Mechanisation (Maize)							Sesotho sa Leboa

Taolo ya tirišometšhene – ke boikarabelo bja mang? 



Instructions: 

Folio strap: Tirišometšhene

Byline: Willie Kotzé, setsebitsebi sa thuto le tlhabollo sa Lenaneotlhabollo la Balemi la Grain SA 



Mohlamongwe o ile wa ba le mahlatse a go amogela ditrekere le ditlhamo tša temo go Kgoro ya Temo goba go mokgahlo wo mongwe. E ka ba gore ga se wa fiwa ditlhamo tše go di diriša o noši, eupša o swanetše go di diriša le batšweletši ba bangwe ka go šielana. Maemo a mohuta wo a boima. Le ge go le bjalo, gopola gore o na le mahlatse go feta batšweletši ba bangwe ba mmalwa bao ba se nago le sebaka sa go diriša ditrekere le ditlhamo dife kapa dife. 



Tirišometšhene ke lehlogonolo, eupša e nyaka taolo. Bohle bao ba dirišago metšhene ba rwele boikarabelo bjo bogolo. Mekgwa ya taolo ye e kgethwago ka boikarabelo e swanetše go ahlaahlwa mme diphetho di swanetše go tšewa ke sehlopha – mongwe le mongwe o swanetše go kwana le ka moo dilo di tlogo phethwa ka gona, le ge e ka ba le ntlha ye nngwe le ye nngwe yeo e šogašogilwego, gore diphetho tša sehlopha di tle di phethagatšwe ka morago. 



Mabaka ao a ka hlolago phapang 

Go na le mabaka a mmalwa ao a ka hlolago phapang mabapi le tirišo ya ditrekere le ditlhamo tšeo di kopanetšwego, ao a amanego le tše di latelago:

Na bao ba dirišago ditlhamo ba swanetše go lefa? 

Badiriši ba ditlhamo ba swanetše go di lefela ka lebaka lang? 

Ge ba swanetše go lefa, tefo ye e tlo balwa bjang – ka iri goba ka hektare? 

Badiriši ba bantši ba nyaka go diriša ditlhamo ka letšatši le tee. 

Motšweletši yo mongwe o na le mašemo a mantši ao a nyakago go a beakanya/ lema/hlagola ohle mola batšweletši ba bangwe ba na le tšhengwana e tee fela – mongwe le mongwe o dumeletšwe go beakanya /lema/hlagola dihektare tše kae? 

Batšweletši ba tlo hwetša tisele kae? Motšweletši yo mongwe le yo mongwe o swanetše go reka kane ya tisele karatšheng ya kgauswi, goba sehlopha se tlo ba le tanka ye kgolo fao mongwe le mongwe a ka tšhelago tisele? 

Ge tisele e rekwa ka bontši tirišo ya yona e tlo laolwa ke mang? Motho yo a rwelego boikarabelo ke mang? 

Tisele e tlo rekwa le go rekišwa ka theko ya go swana goba sehlopha se tlo itlholela poelo ye nnyane yeo e ka dirišwago go fokotša ditshenyegelo mabapi le tlhokomelo ya ditlhamo? 

Ge se sengwe se ka senyega trekereng se swanetše go lokišwa ke mang? 

Ge trekere e dirišitšwe e swanetše go bušwa tanka ya yona e tladitšwe tisele? 

Baotledi ba trekere – e ka otlelwa ke mang le mang, goba e swanetše go ba mootledi yoo a beilwego, goba go feta tšohle, e swanetše go ba motho yoo a nago le laesense ya go otlela trekere? 

Na ditlhamo tše di neetšwe mang? 

Na “beng” ba ditlhamo ba itlhaotše ka leina (ke go re ditlhamo tše di ka dirišwa ke batho ba se kae fela goba di ka dirišwa ke motho ofe le ofe setšhabeng)? 

Nepokgolo ya ditlhamo tše ke efe? (Na ke go lema nagatemego goba di ka dirišwa gape go rwala diphahlo?) 

Ditlhamo di tlo bolokwa kae – polokelong ya gare goba dintlong tša badiriši? 

Ditrekere di tlo lokišwa (sebiswa) kae? 

Tlhokomelo ya ditrekere (ke go re di swanetše go sebiswa neng) e tlo laolwa ke mang? 





Boikarabelo bja mong (beng)

Na beng ba ditlhamo ba lemoga boikarabelo bja bona mabapi le tirišo ya tšona? 

Na go theilwe ditshepetšo mabapi le tirišo ya ditlhamo? 

Na go na le melao le melawana mabapi le: 

Ditlhamo di ka dirišwa ke mang le gona neng? 

Ditlhamo di ka otlelwa/sepedišwa ke mang? 

Tefo ya ditshenyegelo? 

Go sebisa le go lokiša ditlhamo? 

Thuto ya baotledi/basepediši?

Dikgato tša boitšhireletšo? 

Theko ya ditrekere le ditlhamo tše mpsha? 

Inšorense ya ditrekere le ditlhamo? 

Tekantšho ya maemo a ditlhamo? 

Dikontraka tša basepediši? (ke go re ge motho a lefelwa go otlela, bjalobjalo).

Kontraka le mongnaga – seo se swanetšego go dirwa le maemo (standards) ao a nyakegago? 

Tšhupadipaka (time schedules)?

Ditshepetšo mabapi le kelo (calibration) ya digašetši le diplantere? 

Taolo mabapi le mošomo wo mongwe le wo mongwe wo o phethilwego (mohlala, morago ga kgašetšo ya tšhemo dikhemikhale tše di dirišitšwego di swanetše go ngwalwa)? 

Theko le tefo ya tisele? 



Basepediši (baotledi ba ditrekere) 

Ke mang yo a swanelago go otlela trekere? (Go ka kgopelwa mang go otlela trekere?)

Na go na le thuto efe kapa efe yeo basepediši ba swanetšego go e phetha? 

Mosepediši o tlo rutwa ke mang go otlela trekere go ya ka mošupatsela wa mosepediši?

Taolo ya basepediši ke boikarabelo bja mang? 

Trekere ye nngwe le ye nngwe e na le mootledi o tee fela goba go tlo ba le batho ba ba fapanago bao ba tlogo otlela trekere ka dinako tše di fapanago? 

Ge go na le baotledi ba go feta o tee boikarabelo mabapi le trekere ke bja mang? 

Boikarabelo bja go lekola trekere pele ga ge e tsena tšhemong mosong wo mongwe le wo mongwe ke bja mang? 

Ke mang yo a swanetšego go kgonthiša gore maemo a ka mehla a trekere ke ao a nyakegago? 

Go na le ditlhamo tša go hlwekiša ditrekere le didirišwa le felo fao se se ka diregago? 

Mathata ao a ka bago gona a ka begelwa mang? 

Ditshepetšo tšeo di swanetšego go latelwa mabapi le go lokiša tšeo di senyegilego ke dife? 

