Celebrate (Maize) 								Sesotho sa Leboa

Meletlo ya Mokgatlo wa Ditone tše 250 (250 Ton Club)



Instructions: 

Folio strap: Lenaneo la tlhabollo ya balemi 

Byline: Jane McPherson, molaodi wa Lenaneotlhabollo la Balemi la Grain SA 

Photos: 67,71,80,83,87, if there is space 27,32,35,37

Captions:

Photo 027.jpg

Baeletši ba Eduard Foord le Fanie Pienaar ba ile ba lebogelwa kabelo ya bona. 

Photo 032.jpg

Balemiši ba ba latelago ba ile ba lebogelwa kabelo ya bona:

S.M. Mpahleni, M. Sobuza, M.S. Nyoni (moputso wa gagwe o amogetšwe ke Solomon Mabila) le Lucas Nhlane. 

Photo 035.jpg

Barekiši ba dinyakwapšalo (input suppliers) ba ba latelago ba ile ba lebogelwa kabelo ya bona:

Ba ka morago: Luvo Qongqo, Jan du Preez, Div Bosman, Victor Thabethe, Charles Matlou,

Lawrence Watch le Jarius Metswamere.

Ba ka pele: Dudu Mashile, Muzi Hlongwane le Salome Modise.

Photo 037.jpg

Bafahloši ba kgatha tema ye bohlokwa tlhabollong ya balemi ba ba hlabologago. Bafahloši ba ba latelago ba ile ba lebogelwa kabelo ya bona:

Danie van den Berg (Setsebitsebi: Ditirelo tša Naga) le Israel Mokoto ba Wolmaransstad. 

Photo 067.jpg

Baphadišanibagolo ba ngwaga ba Mpumalanga karolong ya Baleminyane (Small Scale Farmer) e be e le ba ba latelago:

N.R. Mhlanga, E.R. Serahe, F.J. Mhlanga (mofenyi), M.G. Nkosi, Jerry Mthombothi (molomaganyi wa profense) le A.P. Masina.

Photo 071.jpg

Baphadišanibagolo ba ngwaga ba Kapa-Bohlabela karolong ya Baleminyane e be e le ba ba latelago:

Nothando Mzini, S.H. Walaza, Simphiwe Elliot Shabhu (mofenyi), Ntombizanele Mtshulana,

le Themba Mkiva.

Photo 080.jpg

Batšweletšikgwebo le maloko a Mokgatlo wa Ditone tše 250 ba ba latelago ba ile ba fiwa petšhe ya pronse (bronze badge):

I. Abdool, P. Nolundi Msengana le S. Jonas Mokoka.

S. Motswenyane, J. Mokoto, R.E. Pholo le George Letlojane ba be ba se gona.

Photo 083.jpg

Batšweletšikgwebo le maloko a Mokgatlo wa Ditone tše 500 bao ba filwego petšhe ya silibere:

Ba ka morago: J. Metswamere, R.M. Ramoholi, William Matasane le Malefane Makubo.

Ba ka pele: Philip Xaba le Moh Mponeng Lentoro.

Bao ba bego ba se gona: M.A. Bantseke le M.J. Komako.

Photo 087.jpg 

Batšweletšikgwebo le maloko a Mokgatlo wa Ditone tše 1 000 bao ba filwego petšhe ya gauta:

Karabo Peele le Moss Malo. 

Thando Lolwane o be a se gona.



Ka la 29 September 2009 ba Lenaneotlhabollo la Balemi la Grain SA ba ile ba swara moletlo – moletlo wa Mokgatlo wa Ditone tše 250. 



Maleba a Lenaneotlhabollo la Balemi ba Mabele ke go hlabolla batšweletšikgwebo ba baso bao ba kgonago (capacitated black commercial producers) mme moletlo woo o ilego wa swarwa holong ya Fanie Ferreira kua NAMPO e be e le wa go lebogiša batšweletši bao ba ka tšebišwago intasteri ya temo ka bophara bjalo ka batšweletšikgwebo ba baso – bao ba tšweletšago mabele ao a fetago ditone tše 250. 

Tsela ye e išago temongkgwebo ya mabele ga e bonolo le gona ga go na tselakopana. Bolemi bo boima mme poelo ke ye nnyane. Batšweletši ba ba ile ba thušwa ke bahlankedi ba Lenaneotlhabollo la Balemi la Grain South Africa le bakgathatema ba bangwe ba mmalwa intastering, ba go swana le dipanka, dikgwebo tša agri, dikhamphani tše di rekišago dinyakwapšalo, balemiši ba Dikgoro tša Temo tše di fapafapanago le batšweletšikgwebo ba bangwe. 

Ngwagola re hlomile Mokgatlo wa Ditone tše 250 go tumiša batšweletši bao ba šetšego ba tšweletša mabele a go feta ditone tše 250 ka ngwaga le gona ba lego kgauswi kudu le go bitšwa “batšweletšikgwebo”. Ba bantši ba batšweletši ba ba šaletšwe ke ngwaga o tee goba ye mebedi fela ba le bakgathatema lenaneong la rena mme re swanetše go lemoga tšwelopele ya bona. 

Maloko a Mokgatlo wa Ditone tše 250 a atafala ka bonya. Go na le maloko a a šupago Mokgatlong wa Ditone tše 1 000, a lesometharo Mokgatlong wa Ditone tše 500 le a masomepeditee Mokgatlong wa Ditone tše 250. Lenyaga batšweletši ba ba bafsa ba seswai ba fetogile maloko a mokgatlo wo. 

Moletlong wa lenyaga re okeleditše karolo ye nngwe, e lego ya Moleminyane wa Ngwaga. Diprofenseng tša Mpumalanga le Kapa-Bohlabela go na le batšweletši ba bantši bao ba kgonago go tsenela naga ya hektare e tee goba tše pedi nagengkopanelo. Batšweletši ba ba kgatha tema ye bohlokwa kudu mabapi le toto ya dijo dipolaseng. Go ya ka lenaneotlhabollo la rena re ruta le go thuša baleminyane ba go kaonafatša dithekniki tša bona tša tšweletšo. Re phethile go hlomela batšweletši ba phadišano ka nepo ya go lemoga bokgoni legorong le. Lenyaga bafenyi phadišanong ye e be e le Mna F.J. Mhlanga wa go tšwa Mpumalanga le Mna S.E. Shabhu yo a tšwago Kapa-Bohlabela. Le ge batšweletši ba ba sa leme mašemo a magolo ba diriša naga ye ba e hwetšago ka botlalo mme ba hlagiša thušo ye bohlokwa ditšhabeng tša bona tša gae. 

