi ba lenaneo la rena le ge e ka ba baemedi ba dikhamphani tše di rekišago dinyakwapšalo (input supply companies), dikgwebo tša agri, dikhamphani tše di rekišago inšorense ya dibjalo, mekgatlo ya tšhelete, bjalobjalo. Pakeng ye ya matlotlo re ile ra ba le matšatši a balemi a 65 – palo ya batšweletši bao ba ilego ba ba gona e be e le gare ga 8 le 250.





