Study Groups (Maize)										Sepedi



Nepo ya sehlophathuto ke efe?

	

Instructions:

Folio strap: Dihlophathuto

Byline: Jane McPherson, molaodi wa Lenaneotlhabollo la Balemi la Grain SA

Photo

 

Morero wo mongwe wo bohlokwa wa Lenaneotlhabollo la Balemi ke go hloma le go thuša dihlophathuto. 



Nepo ya morero wo ke go hlohleletša batšweletši ba ba hlabologago, bao ba kgonago go tsenela naga, go bopa dihlophathuto tšeo di kopanago ka mehla go tsenela dithuto le tshedimošo yeo e amanago le intasteri ya lehea. 



Dihlophathuto tše di latelago di hlomilwe le go thušwa lenyaga:

Tonie Loots, Leboa-Bodikela – dihlophathuto tše 25;

Amos Njoro, Leboa-Bodikela le Gauteng – dihlophathuto tše 21; 

Jerry Mthombothi, Mpumalanga – dihlophathuto tše 33; 

Johan Kriel, Freistata – dihlophathuto tše 25; le 

Lawrence Luthango (yo a thomilego mošomo ka Mei 2008), Kapa-Bohlabela – dihlophathuto tše 14. 



Dikopanong tša dihlophathuto tše go ile gwa šogwašogwa direrwa tša go fapafapana, tšeo di akaretšago tše di latelago: 



Mabu le nontšho

Go tšea dišupommu, tirišo ya boro ya mmu (soil auger), botebo bja mmu, kgohlagano ya mmu le seo se bitšwago “plough pan”, go tšhela kalaka, diphetho tša phetlekommu, esiti (bodila) mmung, maamušo a mmu, nontšho, dinyakwa tša dibjalo tša phepo, go hwetšagala ga phepo mabung a, mekgwa ya go lema le pabalelo ya monola. 



Tšweletšo

Dikadimo tša batšweletši – tlhalošo ye e feletšego ya go adima tšhelete, peakanyo ya letlotlo (financial planning), ditshenyegelo mabapi le tšweletšo, kakanyetšo ya dipoelo, nako ya go bjala, botebo bja go bjala, mehuta ya dibjalo (varieties), palo ya dibjalo (plant populations), khuetšo ya klimate mabapi le tšweletšo ya dibjalo, kelo (calibration) ya digašetši le diplantere, phetošopšalo, tirišo ya bakontraka ka moo go kgontšhago, puno, bokaakang bja monola tlhophong (grading) ya mabele, poloko ya mabele, ditshenyegelo mabapi le thwalo, go reka dinyakwa tša pšalo (inputs) ka bohlale, mohola wa mašaledi a puno, papatšo ya mabele, dithušo tša tšhelete (grants) le thušo go tšwa go mmušo.



Ditrekere, didirišwa le metšhene

Ditshenyegelo mabapi le mešomo (cost of operations), dinyakwa tša kW mabapi le didirišwa tša mehutahuta, ditshenyegelo mabapi le ditokišo, dinyakwa tša kW malebana le hektare, phokotšo ya go lema go boloka tšhelete le dikwano tša khirotheko. 



Naga le ditaba tša naga

Ka moo naga e ka tsenelwago semmušo, dikakanyetšofelo (area calculations), khiro ya mašemo, tlhopho ya mabu (soil classification) le seo o ka se dirago ge boramokhukhu ba tsenela naga ya gago.



Disenyi le Malwetši

Taolo ya dibokosegi le dibokophehli.



Mengwang

Mehuta ya mengwang, taolongwang ka dikhemikhale le ka metšhene, taolo ya mabjang ao a hlakanego le mengwang, tirišo ya dibolayangwang pele le morago ga ge mengwang e tšweletše mmung, le go gašetša direi goba tšhemo ka botlalo. 

 

Taolo ya kgonagalokotsi (Risk management)

Tshenyo ye e hlolwago ke sefako, inšorense mabapi le sefako, inšorense ye e akaretšago (comprehensive insurance) le dinyakwa tša inšorense. 







