Planning (268)



Loga maano e sa le ka pela 



Instructions: 

Folio strap: Tšweletšo

Byline: Jane McPherson, molaodi wa Lenaneotlhabollo la Balemi la Grain SA

Photos:



Mohlamongwe sehla se e be e le se sebotse tikologong ya gago go swana le mafelong a mantši a naga. Boso bo ile bja kgahliša mme pula e nele gabotse. Mohlamongwe mabaka a go dumelela go bušetša tšhelete ye o e adimilego wa ba wa šala le ye nngwe ka potleng. Le ge go le bjalo, go na le dintlha tšeo o swanetšego go thoma go di ela hloko mabapi le sehla se se tlago. 



Elelwa:

Boloka tšhelete ya go tšweletša dibjalo sehleng se se tlago – ge o adima tšhelete ye nnyane dikgonagalokotsi tša gago le tšona di a fokotšega;

Gopola ka ditrekere le didirišwa tše o di hlokago go kaonafatša mekgwa ya gago ya go lema; 

Na o nagana go bjala dibjalo dife sehleng se se tlago sa selemo?

Na ka tšhelete ye o nago le yona o ka kgona go bjala dihektare tše kae?

Na palomoka ya kakanyetšo [“budget”] ye e nyakegago go bjala dibjalo sehleng se se tlago ke efe? 

Ge o swanetše go adima tšhelete o tlo e kgopela mokgahlong ofe? 

Na o tšere dišupommu? 



Sehleng se se fetilego sa tšweletšo, dithekišo tša mabele ohle di nameletše kudu mme balemi ba bangwe ba hweditše dipoelo tše botse. Madimabe ke gore thekišo ya oli (yeo e huetšago ditshenyegelo tše ntši tša temo) gammogo le koketšo ya tswalo [“interest rates”], e šetše e hlatlošitše ditshenyegelo tša sehla se se tlago kudu. Go bohlokwa go feta gore molemi yo mongwe le yo mongwe a akanye le go loga maano ka šedi pele ga ge a bjala dibjalo tša sehla se se tlago – na ditshenyegelo malebana le hektare e tee e tlo ba dife le gona thekišo ya mabele ye e ka letelwago ke efe? 

