Competition (Maize) 								Sesotho sa Leboa

		

Phadišano ya Motšweletši wa Ngwaga e sa tšwela pele ka maatla 



Instructions: 

Folio strap: Motšweletši wa Ngwaga

Byline: Jane McPherson, molaodi wa Lenaneotlhabollo la Balemi la Grain SA 



Ke taba ya maswabi go lemoga gore bafsa ba Afrika-Borwa matšatšing a lehono ga ba sa kgetha temo bjalo ka boiphedišo. Go feta fao go na le kgopolo ya gore ga go na batšweletšikgwebo ba baso bao ba atlegago. Ka phadišano ye re bontšha batho gore batšweletši ba baso bao ba atlegilego ba gona le gona batho bao ba šomago ka maatla ba kgona go atlega. 



Moletlo wo o tumilego moo mofenyi wa phadišano ya Motšweletši wa Ngwaga a tsebišwago o ile wa swarwa lebakeng le re begago ka lona gonabjale, le ge baphadišani bao ba fetetšego kgatong ya mafelelo ba ile ba hlaolwa lebakeng le le fetilego. Mna Samuel Moloi wa Fouriesburg, Mna Isak Khuto wa Ficksburg le Mna Labious Manoto wa Mooifontein e be e le bona baphadišani bao ba fetetšego kgatong ya mafelelo. Mofenyi ke Mna Labious Manoto wa Mooifontein yo e bego e le leloko la lenaneotlhabollo le lebaka la mengwaga ye mentši. (Nnete ke gore ke yena leloko la ditone tše 1 000 la Mokgatlo wa Ditone tše 250, mme ke “sealoga” sa lenaneo la rena.) Ka fao lenyaga re ile ra tšwela pele ka phadišano ya rena go swana le ge re dirile mengwaga ye e fetilego. Go be go le bakgethwa ba ba šupago legorong la Motšweletši yo a hlabologago wa Ngwaga, e lego ba ba latelago: Mna Philip Xaba wa Bothaville, Mna Lungile Malo wa Delareyville, Mna Simon Mazwi wa Makouspan, Mna Shimi Mokoka wa Vanderbijlpark, Moh Nolundi Msengana wa Vanderbijlpark, Mna William Matasane wa Senekal le Mna Samuel Moloi wa Fouriesburg. 



Panele ya baleki bao ba ilego ba ahlola bakgethwa kgatong ya mafelelo kgweding ya June lenyaga, e be e le Mna Karabo Peele wa Trasete ya Lehea, Mna Andre Smit wa Land Bank, Mna Dirk van Rensburg (leloko la Komitiphethišo ya Grain SA yo a rotšego modiro), Mna Jabulani Zitha le Moh Jenny Mathews (maloko a Komitiphethišo ya Grain SA le a sehlophatiro (working group) sa Tlhabollo ya Balemi), le badiredi ba bararo ba lenaneo le (Jane McPherson, Willie Kotze le Danie van den Berg). Balekwa ba ba tšwago Freistata ba ile ba kgahliša kudu mme ba bararo bao ba fetetšego kgatong ya mafelelo ba tšwa Freistata. Ke la mathomo go tloga ge phadišano ye e thoma, ge go be go se na le molekwa o tee wa profense ya Leboa-Bodikela yo a ilego a fetela kgatong ya mafelelo. Bjalo ka ge re begile mo go Pula/Imvula ya Desemere, mofenyi phadišanong ya Motšweletši yo a hlabologago wa Ngwaga wa Grain SA wa 2009, ke Samuel Moloi wa Fouriesburg. 



Lenyaga re rulagantše phadišano ya mathomo ya Motšweletšinyane wa Ngwaga kua Mpumalanga le Kapa-Bohlabela. Go be go na le balekwa ba bahlano seleteng se sengwe le se sengwe mme phadišano ye e ile ya ahlolwa le phadišano ye nngwe bekeng e tee. Re šetše re lemogile kgale gore re swanetše go putsa batšweletši bao ba šomago gabotse le ge ba kgona go lema tšhengwana ye nnyane fela. Re tshepa gore re ka hlohleletša batho ba bantši go thoma go lema naga efe le efe yeo ba ka e tsenelago semolao, le go godiša bokgoni bja bona go ipea maemong ao a ka ba kgontšhago go katološa mošomo wa bona. 

. 



