Kobus

Go beilwe molaodikakaretšo wo mofsa wa Grain SA



Instruksies: 

Folio strap: Grain SA

Byline: Sehlopha se se rulaganyago Pula-Imvula 

Photo: Dr Kobus Laubscher



Dr Kobus Laubscher o beilwe molaodikakaretšo yo mofsa wa Grain SA go tloga ka 1 Janaware 2008.



Dr Laubscher, yo gonabjale a šomago Yunibesithing ya Freistata, ke raekonomi wa tša temo yo a nago le boitemogelo bjo bo nabilego, yo gape a amegilego kudu mešomong ya gae, ya profense le ya setšhaba, gare ga ye mengwe, bjalo ka moeletšimogolo (strategic advisor) wa dikgwebo tša temo, monyakišiši le mofahloši. Godimo ga mešomo ya go fapafapana ya nyakišišo mabapi le papatšo (strategic marketing) le go kgopamolla ditaba tša naga, Dr Laubscher e be e le leloko la sehlophatiro (task team) sa Tona ya Profense ya Kapa-Leboa seo se laetšwego go nyakišiša tlhomo ya batšweletši bao ba ithutago go lema ka go nošetša (developing irrigation producers).



Tikologong ya Afrika-Borwa Dr Laubscher o amegile kudu kgwebongtemo kua Namibia le Botswana. Ke leloko la Lekgotla la Ditšhabatšhaba la Taolo ya Dijo le Temo “International Food and Agriculture Management Association (IAMA)”. Go feta fao o na le boitemogelo bja maatla a go phetha le a go se phethe kgwebong (executive and non-executive capacity). Malobanyana Tona ya Mebereko e ile ya mmea modulasetulo yo a sa phethego (non-executive chairman) wa Institute ya Botšweletši ya Setšhaba “National Productivity Institute (NPI)” ya Afrika-Borwa mme o šomela temo ye e beakantšwego (organised agriculture) bjalo ka mokgethi (nominator). Go fihla kgauswana e be e le leloko la Lekgotla la Yunibesithi ya Freistata leo le kgethilwego go emela bathuši (contributors).



Dr Laubscher o nyetše Annemarie mme ba na le basetsana ba babedi le mošemane.



