Key											Sepedi



Botšweletši ke motheo wa katlego



Instructions: 

Folio strap: Taolo

Byline: Tshedimošo ye e tšwa mo go mošupatsela wa Taolo ya Kgwebo ya Agri 



Ntlha ye bohlokwahlokwa katlegong ya bolemi ke botšweletši – se se akaretša dikgopolo tše pedi tše di latelago: 

Kgontšho (“effectiveness”) – go dira se se lebanego; le

Bokgoni (“efficiency”) – go dira dilo ka nepagalo.



Botšweletši ga se selo se tee le tšweletšo, eupša bo šupa dikaonafatšo bokgoning bja go fetola tše di bjetšwego (“inputs”) go ba ditšweletšwa (“outputs”). Ke sephetho sa kabelo ya go godiša tšweletšo ya ditšweletšwa, morago ga ge dintlha tše dingwe tšohle di etšwe hloko. Ke setšweletšwa sa go hloka popego sa mpshafatšo (“innovation”), bokgoni, taolo, nyakišišo, boso le mahlatse. 



Ge tirišo ya dinyakwa tša pšalo tša go swana le monontšha, dibešwa le metšhene e fihlile ntlhorwaneng, goba ge thušano ya dinyakwa tšohle e se ye e nyakegago, koketšo ya botšweletši ke yona e tlogo ba mothopo o noši wa kgodišo ya tšweletšo (“output growth”).



Kgodišo ya botšweletši (“productivity growth”) ke sešupo sa phetogo ya theknolotši le kaonafatšo ya bokgoni bja taolo, seo se hlolago koketšo ya tšweletšo yeo e theilwego godimo ga tekanetšo ye e itšego ya tšweletšo (“given level of output”). Go šoma ka katlego go ra go šoma ka bohlale, e sego go šoma ka maatla go fetiša. Go boima go ela kgodišo ya botšweletši. Kelo ya botšweletši e nyaka kakaretšo ya dintlha tšohle tše di amago dinyakwa tša pšalo (“inputs”) gammogo le dintlha tša tšweletšo (“outputs”) le go leka go ela dikaonafatšo le ditirelo tšohle tšeo di theilwego godimo ga sephetho sa pšalo (“inputs”).  



Go bohlokwa go ela kelo ya botšweletši malebana le dintlha tša go fapafapana tša tšweletšo polaseng ya gago hloko, ge o thoma go beakanya ditaba tša tšhelete le tše dingwe mabapi le sehla se se tlago. 







